صلاتي ليك

1-(صلاتي ليك أنين قلبي
حنين العمر للمعنى
ومهما تتوه خطاوينا
تعود من تاني تجمعنا)2
(صلاتي ليك بتغسلني
بتغزل روحي توب فرحة
بتاخد قلبي من إيده
وترسم له طريق بكره)2

2- (صلاتي دمعة على بابك
وشوق الروح لأعتابك
وأنت الأهل والصُحبة
حياتي تموت في غيابك)2
(صلاتي ليك بتشفيني
تحررني وتسبيني
ويملا قلبي نور حبك
يا مالك عمري وسنيني)2

3- (صلاتي ليك دوا جروحي
شبع قلبي في زمان الجوع
ولما تفيض بيَّ آلامي
إيدك تشفي وجع روحي)2
(ندى الفجرية دي صلاتي
يصحي الروح جوايا
نغم يسري في وجداني
يسود حبك على حياتي)2