١- بتنادي عليَّ بتنادي يا يسوع وصوتك في قلبي وفي وداني مسموع
بتقولي إني غالي عليك لكن أحوالي كلها ضعف وقيود منها قلبك موجوع
القرار- أنا جاي النهاردة ومش هاستنى لبكرة
وهاعيش لك شبابي وهافتح لك أبوابي
سامع صوتك بينادي وأنا هاجي الليلة دي
وأقول لك إلهي وأبويا الحبيب
ده إنت مخصوص عشاني مشيت للصليب
٢- يا خالق حياتي وقلبي من جديد باصدق دلوقتي إني ابنك أكيد
لا يقدر عدوي يسرق مني فرحي وإن وقعت مرة ترفعني أعظم إيد
