مرنم عبد الفادى إبراهيم (18 ترنيمة )

القرار- إتبناني رضي بيَّ .. واشتراني حن عليَّ

1- (بقى لي في حضنه مكان .. ونسيت أيام الحرمان)2
ده أهلي وعيلتي كمان .. وراس مـــالي
2- (ابن ليَّ شأن كبير .. أبويا يبقى القدير)2
إزاي أخاف أنا من الشرير .. مهمــا جــاني؟!
3- (نسَّاني الماضي الأليم .. خلّى لساني يقول ترنيم)2
غسلني بدمه الكريم .. و فدانـــي
4- (عوَّض عن كل اللي راح .. وضمَّد كل الجراح)2
ويوماتي عايش أفراح .. و أغـــاني
5- (تعالوا شوفوا يا ناس .. يسوع إداني الخلاص)2
ماشي معاه مرفوع الراس .. علَّى مقامي
6- (هاعيش له طول السنين .. ابن خاضع وأمين)2
ولا أحيد عنه شمال ويمين .. طول أيامي

1-فوق الرياسات فوق السلاطين فوق الأسماء عمانوئيل

القرار- هللويا.. هللويا.. هللويا.. هللويا

2-رئيس السلام رئيس الخلاص رئيس الحياة رئيس الإيمان
3-مجد وإكرام عزاً وبهاء قدرة وإجلال لرب الأرباب
4-إله إبراهيم وإله إسحاق وإله يعقوب وسطينا الآن

القرار- أزمة وهاتعدّي إله التعويضات إلهي حي
أزمة وهاتعدّي إله البركات بالخِير جاي

1- هايعوَّض سنين فاتت وهايعوَّض سنين راحت
ده إلهي حي إلهي حي
2- ثقتي أنا مش هاطرَحها ثقتي أنا مش هانزعْها
ده إلهي حي إلهي حي
3- إلهي جاي بالتعويضات إلهي جاي بالبركات
ده إلهي حي إلهي حي

القرار: (يا سيدي أنا باحبك أسجد أمام شخصك
وأقدم لك حياتي وعمري تحت أمرك)2

1- (العبودية معاك حرية
والحرية من غيرك عبودية)2
(باتمسك بيك ده أنا روحي فيك)2
وأهتف وأقول لك يا سيدي باحبك
2- (لما تقول يا ابني وتنادي عليَّ
قلبي يفرح بيك وأشعر برضاك عليَّ)2
(أجري عليك وأقبِّل إيديك)2
وأغني وأقول لك يا سيدي باحبك
3- (لما أنظر إليك باشوُف غلاوتي في عينيك
يدوب قلبي فيك وهدفي إني أرضيك)2
(يسبيني جمالك يغمرني حنانك)2
دوماً أقولك يا سيدي باحبك

القرار- أنا باختار العشرة معاك باختار الحرية
أنا هارب من سجن العالم وحياة العبودية
1- أنا سايب شهواتي وباحارب الشرور
أنا تايب عن ذاتي ومواكب الغرور
أنا باختارك عزوة وزيك مين يكون
دا إنت زينة العالم مش المال والبنون
دا إنت الحق وإنت حياتي وطريق الحرية
2- أنا باختارك فادي على العباد رحيم
أنا باعلن جهادي ضد جنود الجحيم
أعيش مع اللي تابوا وأكون زيك وديع
مش أمير عليهم أنا خدَّام للجميع
وهافسر أحلام الحق بإنجيل الحرية
3- أنا باختار حياتي ما بين المؤمنين
البسطاء الحبايب في الخير متجمعين
أهل العالم تُعاني في حروبهم مطحونين
وأنا فرح وأغاني في خيام الصديقين
وعشان أنا حررني الحق أنا طاير حرية

يا رب أنا تعبان من غيرك يا رب أنا حيران ونفسي أجي لك
عارف إني أنا غلطان وبجهلي أنا أهنتك
وبقساوة قلبي كمان جرحت مشاعرك
وغمضت عيني وكأنها مش شايفاك
وسدِّيت وداني وكأنها مش سامعاك
يا رب أنا تعبان من غيرك يا رب أنا حيران ونفسي أجي لك
اليوم أنا جاي علشان تحررني
وتاخدني في حضنك وتقبلني
علشان في شيء أقوى مني هو اللي بيبعدني
علشان في شيء أقوى مني هو اللي بيقيدني
تعالَ وكسَّر كل قيودي واطلقني
تعالَ وغيَّر كل قلبي وجددني
وأسمع الصوت اللي يقول لي مغفورة ليك خطاياك
وعيني تنفتح عليك وتبدأ أفراحي معاك
ولا شيء يبعدني عنك مهما كان بيجذبني
ولا حد يخطفني منك ده أنا في إيدك محمي
يا رب أنا معاك فرحان يا رب أنا معاك متصان

القرار- تسبيحنا ليك وهتافنا ليك وفرحتنا بيك مجدًا ليسوع
برقص ومزمار بدفوف وأوتار وصلاة من نار تهدم أسوار

1-إله عظيم تكسر قيود وتسد بإيدك أفواه أسود
إله قدير تفتح أبواب اسمك عجيب رب الأرباب
2-ليك سلطان تهدِّي بحار وسياج حوالين أبرار من نار
إبليس مهزوم تحت الأقدام ولينا النصرة على الدوام
3-إيدينا مرفوعة دايمًا ليك نعلن بيها انت المليك
بسجود وحمد هنعلِّيك فوق كل اسم هنغني ليك

القرار- (أيامي الجاية دي ليك مش ليَّ ولا لإبليس
ده أنا عيني مليانة بيك يا حبيب قلبي يا مليك)2

1- (اجعلني أمجِّد اسمك وأعيش خاضع لشخصك
وحياتي تتمم قصدك وقلبي يكون حسب قلبك)2
2- (دمك يترش عليَّ يسترني وينهض بيَّ
ويزيد النور في عينيَّ يا يسوع يا أغلى ما ليَّ)2
3- (انت اديتني السلطان على كل قوى الشيطان
والعدو دايماً خربان تحت الرجلين بإيمان)2
4- (روحك يفيض في حياتي في ترنيمي وصلاتي
بعز تدوس خطواتي في كل يوم آتي)2

1- (عارفين اللي عمل شمس وقمر وكل الدنيا
واللي نسمة منه تدوب كل الكون في ثانية)2
(واللي أنفاسه تزلزل أساس الجبل)2
واللي ما يعرف نهاية وبدايته الأزل

القرار-
(أقدر أقوله يا أبويا أقدر أقوله حبيبي)2
أقدر أقوله إلهي و أبويا وحبيبي

2- (عارفين اللي كان مع موسى وشعبه في البرية
واللي شق بحر سوف وعدّاهم في المية)2
(يوسف لما كان في سجنه نجاه من الخطر)2
والفتية عبروا في النار و معاهم عبر

3-(عارفين لما كان مصيري موت ونار أبدية
نزل و اتصلب بدالي وسحق رأس الحية)2
(شال عني عار الخطية وناموس العمل)2
وصار ليَّ فيه ضمان وشفاعة وأمل

1- مهما يكون في غيوم راح تنزل الأمطار
وتروي الأرض البور وتفيض الأنهار

القرار- (هللويا)2 المجد جاي علينا جاي بالإيمان
(هللويا)2 الفرح جاي علينا جاي بالإيمان

2-مهما يكون في ظلام يشرق نور الأنوار
ينتهي الليل الطويل ويطلع النهار
3-مهما يكون في جوع بنشوف الخير بإيمان
مالي حياتنا بالجود والرحمة والإحسان
4-مهما يكون في آلام افكاره لينا سلام
دي حقيقة مش أوهام ده راعينا على الدوام