من مئات الترنيمات والأناشيد الكتار
قلبي حابب غنوة واحدة بالقى فيها لنفسي دار
الغنوة العنوان الغنوة الإنسان الغنوة الإيمان
يسوع يا يسوع يا رب يا غنوتي
من يوم إن رأيت والعين شافت النور و لاسمك غنيت
وبنعمك مأسور ولمجدك أنا عايش وتسبيحك دنيتي
هللت الألحان بخشوع الفرحان شاعر بالإحسان على وتر العرفان
باحني جبيني أمامك وأخرّ على ركبتي
صحّينا الدفوف وآلات التمجيد ونظمناها صفوف وأعلناها عيد
وشاركتنا السموات بتسبيحة في غنوتي
