بحبك يا أبويا (9 ترنيمة )

القرار: (يا سيدي أنا باحبك أسجد أمام شخصك
وأقدم لك حياتي وعمري تحت أمرك)2

1- (العبودية معاك حرية
والحرية من غيرك عبودية)2
(باتمسك بيك ده أنا روحي فيك)2
وأهتف وأقول لك يا سيدي باحبك
2- (لما تقول يا ابني وتنادي عليَّ
قلبي يفرح بيك وأشعر برضاك عليَّ)2
(أجري عليك وأقبِّل إيديك)2
وأغني وأقول لك يا سيدي باحبك
3- (لما أنظر إليك باشوُف غلاوتي في عينيك
يدوب قلبي فيك وهدفي إني أرضيك)2
(يسبيني جمالك يغمرني حنانك)2
دوماً أقولك يا سيدي باحبك

1- (عارفين اللي عمل شمس وقمر وكل الدنيا
واللي نسمة منه تدوب كل الكون في ثانية)2
(واللي أنفاسه تزلزل أساس الجبل)2
واللي ما يعرف نهاية وبدايته الأزل

القرار-
(أقدر أقوله يا أبويا أقدر أقوله حبيبي)2
أقدر أقوله إلهي و أبويا وحبيبي

2- (عارفين اللي كان مع موسى وشعبه في البرية
واللي شق بحر سوف وعدّاهم في المية)2
(يوسف لما كان في سجنه نجاه من الخطر)2
والفتية عبروا في النار و معاهم عبر

3-(عارفين لما كان مصيري موت ونار أبدية
نزل و اتصلب بدالي وسحق رأس الحية)2
(شال عني عار الخطية وناموس العمل)2
وصار ليَّ فيه ضمان وشفاعة وأمل

القرار- (أيامي الجاية دي ليك مش ليَّ ولا لإبليس
ده أنا عيني مليانة بيك يا حبيب قلبي يا مليك)2

1- (اجعلني أمجِّد اسمك وأعيش خاضع لشخصك
وحياتي تتمم قصدك وقلبي يكون حسب قلبك)2
2- (دمك يترش عليَّ يسترني وينهض بيَّ
ويزيد النور في عينيَّ يا يسوع يا أغلى ما ليَّ)2
3- (انت اديتني السلطان على كل قوى الشيطان
والعدو دايماً خربان تحت الرجلين بإيمان)2
4- (روحك يفيض في حياتي في ترنيمي وصلاتي
بعز تدوس خطواتي في كل يوم آتي)2

1- (أنت تشق البحر وتنقذني من أعدائي
ومن قلب الصخر تروي عطشي وتحييني)2

القرار: وأسمع صوتك بيقول لي
(أنا معاك باستمرار.. عمود سحاب في النهار
أنا معاك باستمرار.. في الليل بنور ونار)2
(أنا جنبك أنا سندك.. أنا شايلك أُنقذك فتمجدني)2

2- (وفي وقت الخوف ألقاك جنبي بتشجعني
حتى ولو في الجوع ترسل غراب وتشبعني)2
3- (وفي وسط الأتون تمشي معايا وتعديني
ومن وجه الضيق إلى رحبٍ بتخرجني)2

(ياما سنين ضيعتها بعيد عن بيت أبويا
وجريت ورا شهواتي إبليس سلب كل حياتي)2
(ضيَّع الكرامة والهيبة وفي قلب الطين ورماها)2
ولما رجعت لنفسي وقُلت أقوم وأرجع
(وأصرخ من قلبي وأقول له سامحني سامحني
يا أبويا أنا راجع توبني توبني
يا أبويا أنا راجع ارحمني ارحمني)2
ومن طين الحمأة انشلني وبدمك طهرني
(ده مافيش غيرك يا أبويا انت اللي تقبلني
وأروح لمين غيرك وانت اللي تخلصني)2
(ولقيتك فاتح إيدك وعينيك كانت عليَّ
وخدتني في أحضانك وهي البيت ليَّ)2
باحبك باحبك باحبك باحبك يا أبويا

1- (لما دعاني ربي.. قال لي تعال أرتاح
أنا عندي سلامك.. عندي لك أفراح)2
(مال الهم يسودك.. ليه بيحني عودك)2
خلينى أمسك أيدك.. (وأمشيك في نجاح)2
2- (لما سمعت صوته.. قلت له يا ربي
كيف بتنادي عليَّ.. وأنا مش طايق ذنبي)2
(قال لي دمي يطهر.. من كل الشرور)2
أنا بَحب الخاطي.. (وأخرجه للنور)2
3- (قلبي ساعتها أتهلل.. وامتلأ بالروح
لما سمعت كلامه.. وشفت الجروح)2
(يا ربي بَحبك.. وهاعيشلك طول عمري)2
هافضل أغني وأهتف.. (وأسلم لك أمري)2

القرار- (وأطرح أكاليلي.. عند قدميــــه
و نهاري وليلي.. راح أرنم ليه)2

1- (حبيبي عن وصفه.. يعجز أي لســـــان
أصله بالمجد مُكلل.. وليه سلطـــــان)2
2- (حبيبي أبيض وأحمر.. ليه اسم عجيب
و جماله بارع بل أكثر.. خالي من العيب)2
3- (لما أذكر موته و آلاماتُه.. وأتأمل فيـــــــه
أتذكر صلبه وجلداتُه.. وأتعلق بيـــه)2
4- (عنك ما هاحوِّل عينيَّ.. في ضيق أو جوع
وأنت اللي دفعت ثمن فيَّ.. دمــك يا يســوع)2

القرار- (بنغني لأعظم إله ونسبح قدوس الله)2
(وهنرفع أصواتنا وتعلى)2 الأفراح تدوم وياه

1-(ملك الملوك الأبدي رب الأرباب السرمدي)2
(مهوب جبار وأزلي)2 بنسجد ليك يا سيدي
2-(نرفع لك أيادينا ونغَّم أغانينا)2
(وقلوبنا تهتف فينا)2 مجدًا مجدًا يا فادينا
3-(للأبد انت حي وزيك ما في زي)2
(تاخدنا دومًا للري)2 راعي فلا يعوزنا شيء

لقرار- (ربي بيرعاني أنا مش وحداني ولا ألف قوة تهددني
دايماً معايا سندي وعزايا والاقيه بإيده بيسندني)2

1- نسَّاني حزني اللي كان فيَّ زمان (خلّاني أعيش إنسان)2
(وغمرني بالأفراح والحزن ولَّى وراح)2.. (وبيرعاني)2
2- عوَّضني عن اللي ضاع وأنا في الضياع (نسَّاني مُرّ الخداع)2
(أحياني بعد الموت و ملا الحياة بالجود)2.. (وبيرعاني)2
3- أبويا ماسك إيديا وعينه عليَّ (ودايماً مهتم بيَّ)2
(ولا في مكان لهموم ولا حزن في يوم هايدُوم)2.. (وبيرعاني)2