القرار- الله بيتكلم ليَّ وليك.. الله بيكلم كل الناس
بصوت وصورة من حواليك.. قولُّه يعطيك قلب حسّاس
1- (الله بيتكلم وسط النار.. بالصمت بيعلن أو بالصوت
بهدير الأمواج العاصف.. بصياح الديك وف بطن الحوت)2
(حتى القبر يخبَّر لما)2.. يؤمر بحياة من قلب الموت
2- (الله بيتكلم في ظروفي.. وف قلب الحاجة والأعواز
بطرق طبيعية بيتكلم.. وإن شاء يتكلم بالإعجاز)2
(الفاهم يلمس يد الله)2.. والجاهل يحسبها ألغاز
3- (الله بيقول لكن قلبي.. محتاج يتعلِّم كيف يسمع
تنطفئ أنوار الأرضية.. و ارفع عيني عليه وأتطلع)2
(أسمع صوته وأشبع منه)2.. ومجده ونوره فيَّ هايسطع
