مرنم باسم شكري (59 ترنيمة )

1- (بارفض وبإصرار.. أي حوار مـع إبليس.. وأعلن رفضي بلا
وأرفض أي خداع.. وأنا في صراع للتقديس.. وأحتمي في ابن الله)2
(و هَرد عليه بالمكتوب.. قال الله
وإيماني أكيد إن المصلوب.. هو الله)2
(والدم حمايتي و هاغلب بيه.. وأنا رافع رايتي بارنم ليه)2

القرار- والحرب تزيد.. والسيف في الإيد.. سيف الروح
في الصخر أمان.. وأنا بالإيمان.. خلف المجروح

2- (بارفض وبإصرار.. أي مسار مع أشرار.. لا للعالم لا
بارفض بالتحديد.. حط الايد مع مواليد.. عالم رفض الله)2
(وأنا عايش فيه باشهد لإله.. حب خطاة
وبصلبه وموته عطاني حياة.. أسمى حياة)2
(والوعد أكيد وانا واثق فيه.. إن العالم ده مغلوب ليه)2

1- (هو فيه في الدنيا ايه يستاهل إني أخاف عليه
غير إني أفرح قلب سيدي وأشوف رضاه عني في عينيه)2
(و أعيش عشانه وأديه مكانه)2
وتزيد غلاوته واشتاق إليه

القرار – (يارب خليني أعيشلك
أعيشلك انت يا إلهي وحدك)2
في كل يوم لأ ساعة وكل لحظة أمجدك

2- (أد إيه من عمري فات قليل فرحت وكتير آهات
عشان حاولت أعيش لنفسي وف آثامي كنت أبات)2
(لكن طموحي زوّد جروحي)2
ورجعت أقول بعد السُكات

يسوع أنت تعلـم أن شهـوات العـالم تخدعني
(طهر قلبي طهر فكري أسمع صراخي وارحمني)2
القرار- (طهرني طهرني)2
يسوع أنت تعلم إني أحبك (مـن قلبي)2
دنست قلبي دنست فـكري صلـبـتك بـجرمي
(أبعدتك نسيتك لم تعد أنت الكل لـي)2
قـدس سمعي عـفف نظري أحفظ أوقـاتـي وحبي
(أحفظ وعدك أمشي خلفك مهما خالفت في وعدي)2
لكن متى الفادي المريـح نظر إلى بابتسام
(تصفو حياتي وتستريح أعيش دوماً في سلام)2
يسـوع الآن تعلم أني فرحان بوجودك في قلبي
(هللي نفسي رنّمي روحي ده يسوع حبيبى طهرني)2

(أنا مش مستني مديح ولا خايف م التجريح
مش هاسمع للإنسان لو حتى كلامه مريح)2

القرار – (أنا هدفي أعيش بأمانه وأشهد عن حب يسوع
لو عِشت لنفسي خيانة أنا هدفي أعيش ليسوع)2

(لو فيه كلمات إعجاب أو لوم وكلام بعتاب
أو حتى كلام جذاب باطل وفي نظري سراب)2
3- (أنا عِشت سنين مخدوع وما بين أفراح ودموع
مشغول بكلام الناس وكياني معاه مدفوع)2

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2..والفكر بعيد هناك
2- (عايز أرنم وأعيش كل الكلام اللي أقوله
والفرحة ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسَّاني وعشش بين الضلوع)2..عشش بين الضلوع
3-(عايز أدوب في الكتاب وأعيش بين السطور
و أرتاح أنا من عذاب البعد والفتور)2
(ده أنا ياما مسكته بإيديَّ وماحسش قلبي بيه
وياما قريته بعينيَّ وما عِشتش باللي فيه)2..ما عِشتش باللي فيه

1- تمر السنين وتفضل أمين
يا ربي وإلهي القدير والمعين
القرار - إله الأمانة عظيم الصنيع يا ملجأ يا قوة يا ستري المنيع
2- بنلجأ إليك على طول بنلاقيك
وظروفنا وهمومنا بنرميها عليك
3- في وقت الجروح والخوف والطروح
بنجيلك يا غالي ألمنا يروح

(قدام حاجات مالهاش جواب .. قدام ألم فوق الإحتمال
قدام إله وكأنه غاب .. وكل سهم شك بسؤال)2
القرار- (بإيه هارد وبإيه هاصُد .. وإيه سند غير هو قال)2
(هو قال هو قال)2 .. هو قال ماتخافشي يا ابني
(هو قال هو قال)2 .. واللي قال ولا مرة سابني
2- (قدام زمن مافيهوش صُحاب .. قدام سنين مُرة وتقال
قدام بشر زي الذئاب .. قدام عدالة ميزانها مال)2
3- (قدام جسد همه التراب .. والذات وكل شهوة بقِتال
والحية رامية من الكتاب .. إنصاص آيات شبكة ضلال)2

كما أنا وليس لي عذر لديك إلا الدم المسفوك عني من يداك
وأمرك القائل أن آتي إليك آتي أنا يا حمل الله الوديع
كما أنا ولست أسعى كي أزيل عيباً من العيوب والحمل ثقيل
إليك يا من دمه يشفي العليل آتي أنا يا حمل الله الوديع
كما أنا أعمى شقي وفقير فيك الشفاء والنور والغنى الكثير
نعم وكل حاجتي أيا قدير آتي أنا يا حمل الله الوديع
كما أنا تقبلني في صفحك مرحباً مطهراً ببرك
لأن قلبي واثق بوعدك آتي أنا يا حمل الله الوديع
كما أنا وقد نقضت عهدك جهلاً بحبك أهنت مجدك
الآن كيلا لا أكون وحدك آتي أنا يا حمل الله الوديع