مرنم يوسف صموئيل (424 ترنيمة )

1- كانت حياتي نغمة حزينة
مليانة أوجاع وجروح دفينة
حسد وغيره وعينين شريرة
حلفان وشتيمة بألفاظ مريرة
وإيدين طويلة على الخليقة
وأيام ذليلة في سجن الخطية

القرار- (لكن هو عدى عليَّ وقال لي اتبعني
فجأة لقيت شخص بيرفعني ويرفَّعني)2
(ونظر لي بعينه الحلوة اللي دوبت قلبي
وقال لي تعالَ اتبعني ما تخافش يا ولدي)2
(وأنا فجأة لقيت حب وحبيت)2
شخص يحب ما يعرف يكره حتى أعداؤه
فج بنوره جوا في قلبي غيَّر حاله

2- رآني عايش عند الجباية
ميت وكانت هي النهاية
إنسان ضلالي غشان حرامي
القرش أبويا والكذب حلالي
شفق لحالي وقال تعال لي
ده أنت في بالي وعلى قلبي غالي
من فرحة قلبي وشوقي لربي
عملت وليمة وعزمت حبايبي
والفرحة هلِت والدمعة فَرِّت
والآهة ولِت والسعد جاني
ويسوع لقاني بالحب سباني
وبالنعمة دعاني وملا قلبي أغاني

1- مستنيك ترجع لي وأنا عيني عليك
وانت يا ابني شاغلني وأنا نفسي الاقيك
مستنيك ترجع لي وأنا عيني عليك
أصلك يا ابني واحشني وأنا نفسي الاقيك

القرار- (حتى لو انت نسيتني
أنا مش ممكن انساك
ده انت ابني وحبيبي
وكل مُنايا لقاك)2
ده انت في قلبي وعيني
قربك هو سروري
(ولذة قلبي معاك)2
وإن كان قلبي انجرح
برجوعك ييجِي الفرح
وإن كان غدرك دَبَح
(أنا قلبي كله سماح)2

2- (من لحظة فراقك وانت هناك بعيد
أحزان في القلب تِدمي و وجعي شديد)2
(تعالى في حِضني هَاتلاقي الأمان
وتلاقي المحبة و تشبع حنان)2

١- كُلُّ الْخَلِيقَةِ الَّتِي فِي الأَرْضِ وَالسَّمَا مَعَا
تُعْلِنُ حِكْمَةً لَكَ وَجَبَرُوتًا وَاسِعَ
تَعْتَرِفُ بِكَوْنِكَ (أَهْيَه الْعَظِيمَ الأرْفَعَ)٢

٢- يَا لَهُ مِنْ حُبٍّ عَجِيبْ وَرَحْمَةٍ بِلا حُدُودْ
أَخْلَيْتَ نَفْسَكَ وَجِئْتَ حَمَلاً يَفْدِي الْعَبِيدْ
يَا حَمَلَ اللهِ لَقَدْ (سَبَانَا ذَا الْحُبُّ الشَّدِيدْ)٢

٣- وَإِذْ نَرَاكَ فِي الْبُسْتَانْ تَقْطُرُ بِالْحُزْنِ دَمَا
نَنْدَهِشُ مِنْ نِعْمَةٍ بِهَا احْتَمَلْتَ الأَلَمَ
دَعْنَا لِذَا نُقَبِّلُ (بِالْحُبِّ رَبِّي الْقَدَمَ)٢

٤- لَكِنْ أَمَامَ مَوْتِكَ بِالصَّلْبِ وَالْعَارِ الْمُهِينْ
لَيْسَ يَفِيكَ سُبْحُنَا لَوْ قُدِّمَ طُولَ السِّنِينْ
فَاقْبَلْ سَكِيبَ حُبِّنَا (وَنَارِدِينِنَا الثَّمِينْ)٢

(يسوع الحلو الغالي لقاني وغيَّر حالي
بدل حزني لأغاني والروح رجعت لي تاني)2

القرار- (وأنا كنت رايح جهنم لكنه رآني وتحنن)2
(وشفاني من كل جروح وملاني أفراح بالروح)2
أصله لأجلي مات مذبوح

2- (في عُري وأنا خجلان متروك بين حي وميت
مطروح ولا فيش إنسان قرب لي ومشاعره حنت)2
3- (ده جاني وقلبه رقيق نجاني وصار لي صديق
ما عاتبني وأنا الغلطان وعاملني بكل حنان)2
4- (رآني وأنا مغلوب من شهوة حنت لي راسي
نازل عكس المكتوب وعن حبه كان قلبي قاسي)2
5- (حن لي وأنا موجوع من ناس جرحوا إحساسي
خدعوني لكنه يسوع خلصني ورافع راسي)2
6- (في الفندق ضمان للرحلة ودفع لي حساب الكلفة
ومعايا طول الأيام ووعدني إنه جاي قوام)2

القرار- (إنت ليك قصد في حياتي ليَّ ضامن إنه يكمل
إنت راسم ليَّ سكة وخِطة صالحة مِش هاتِفشل)٢

١- (يوم بيوم عايز أمشي فيها وأبقى خاضع بين إيديك
نفسي أتعلِّم أطيعك يبقى كل العمر ليك)٢
عايز اسمع همس صوتك وابقى ناظر بس ليك
تهدي رجليَّ في طريقك وانت تنصحني بعينيك

٢- (كل يوم راح أبقى جنبك وأترمي في حِضنك وأدُوب
راسي أسند جنب قلبك وعن خطايايَ أتوب)٢
مِنَّك انت الحكمه نازله تِدِّيها من غير حُدود
أصلك انت بتدِّي للِّي يسألك، وعليه تجود

القرار- (صوت يسوع لكل الجموع)2
صوت يسوع بينادي بيقول أنا الفادي
(بيقول أنا باحبك أقرب واحد لقلبك)2
(وضحيت بدمي علشان أنت غالي)2

1- لو بعدت عنه مش هتلاقي زيه
في قلبه الحنين وحضنه اللي دافي
حبك جِه عشانك سال دمه بدالك
مات وأخد مكانك (أصل ده حبه شافي)2
2- ليه من حبه تهرب تعال وجرب
بيناديك بقلبه بيقول لك: كفاية
ليه تعيش في ضلمة وتموت في الخطية
لا فكر شوية (دي ضربة طرية)2

القرار- (أَلْقِ عَلَى الرَّبِّ هَمَّكْ فَهُوَ يَعُولُكَ)٢

١- عِنْدَمَا يَغْشَاكَ لَيْلٌ كُلُّ مَا فِيهِ ظَلاَمْ
يَغْدُو ذَا اللَّيْلُ مُنِيرًا بِضِيَا رَبِّ السَّلاَمْ
رَبُّكَ مُؤْتِي الأَغَانِي حَتَّى فِي وَسْطِ الآلامْ
يُبْدِلُ الْحُزْنَ بِفَرْحٍ ثَابِتٍ عَلَى الدَّوَامْ

٢- فَهْوَ لَمْ يُشْفِقْ عَلَى ابْنِه بَلْ بَذَلْهُ لِلْفِدَاءْ
هَكَذَا اللهُ أَحَبَّكْ مَانِحًا لَكَ الرَّجَاءْ
كَيْفَ أَيْضًا لاَ يَهَبْكَ وَسْطَ ضِيقِكَ الْعَزَاءْ
كَيْفَ لاَ يَحْنُو عَلَيْكَ رَافِعًا فَوْقَ الْعَنَاءْ

٣- فَاتَّكِلْ عليهِ دومًا واثقًا في وَعْدِهِ
مثلَ طِفْلٍ يستَرِيحُ قلبُكَ فِي حِضْنِهِ
فَهْوَ لَمْ يَنْسَ رَضِيعًا قَدْ نُسِي مِنْ أُمِّهِ
فَالْجَأَنْ إِلَيْهِ تَحْيَ آمِنًا فِي سِتْرِهِ

١- نَفْسِي اقْرُبِي بِالشَّوْقِ مِنْ كُرْسِيِّ رَحْمَتِهْ
حَيْثُ يَسُوعُ لِلدُّعَا يُصْغِي بِنِعْمَتِهْ

٢- يَا مَنْ وَعَدْتَ الْمُتْعَبَ بِالرَّاحَةِ الْعُظْمَى
أَقْتَرِبُ مُطَالِبًا بِوَعْدِكَ الأَسْمَى

٣- يَا رَبُّ كُنْ تُرْسًا لِيَ وَمَلْجَأً حَصِينْ
فَحُجَّتِي لِلْمُشْتَكِي فِدَاؤُكَ الثَّمِينْ

٤- يُدْهِشُنِي الْحُبُّ الَّذِي بَدَا عَلَى الصَّلِيبْ
عَلَى أَسَاسِهِ أَنَا أَدْعُو فَتَسْتَجِيبْ

زكا ده اسمي يا أحباب
اقروا عني في الكتاب
ريس لكني مرؤوس
في الشرور عايش مغموس
رايح راجع أجيب في فلوس
ولا عمري شبعت يا ناس
عشار وفي أريحا زمان
جبار ولا أسيب إنسان
ظالم دايماً للمساكين
عايش عمري بقى لي سنين
آخد بدل القرش أتنين
وباشكي تملّي م الحرمان

القرار- (ومر عليَّ يسوع محبوبي
خلصني من كل ذنوبي)2
(وولدني ولادة ثانية
وإدّاني عطايا غالية)2
غيَّر قلبي وغيَّر فكري
وجعلني أعيش في أمان

2- ورآني يسوع البار
وناداني من فوق الأشجار
ودخل بيتي اللي مليان
بالخطايا و بالأوثان
بيَّت فيه وأتعشى كمان
وصبحنا من الأبرار
ووجدني راعي الخراف
وجعلني ضمن الأشراف
و أدي المساكين والضعاف
وإن كنت ظلمت أرد أضعاف
ومهما جرى لي مش هاخاف
ده حاملني على الأكتاف
وهداني يسوع الحنّان
وعمل معايا الإحسان
فكني من إيد الشيطان
فرّحني بعد الأحزان
وملاني نعمة وإيمان
وغمرني بكل حنان
غيَّرني يسوع الحي
خلّاني ماليش زي
نصف أموالي للمحتاج
والتعبان أجيب له علاج
واللي سجنته أعمل له إفراج
وكرامتي ما غالية علي

أنا لو هاعيش بعيد عنك (بناقص أعيش)2
قلبي بيرتاح دايمًا جنبك (زيك ما ألاقيش)2
أنا عايز أعيش يا إلهي (بين الأحضان)2
أشبع وأرتوي من قلبك وأقول عطشان

القرار- (دي نظرة عينيك تكفيني
والبسمة تحوش كل أنيني
وتبدل ليلي تخليني أنسى الأحزان)2

2- حبيتني وغفرت ذنوبي (ومحيت خطاياي)2
وسترتني وسترت عيوبي (وبقيت وياي)2
ده الماضي بيشهد عن جودك (وأعظم إحسان)2
والحاضر يهتف بوجودك أنا بيك هيمان
دوبني حنانك دوبني في (حُبك يا يسوع)2
أتمتع بيك مهما قابلني (آلام ودموع)2
لو كل الناس حبوني (وقالوا أحلى كلام)2
عن حُبك مش راح يغنوني ده ما كانش كلام
عرفني مشيئتك في حياتي (يوم بعد اليوم)2
أشهد عنك في اختباراتي (من غير ولا لوم)2
ده أنت الغالي على قلبي (وأغلى الغاليين)2
وأنا لو هعيش بعيد عنك هعيش لمين