١- (خمستلاف راجل وعياله وكمان ستات
مع يسوع فوق الجبل بيسمعوا
وكله مشغول بصاحب المعجزات
وقت الغدا عصافير البطن صوصوا)٢
ومفيش الأكل اللي يكفي علشان يشبعوا
٢- (المكان مفيهوش غير سمكتين وخمس خبزات
مع ولد إداهم ليسوع يمكن ينفعوا
والكل بيسأل هيكفوا إزاي آلافات
يسوع شكر وتلاميذه وزعوا)٢
وبعد ما الناس شبعوا اتناشر سلة اتملوا
٣- (باسبحك ده ليك إنت بقدم ربي الموهبة
تقبلها يا يسوع وتبارك وبتعمل بيها معجزة)2
