القرار - أنا اللي عارف أعمالك .. داري بحالك
فيه كلمة عايز أقولهالك .. ارجع لي وتوب
هاريحك من أحمالك .. وهاشيلهالك
معايا صخرة أحزانك .. تخلص وتدوب
1- مع الخطايا بتبيّت .. ليه متقيد؟
بالإسم حي لكن ميت .. مليان بذنوب
سكّت شرورك واسمعني .. قوم وارجعلي
سلم لي قلبك واتبعني .. وكفاية هروب
2- راحتك هنا بين أحضاني .. عود من تاني
عشان سايبني بتعاني .. عايش مرعوب
سامعني بانده وسايبني .. ارجع يا ابني
صدقني بعدك يتعبني .. يا غالي ومحبوب
3- معايا تقدر تتعلم .. لو تتألم
في عز ألمك هاترنم .. ليه تعيش مغلوب؟
لكل آهه ودمعاية .. تلقى نهاية
وتنتصر وانت معايا .. على أي حروب
