مرنم لبيب صموئيل (27 ترنيمة )

١- إلهنا عظيم إلهنا أمين ... وحافظ عهده سنين وسنين
بيطعم شعبه في برية ... ويطلق أسرى ومسبين
إله دانيال ورب داوود ... بنؤمن إنه ما زال موجود
ينجي عبيده حسب وعده ... من سيف جليات وجب أسود

القرار- (يا إلهنا الصالح شكراً ليك مهما بنشكر مش هانوفيك
دي مراحمك جيل ورا جيل وأمانتك ثابتة وما بتزول
أعمالك تشهد لك وتقول يا رب ملكش مثيل)٢

٢- في قلب السجن ووسط الضيق ... بتيجي بقوة يا أوفى صديق
وإن وقف البحر قصاد شعبك ... تشقه وتعمل منه طريق
ما في أبواب ولا أسوار ........ أمامك تقوى يا جبار
وإن اضطهدوا في مرة ولادك ....... نشوفك وسط أتون النار

٣- إله أبائنا وأجدادنا ..... عهودك لينا ولولادنا
يا فادي من الحفرة حياتنا .... ووعدنا لسما هاتاخدنا
بنعلن أن إيماننا فيك .... من يوم أنكرنا وصاح الديك
بنظرة حب ادوبنا .... ونرجع تاني بتوبة إليك
------------------------------------------------------------------------
القرار- (اغمر بالبركة في أيامنا ارجع بمراحمك وأحيينا
إشراقة وجهك نستنا ونتوب وتعالج أراضينا)٢

١- أشواق للبركة جوانا تشبعنا رضا وتفيض فينا
تغمرنا لبركة وتملانا أنهارها تفيض من حوالينا
وبروحك تثمر في حياتنا وتبين ثمر الروح فينا
وبنعطش لحياة البركة من الضعف وأكتر تدينا

٢- عايزينك تيجي بسلطانك تأمر لحياتنا بحرية
نثبت في الحق يحررنا من كل خطية وعبودية
من كدب وباطل نقينا وبروح الحق تنورنا
أرسل كلماتك واشفينا اظهر في سلوكنا وغيرنا
٣- عايزينك تملك في حياتنا وبقوة روحك عيش فينا
تسكن في القلب وتملانا من غير ولا ركن يكون لينا
املك في القلب وعلمنا نديلك راحتك في حياتنا
نوّر أذهاننا وفهمنا واتعامل مع بطء بإيماننا

القرار - (انت في العلى أقدر على كل ظروفي هاتقدر)2
مهما كان عجز الإنسان انت في العلى أقدر

1- [(مهما تكون أحمالي واثق إني أنا غالي)2
باتقدِّم وبكل ثقة باعلِن فيك إيماني]2
2 - [(قادر ترفع نفسي من كل حيرتي ويأسي)2
ما انت أبويا وعارف كل أفكاري وهمسي]2
3- [(ليك في الموت مخارج وبقربك قلبي ثابت)2
هامشي معاك ع المرتفعات وعدك ليَّ أنا غالب]2

1- (مش مستحيل وأنا بين إيديك أعلى لفوق
أعبُر سدود وأهدم حصون يملاني شوق)2
(المستحيل إني أعيش من غير إيديك
وأتوه في سكة هناك بعيد من غير عينيك)2
2 - (مش مستحيل وأنا معاك أعبر بحور
مليانه ضيق ويا آلام تبقى لي نور)2
(المستحيل إني أسير من غير خُطاك
وأوقات تفوت من غير وجود قلبي معاك)2
3- (مش مستحيل وأنا معاك أنسى اللي فات
دمك غفر كل الخطايا أحيا اللي مات)2
(المستحيل إني أعيش لحظة بعيد
وأنسى صليب شاله الحبيب حرر عبيد)2
4- (مش مستحيل وأنا معاك أكون سعيد
أدوس أحزان و هَم زمان نصري أكيد)2
(المستحيل إني أعيش من غير رجاء
وانت ضامن لي حياة سعيدة مجد السماء)2

القرار- (دايس على عسلك يا عالم أنا بإلهي شبعان
مُــرَّة المية اللي بتعطيها وعمرها ما تروي العطشان)2
(مهما تحاول تغريني أو من مجدك تعطيني)2
انا يسوعي مكفِّيني و قلبي بحبه مليان

1- أنا نفسي أبيَّة وفرحانة.. (بابن الإنسان)2
بدمه اشتراني وخلاني.. (ملك وسلطان)2
لا فلوسك ولا.. ولا دهبك ولا.. ولا حتى كنوز الدنيا كمان
مش راح اقبلها.. لو كانت على.. عرشك راح بتملِّكني زمان
2- مهما تتزين بعيوني.. (بتبقي عريان)2
إذا فكرك أسجد قدامك.. (انت غلطان)2
ولعلمك أنا.. ما بَسجد أنا.. ولا ركبي بتركع مهما إن كان
أنا قلبي اغتنى.. يوم اللي انحنى.. قدّام اللي بيغني الأكوان

القرار – (أنا في المراحم باعيش والخير ده خير سيدي
وزي جوده مافيش يسوع هو نشيدي)٢

١- (من يوم ليوم هو معايا أبداً ما سابنيش
وفي الخطر بينقذني من الشر يحميني)٢
صخري وعزي وتاج راسي يسوعي إكليلي
تبري ورصيدي وميراثي أفراح قلبي وعيدي
٢- (وإن جاني في لحظة عدوي يكسرني ويحنيني
أطلب فاديَّ حالاً يجي وفي حضنه يخبيني)٢
ستري وحصني ومجني يسوعي إكليلي
أهتف وغني بطول عمري ده في ظله حاميني
------------------------------------------------------------------------
القرار – (دي إيديك محاوطاني في حضنك وضماني
وعناية إلهية هي كل ضماني)٢

١- (دي حياتي تشهد لك توصف غنى رعايتك
بعصاك وعكازك بتعلن لي عنايتك)٢
٢- (مديون أنا لحبك راح أعيش حسب قلبك
وأحكي بمعروفك وأشكر جزيل كرمك)٢

١- (أنا إناء.. اسود كسير عليل
لقتني إيد.. خزاف مالوش مثيل
صرت في يده.. إناء أبيض جميل)٢

القرار- (أنا غالي فيك.. يا أغلى ما في عمري
مهما إبليس.. رخص في عينيَّ أمري
وضعفي صار.. حيرة وسكوت وصمت
أذكر ده دمك.. هو ثمني وقيمتي)٢

٢- (أنا عايش بيك.. يا نفسي وشهيقي
بتقودني أيديك.. و تنور لي طريقي
دايمًا بلقاك.. وحدك خلي وصديقي)٢

٣- (أنا بستناك.. في كل يوم راعيَّ
أجري أحكي معاك.. واسمع ردك عليَّ
وتضمني ليك.. يا أبويا وفاديَّ)٢

القرار – (يا أبو المجد النوراني بين تسبيح الأبرار
آبا الآب السماوي آبا يا أبو الأنوار)2

1- ياللي بكلمة منك هَل في قلوبنا وأشرق وأطل
مجدك بينوَّر للكل في وجه الرب يسوع البار
(هللويا)4 ... آبا يا أبو الأنوار

2- في احتفالات السما ع الأرض بنعيِّد بذبائح الحمد
وفي وسطينا رب المجد يقودنا وروحه يفيض أنهار
(هللويا)4 ... آبا يا أبو الأنوار

3- نعمة وصارت لينا بحب حملت لينا دماء الصلب
غسلتنا وغيَّرت القلب وترفعنا لأخر المشوار
(هللويا)4 ... آبا يا أبو الأنوار

1- (أنا فاكر وإزاي أنا ها أنسى.. دي محبة ما تخطر على بال
أنا فاكر وحبك ليَّ.. كسر قيدي وعاري أتزال)2
القرار- (إزاي أنا ها أنسى إزاي.. دي لمساتك اتحفرت فيَ
جوه عروقي وعمري الجاي.. تعلن إن أنا ملك فاديَّ)2
تعلن إن أنا ملك فاديَّ
2- (أنا فاكر إحسانك ليَّ.. يوم ما الكل تركوني
يوم ما النعمة انسكبت فيَّ.. و إيديك الحلوة شالوني)2
3- (أنا فاكر أيام تجديدي.. يوم ما دخلت لحياتي
يوم ورا يوم أهتف بنشيدي.. ما في زيك لحياتي)2

1- (حبيبي عن وصفه.. يعجز أي إنســـــــــان
أصله بالمجد مكلل.. وليه سلطـــــان)2
القرار- (وأطرح أكاليلي.. عند قدميــــه
و نهاري وليلي.. راح أرنم ليه)2
2- (حبيبي أبيض وأحمر.. ليه اسم عجيب
وجماله بارع بل أكثر.. خالي من العيب)2
3- (لما أذكر موته والإماتة.. وأتأمل فيـــــــه
أتذكر صلبه وجلداته.. وأتعلق بيـــه)2
4- (عنك ما هأحول عيني.. في ضيق أو جوع
وإنت اللي دفعت ثمن فيَّ.. دمــك يا يســوع)2

القرار – (قربك ربي يسوع مني مطمني أطلب تسرع فتعينني وتحملني)2
(ما أنا ابنك الغالي عليك محفوظ في قلبك وعينيك)2

1- (واثق قلبي فيك يا يسوع واثق طول ما انت بقربي
مهما أعطش ألقاك ينبوع يرويني ويشبع قلبي)2
2- (وفي صخرك ثبِّتني فيك وفي قلبك خبيت صورتي
غِمضت عيني وهي عليك وفي لحظة زالت حيرتي)2
3- (يا فخري ويا عزي أنا بيه ربي في ستره خباني
من مَسَّني مَسّ عينيه يا فرحي إلهي ضماني)2