كورال ام النور - كندا (157 ترنيمة )

1- بنكبر وبتكبر معانا الهموم وتكتر حمولنا حاضرنا وماضينا
تزيد المخاوف وإيه اللي بكره هايحصل وإيه اللي راح يجينا
القرار- (وننسى إن أنت مضلل علينا وساتر علينا بظل الجناح
وسترك ده هو الأمان اللي لينا وهو الضمان رسالة وصلاح)2
2- بنكبر ونعرف أكيد كل يوم إيديك ياما شالت وعدت هضاب
وعين الرعايا اللي سهرانة دايما علينا بترعى في كل الصعاب
3- بنكبرونفهم حقيقة أكيده غلاوتنا عندك تمنها ده إيه
وابنك وحيدك بذلتوا بدلنا فدانا عشانا لم تشفق عليه
القرار- (ونشهد بانك مضلل علينا وساتر علينا بظل الجناح
وسترك ده هو الأمان اللي لينا وهو الضمان رسالة وصلاح)2

1-أجهل ما سوف يأتي.. في الغد أو بعده
فالغد في علم ربي.. ليس خافٍ عنده
ليس همي ما يصير.. من أمورٍ آتياَ
همي أن أرضي ربي.. في الحياة الباقية

القرار- لست أدري ما يكون.. من حياتي في الغد
أعلم شيئًا يقينًا.. ربي ممسكٌ يدي

2-أعلم الدرب منير.. أعلم ربي أمين
فهو لي خير رفيق.. وهو لي خير معين
عن قريب سوف أمضي.. إلى موطن الخلود
حيث لا الدمع يسيل.. لا ولا الموت يسود
3-أجهل المستقبلات.. أجهل ما سيكون
إنمـــــا أعلـــــم أن.. ربي أبٌ حنون
فهو يُعني بالطيور.. وكذا يهتم بي
دمه يكفيني سترًا.. روحه يملأني

1- شعب مصر جه زمان الافتقاد
والحقول خلاص ابيضت للحصاد
أدعوا باسم الرب صلوا وتوبوا ليه
تلقوا مجد الرب ف مصر تاني عاد
القرار - يتعرف إلهنا في كل أرض مصر
يشفي كل جرح ويجبر كل كسر
إحنا بس نرفع تسبيحاتنا ليه
وهو ليه الحرب وهو بيه النصر
2- أرض مصر بتناديلك يا يسوع
شعبنا جايلك بتوبة وبخضوع
وحدك أنت رأسنا وعزنا اسمك يعلا
وفى أراضينا يكون مرفوع

1- (لما الرب وأصل الكل يقول متخافش
أنا ضامن لك بكرة الجاي ومتقلقش)2
(يبقى أنا لازم أصدق وعده
ربنا صادق عالي في مجده
هو ضامن لي بكرة الجاي وقال متخافش)2
2- (لما اللي بيرزق فرخ الطير جوه العش
قال أنا مسئول عن أكل العيش ميهمكش)2
(يبقي إزاي هايسبني جعان اداني الروح يشبعني كمان
هو المسئول عن أكل العيش مايهمكش)2
3- لما الله اللي في إيده أمر الناس
يقول حبيتك قبل ما تعرف انت الإحساس
لما اللي الكون بيسبِّح اسمه يعلّيه
يطلب إن كابن بدَالّه أنادي عليه
(إزاي قلبي يفضل قاسي قدام كاشف سر خلاصي
لازم أصدق انه راعيَّ وأبويا وعينه عليَّ)2

[أنا مش هاخلّي ظروفي الصعبة تحنيني ومش هَاسيب إبليس (يتسلى)3 بأنيني]2
(والموجة مش هاتخدُنـي أو ترِميني)2
(الحبل مهما اتفلت والشط مهما ابتعد
انت اللي هَاتكون الطريق وانت اللي هَاتكون السند)2
وانت اللي هاتوّصلنـي وتوديني
(رغم الظروف والريح المركبة هَاتسير ومهما هاجت بحور الرب ليه تدبير)2
(يا ما صارعت الموج يا ما البحور هاجت يا ما القلوع اتكسرت يا ما الشطوط تاهت)2
(ولقينا إيديك معانا وبتعدل الدفـّة والمركبة رغم الظروف رسيت على الضفة)2
[أنا مش هاخلّي ظروفي الصعبة تحنيني ومش هَاسيب إبليس (يتسلى)3 بأنيني]2
(والموجة مش هاتخدُنـي أو ترِميني)2

١- (ربي هاسكن في سترك .. وهاعيش أنا تحت ظلك
لو جسدي شدني .. حبك بيردّني)٢
أنا رجليَّ ضعيفة .. لكن انت رجايا
هاجي تضلل عليَّ .. علشان انت الحماية

القرار- (خبيني من يوم الشر .. خبيني من برد وحر
خبيني من السهام .. خبيني من الأوهام)٢
(و في حضنك الدافي)٢.. خبيني

٢- (العالم بيحاوطني .. بشرّه حواليَّ
كل ما ليك أقرَّب .. الشر قدام عينيَّ)٢
مهما بيشد قلبي .. إيماني إن انت جنبي
على سترك هاجري ربي .. علشان فيك الحماية

١- (بتفهمني وتحس بي تسمع كلامي اللي مابقولهوش
وتحبني تشفق عليَّ وأصغر نور فيَّ مابتطفيهوش)٢
القرار- (أنا ليَّ مين يا يسوع غير قلبك اللي حَبني
بتضمني وبيهمك أصغر حاجة بتهمني )٢
٢- (أصحابي ناموا بالليل وعينيك عليَّ سهرانة
وحتى لو كان ليلي طويل تبعت أغاني فرحانة)٢
٣- الضعيف أنت سانده شعر راسي أنت عادُّه
والطريق اللي أنا مش قده أنت تمسك إيدي فيه
لو مافيش حاجة في إيدي أنت ربي وفاديَّ
وفي ضعفي تشفق عليَّ واحتياجي أنت ماليه

القرار- (احميني يا ربي من ذاتي ورجعّني إليك
توِّبني وغيَّر لي حياتي وثبِّتني فيك)2

1- خطايايَّ للأرض بتجذبني وأنا نفسي روحي تصعد لك
قدس نفسي كمان جددني خلّيني بأمانة أعيش لك
أنا ابنك وضعيف القوة إبليس قادر يغلب ضعفي
لكن فيك أنا هاتقوَّى وأغلب بيك كل مخاوفي
2- ندمان على اللي فات من عمري في شهوة ولذة طمع وخصام
أنا جاي لك أسكن أحضانك وأعيش وياك دايماً في سلام
بإيمان العشار جاي لك ربي تغفر تشفي كل الأسقام
وعدك ترعاني وتحفظني ولا يوم تنعس ولا حتى تنام

في انتظار في انتظار في انتظار
1- (مهما الشر عليَّ زاد مهما القلب تعب و احتار)2
هافضل ثابت فيك يا يسوع رافع قلبي في انتظار

القرار- (في انتظار وعدك يتحقق في انتظار بركات تاني
في انتظار أمجادك ترجع تملى حياتي فرحة و أغاني)2

2- (مهما شكوكي زادت جوايا وآلامي بقى ما لها نهاية)2
باسمع صوتك ليَّ تملّي ما تخافش أنا ليك حماية
3- (مهما تتوه كل الخطوات وأبقى ماشي طريقي وحيد)2
هاستناك تيجي وترشدني تبقى معايا الإيد ف الإيد
في انتظار في انتظار في انتظار

1- خير وأمان فرح وسلام ده حلم كل المصريين
كفاية ضلال شبعنا كلام دي هي صرخة كل حزين
حب البلد مش أغنية ولا يافطة تنادي بحرية
حب البلد دي ركب ساجدة وإيدين مرفوعة ليل ونهار
ودموع تخلي القلوب تصلي وتقوله يلا تعالَ يا بار

القرار- (بحب مصر وبصلّي لولادها وشعبها
بحب مصر ومستني ملكوتك وسطها
انت وعدت هتيجي وتشفي أرضها)2

2- رحمة وجود رجاء ووعود لكل قلب مصدق فيك
لمسة تغيير شفا وتحرير لكل أيد مرفوعة إليك
دي محبته ليك أبدية قدم حياته ليك وليا
عايزك تكون لاسمه شهادة وفي وسط الضلمة تكون النور
للي هايملا بلادنا بمجده زي المياه ما تغطي بحور