أنا عندي كمبيوتر.. جواه ألعاب جنان
جديد وشاشته كبيرة.. أحلى من بتاع الجيران
وبقيت شاطر في لعبه.. وبتبهرني الألوان
مش فاضي لأي حد.. وبقى وقتي مليان
وفي يوم صاحبي كلمني.. قال لي يا عم إنت فين
ما بقاش حد بيشوفك.. العب ماتش ولا اتنين
ما أنا كنت بالعب كورة.. في الشمس والهوا
وكنا شلة كبيرة..على طول نلعب سوا
أيوه بحب الكمبيوتر.. لكن بقيت لوحدي
ونسيت نفسي وصاحبي.. اللي أغلى حاجة عندي
صاحبي هايكبر معايا.. صاحبي هايسمعني
صاحبي بيلعب معايا.. لما باعيا بيسأل عني
صاحبي بيحس بيَّ.. صاحبي بيشاركني
صاحبي بفرحة ليَّ.. يضحك ويضحكني
صاحبي مش كمبيوتر.. صاحبي زيي إنسان
صاحبي عنده قلب.. عنده عينين وودان
