القرار-المؤمن مولود فرايحي معيِّد للمسيح فرايحي
وعلى دق العود فرايحي بيرفع التسبيح فرايحي
1- مغفور الزلات مطوَّب مستور العيوب مطوَّب
يدخل تأديبات مطوَّب يخرج من حروب مطوَّب
ويا طوباه فرايحي
2- ساكن بيت الله مطوَّب عايش بالإيمان مطوَّب
حافظ حق الله مطوَّب منتظره وسهران مطوَّب
ويا طوباه فرايحي
3- يا عزه باللي فداه مطوَّب متكِّل عليه مطوَّب
مُختار م الإله مطوَّب وعارف يهتف ليه مطوَّب
ويا طوباه فرايحي
