يعود ويرحمنا (12 ترنيمة )

خلي جمالك يكون فيَّ يا ربي الحبيب
خلي كياني يتملي منك وعنك ما أغيب
إيدك في إيديَّ ارفعني ليك واسبيني بيك

لاسمك أغني أحلى الأغاني وأنا بين إيديك
إنت يا ربي بلسم جروحي وإنت عزائي
تشفي لي روحي وإنت ضماني وحدك أماني
كل ضعفي نصرة صارت بين إيديك

١- أخطينا إلى إلهنا واخترنا الشر طريق
من أكبرنا لأصغرنا ماحدش فينا بريء
ضلينا وجت رجلينا في الوحل وعايشين فيه
وبقوة دم صليبه هو يطهرنا

القرار - ويعود ويرحمنا ويدوس على آثامنا
ويطرح في أعماق البحر جميع خطايانا

٢- تشهد علينا آثامنا فصلت بيننا وبينه
صارت أشواك خطايانا مغروسة في جبينه
وبحب إلهي بيغفر وإحنا اللي صالبينه
كسرنا وصايا الآب وهو صالحنا

٣- نرجع ونتوب قدامه ونسلِّم أمرنا ليه
وتصير طرقه وأحكامه دستورنا اللي نعيش بيه
فسدت أواني الفخّاري لكن لسه في إيديه
هو خالقنا وفادينا من تاني يصنعنا

1- من قلبي باغني.. للي مات عني.. وبدمه فداني
شال عاري وذنبي.. طهر لي قلبي.. من الموت نجاني

القرار - بارفع تسبيحي.. أجمل مديحي.. ليك يا حبيبي
وكفاية إني.. عايش متهني.. وياك نصيبي
ليك التسبيح.. ليك التسبيح.. ليك التسبيح
يا سيدي المسيح

2- وأنا مهما أتألم.. هافضل أرنم.. وأرفع ليك تسبيحي
تملاني قوة.. في القلب جوه.. هاشهد لمسيحي

1- يا ملك الملوك يا سيد الأسياد
بنحتفل بفادينا الحي من الأموات

القرار - يا يا مسيحنا يسوع إلهنا حي
يا يا ملكنا يا إلهنا مالك زي
لما عينينا تشوفك تملا حياتنا ضي

2- يا غالب الأعداء بمجد وبسلطان
قوة قيامتك فينا بنعيشها بالإيمان

3- يا غارس السماوات ومهدي نَوّ بحور
بتفك أسر شعبك وتخرجه للنور

4- يا مفتح العيون يا صانع الآيات
دي أرضنا بتشهد لك وفي السما علامات

1- كسر فيَّ كل عند كل زيف وكل شك
ابني السور المهدوم فيَّ يرجع يصير الكل لك

القرار - توبني فأتوب توبني فأتوب فأتوب فأتوب

2- حرك فيَّ كل ساكن فقد النطق والإحساس
سكن كل ثورة في تهد الصح والأساس

3- سكت فيَّ كل صوت علي جوايا عن الحق
عَلّي صوت ضميري فيَّ عشان يقول للشر لأ

مش باهون عليك تسيبني في الخطايا
ترثي لضعفي يا يسوع وكمان تشفع فيَّ
فاتح إيدك ليَّ وحضورك يملاني
وبحب تقول لي إنك لسه باقي عليَّ
تعالَ يا يسوع بكتني وغيرني
أنا باصدق إن علاجي عندك وحدك
ما في غيرك أنا طالبه وقلبي مستني
اعمل فيَّ وغير قلبي علشان مجدك
مش باهون عليك تسيبني في قيودي
تيجي بنورك وبحنان تكشف أسراري
مش علشان تكسرني لكن جاي تشفيني
قابلني وما في شيء عنك متداري
كلمني بكلام الحق والحرية
فك قيودي وغير قلبي وغير حالي
ما في غيرك هايقوم نفسي المحنية
ليَّ حرية ونصرة بالدم الغالي

1- طوبى للي الرب إلهه عايش عمره بين إيديه
شايف إيد ممدودة لخيره رافع راسه وقت الضيق

القرار - حياة أبدية ونعمة غنية حضن دافي وقلب كبير
محبة قوية وإيد أبوية ستره كافي وخيره كتير

2- طوبى للي الرب إلهه سور من نار دايمًا حواليه
نايم ليله في ستر جناحه اسمه منقوش على كفيه

3- طوبى للي الرب إلهه شايف قيمته في عينيه
مغفورة خطاياه بصليبه وأحماله سايبها عليه

1- إيماننا بيك ثقتنا فيك نتحدى بيك المستحيل
لا حد سيف ولا اضطهاد هايخلي إيماننا يميل

القرار - إلهنا أقوى من كل قوة وكل أبواب الجحيم
ثابت سلامنا رافعين هتافنا لاسم إلهنا العظيم

2- لا خوف يسود جوه القلوب إن جزنا في نار الأتون
ابن الإله وعده يكون معانا ونفوسنا يصون

3- لما الحياة تبقى في إيدين إله صانع معجزات
وادي الدموع هايبقى ينبوع ويفيض فينا التعزيات

1- طالبينك يا سيدنا تشفي مرض الأجساد
هانشوف آيات وعجايب وتحقق الأمجاد

القرار - المسنا الآن.. مالينا إيمان
وإحنا بنعلن أنك تقدر صاحب السلطان

2- يا شافي أمراض شعبك بدالة البنين
بنصلي تمد يدك وتفتح العينين

3- عدت سنين وبتشفي أمراض بقالها زمان
وتفتح الأرحام تشفي مرض السرطان

4- جاي هاتعلن عن مجدك والشفا في جناحيك
نهر الشفا يغمرنا هو يشاور عليك

5- جايين طالبين مشيئتك وحتى إن فيه أشواك
دي نعمتك تكفينا وبحب نمشي وراك

1- رافعين عالي راية النصرة.. ونعلي أغانينا
ده إلهنا في حياتنا قائدنا.. وحافظ خطاوينا
( مهما هايعلى صوت إبليس.. وجنوده حوالينا
هانحاربه ومالينا إيمان.. إن النصرة لينا )

القرار- اسم الرب برج حصين.. نلقى فيه حمايتنا
والوعد اللي في حقه لينا.. هو ضمان غلبتنا
هل هللويا هل هللويا.. مجدًا لاسم مليكنا

2- مهما عليت الأسوار.. مش راح تقوى علينا
إيماننا هانشوفها حجارة.. وتدوسها رجلينا
( والأرض اللي حلمنا بيها.. وعده هاتبقى لينا
نفرح بالرب في وسطينا.. مجده من حوالينا ) 2

١- يا بلدي نفسي تشوفي ربي
نفسي تشوفي حبه ليكِي
يا بلدي نفسي تشوفي نوره
نفسي يملك عليكِ واسمه يعلا فيكِ

القرار- دي عينيه مفتوحة عليكِ ليل نهار
وإيديه ممدودة تشفي كل جراح
ويبدل كل حزنك بالأفراح
وبدمه ليكِ حرية وحياة

٢- بارفع عينيَّ عليك يا إلهي
وأشوف إيديك بتحمي بلادي
وقلبك مشتاق لكل إخواتي
بصلاتنا بننادي تعالَ لبلادي
٣- واقفين بنصلي ليكِ
شايفين النور بيزور أراضيكِ
بمحبة ووحدة هنبنيكِ
وبحلم ولادك ليكِ
هيملا الخير إيديكِ

1- جايين بنغني وبنقدم لإلهنا ذبيحة حمد
وبنرفع شكر قلوبنا وبنهدي له كل المجد
عايشين أيامنا من خيره وبيمتعنا بكل غناه
إحنا ولاده وشعبه غنم مرعاه

القرار - وبنشهد ليك إنت الله العظيم
بنسجد ليك يا راعينا الكريم
وبنهتف ليك يا ملك السلام
ده في غربتنا النعمة بتكفينا
وفي شدتنا فرح الرب يقوينا
يعلا التسبيح ويدوم كل الأيام

2- ده إلهنا حي وعلشان كده بنغني ومش خايفين
والضحك بيملا حياتنا لو في الوادي دموع وأنين
إحسان الرب حامينا مراحمه جديدة في كل صباح
وبيملا ليل الغربة بأفراح

3- ماشيين وياه في موكب نصرة وغالبين بسلاح الروح
وحياتنا بخور قدامه وعطر جلاله منها يفوح
وإله النعمة يقوي ويثبتنا في الإيمان
ويمكننا ده باسمه السلطان