١- (كل يوم بيعدّي.. باقول أنا بس ليك
وحياتي هاتشهد عنك.. وعينيَّ هاتبقى عليك)٢
وآجي وأبص لنفسي.. وأشوف إنسان أناني
قلبي مش ملك ليك.. إديته لحد تانــي
القرار- (بحبك يا يسوع.. خليني أعيش أمين
بحبك يا يسوع.. أنا ليك طول السنين)٢
عايز أقول إني بحبك.. قلبي بيهتف بحبك
عايز أقول إني بحبك.. قلبي بيهتف ويقول
(بحبك يا يسوع)٢
٢- (مرات كتيرة باعيش.. وبانسى إني ابنك
وأمشي ورا أوهام.. في الدنيا تاخدني منك)٢
مالقيتش اللي يكفيني.. واللي يخليني سعيد
لأني في بعدي عنك.. كنت باعيش وحيد
٣- (اقبلني يا رب بضعفي.. مين هايغيرني غيرك
اقبلني يا رب بحيرتي.. واملاني كمان من خيرك)٢
ومهما إن عشت تايه.. هآجي وأرجع لك تاني
وحتى إن صاح الديك.. أنا هاشهد ع اللي فداني
