عايز أحبك

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2..والفكر بعيد هناك
2- (عايز أرنم وأعيش كل الكلام اللي أقوله
والفرحة ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسَّاني وعشش بين الضلوع)2..عشش بين الضلوع
3-(عايز أدوب في الكتاب وأعيش بين السطور
و أرتاح أنا من عذاب البعد والفتور)2
(ده أنا ياما مسكته بإيديَّ وماحسش قلبي بيه
وياما قريته بعينيَّ وما عِشتش باللي فيه)2..ما عِشتش باللي فيه