ماجد موسى (21 ترنيمة )

القرار- نفسى يا رب لمين تتركها نفسي حزينة من الأوجاع
بعدك ربي الكل تركها عايشة تقاسي ألم وخداع

1- نفسي يا رب تطمن قلبي نفسي أسمع صوتك يناديني
وفى أوجاعي ألقاك تحضني وفي أحزاني ألقاك تواسيني
2- نفسي أبدء عمر جديد نفسي أرجع تاني سعيد
وأنسى كل همومي معاك وأنسى إن أنا عشت شريد
3- نفسي أنسى كل آلامي نفسي أشوف صورتك قدامي
نفسي تبدد كل ظلامي نفسي ترجع ليَّ سلامي

1- علمني أبل ريقك وأسقيك مية صلاتي
تشبع من شبعي بيك وترجع لي حياتي
القرار- رجعني ليك حبيبي حنن قلبي عليك
بدل قلبي الحجر بقلب يحس بيك
2- على رجلك قلبي يركع اغفر لي الماضي كله
اغسلني من ذنوبي اهديني وقلبي دله
3- ساعدني أوفي وعدي ماجرحش تاني فيك
حطم قبر الخطية قومني يارب بيك
4- حنيت للعيشة معاك وواحشني يارب رضاك
أنا سبتك باختياري لكن ماليش سواك

1- في ذنوبي عديت سنة أولى يومهما قلت أنا مش منقولة
هارجع تاني لحضن فاديَّ وأتوب وأنسى كل خطية
لكن سنة ورا سنة بتعدي وأنا واقفة عاجزة ومشلولة
2- وأما فتحت كتابي لاقيته أسود زي ظلام الليل
سطر بسطر بلهفة قريته ودموع عيني بتنزل سيل
أصلي بكل خطايا مليته أيوه كتابي ده حمل تقيل
3- صرخة قوية خرجت مني قلبي بكى بدموع مغلوبة
خطايايا في قبر بتدفني نفسي تبقى دي آخر نوبة
باتراجاك يا يسوع تقبلني تلميذة في مدرسة التوبة

القرار- (صوته الحلو اللي ناداني
فرَّح قلبي وخلّاني
أتقوى من ضعفي وأقوم
باسمع صوت اللي فداني
فبيسكت صوت أحزاني
أفرح وأطرد أي هموم)2

1-(أنا لما أقعد وياك
باسمع صوتك جوايا
وألاقيني باحكّي معاك
وأنت تكلمني في آية)2
نفسي أفضل كدة متدفي
ويا ريت العمر يكفي
وياريت يطول اليوم
2- (يا إلهي لأنك فيَّ
لمخاوفي بالاقي نهاية
أنا روحي متدفية
ده إلهي حبيبي معايا)2
ولأن حبيبي في صفي
لأتون النار بيطفّي
ويخلّي سلامي يدوم

في العالم الجريح قد وجت الحب وفي وسط الطريق كنت رفيق الدرب
يا صليب الرب يا حبيب القلب يا سيدي يسوع يا إلهي
أريد اموت أريد أن اموت حباً بحبك
مثلما تنازلت مثلما تواضعت ومت حباً ومت حباً ومت حباً بحبي

1- لما الفجر يقابل ليلك لما الشمس تنور عينيك
لما نهار الدنيا يحاوطك يملى بأمله ونوره طريقك
القرار- خليك فاكر إن إلهك كل صباح مش ناسي يعولك
من خير إيده تشبع دايمًا م البركة راح تلقى نصيبك
سايب نفسك جوه عيونه صوته مصاحبك هو دليلك
وقت الضيقة يكمل ضعفك أب حنين هو صديقك
2- لما تلاقي الزاد والمية وتدوق طعم النوم الهادي
واحتياجاتك متلبية ويكون فرحان راضي
3- لما تحس إنك مطمن ماسك إيد ربي الحنان
لما يدفي الروح بأمانه تتبسم وتقول له كمان

1- رغم الضيقة ورغم الجرح سامع صوتك جوه في قلبي
وأنا تعبان محروم م الفرح عارفك دايمًا واقف جنبي
القرار- عيني عليك مستني تعود تملى بنورك قلبي المطفي
اقفل جرحي وحط ورود ارفعني دا أنا مايل مكفي
2- اسندني واديني سلام خلي الحزن في روحي ينام
والكلمة تقويني في ضعفي وتهون لي الأيام
3- لم الشوك من زرع العالم ياللي بحال أولادك عالم
ليك سلطان ع الشر يا ربي ما إنت أبويا وفي قلبك نايم

القرار –(أنا عايش في حماية ربي دايمًا مليان عمري سلام
هو مطمن روحي وقلبي ومعاه بتهون أي آلام)2

أيوه أنا شاكر فضله وخيره أنا ما أقدرش أعيش من غيره
ده اللي يحبه بكل ضميره (راح يفرح طول الأيام)2

1- (أنا أبدًا ما باخاف من بكرة ربي مدبر كل حياتي
مهما هايحصل مهما هايجري هو بيسمع كل صلاتي)2

(أيوه أنا عمري في أيده مسلم هو حبيبي ومنه أتعلم
مهما هايعمل مش هاتكلم واثق إن الخير في ضيقاتي)2

2-) أنا في الوحدة حزين وباعاني لكن ربي بيونسني
مهما هاقاسي في مُر زماني بالفرحة يسوع بيحسسني)2

(أيوه ده هو اللي معزيني وكلامه منورلي سنيني
هو وعدني أكيد هايجيني في سماه هاياخدني يوديني)2

القرار- ومهما نشوف مهانة وخوف تجَرّي الدمع في عينينا
ما هانسيب إيد تاخدنا بعيد ما هانسيب لحظة فادينا
ومهما نشوف مهانة وخوف .. ما هانسيب لحظة فادينا

1- (ولو كان في سمانا غيوم وأحلامنا ابتدوا يضيعوا
إيمانّا مش هايضعف يوم وحب يسوعنا ما نبيعه)2

2- ( ولو قاموا علينا الناس باسم يسوعنا عايرونا
يسوع إدى نفوسنا خلاص وهمَا ايه بيدونا!)2

3- (ولو عشنا في زمن جارح وتُهنا سنين في تياره
يسوع بيداوي ويسامح وحاضن كل أبراره)2

1- بيني وبينك سد منيع إنت تحن وقلبي يبيع
(سد بنيته بجهلي وضعفي)2 (وعمري في يأس وحزن يضيع)2

القرار - (لكن رافض أعيش مخدوع وسط خطية وبحر دموع)2
(قايم راجع حضن أبويا اللي وهبني حياتي يسوع)2

2- ها أصرخ وأعلن توبة قوية طالب إني ماكنش ضحية
لا الأوهام تسرق لي حياتي دايس كل شيطان وخطية
3- (ها أنسى سنين الماضي المرة وأفتح صفحة جديدة لبكرة)2
(أول كلمة تبقى يسوع)2 والإمضاء نفسي الحرة