عادل سمير (20 ترنيمة )

1- لما يصلي شعبك يتزعزع المكان
يلمس مجد حضورك وقوتك تبان
تتزلزل سدود تتفك القيود
تغير الأحوال ده مافيش عندك حدود

القرار- إلهنا الرب قادر.. ومافيش عنده عسير
الكل لصوته خاضع.. ونوره يشوفه الضرير

2- لما قلوبنا تخضع في حضرة القدوس
نتملي بكلامه تتحرر النفوس
يغفر للضعيف ويطيب الجريح
يبدد الأحزان لأغاني وتسابيح

١- حولنا عنك عينينا.. وشرورنا زادت لفوق
ورحنا نحفر آبار.. مافيهاش غير الشجون

القرار- ياما اتعلقنا بغيرك.. وبنينا في الوهم آمال
لقينا الحلم سراب.. وسلامنا في بعدك محال
(إنت المنبع الحقيقي.. لكل عطشان
كل اللي يشرب ترويه.. بماء الحياة)٢

٢- العالم بهرنا زيفه.. ودقنا في أفراحه مرار
ونسينا إنك رجانا.. وراحة القلب المحتار

١- (مسجون وباحلم بالحرية.. بقلب حزين ورا قضبان
مستني النور في ليل متألم.. فجره لعيني سور وحيطان)٢

القرار- (لحد ما جاني وصوته نداني.. قوم اليوم مانتاش أسير)٢
كسرت سيف السجان.. وخلاصي اديته بالمجان
(افرد لفوق جناحيك.. وفتح في النور عينيك)٢
(ده كل مالي هو ليك)٢

٢- (كانت عيشتي أسير لقيودي.. سكة طويلة وحمل تقيل
ضعفي ماليني ومين يشفيني.. ومين يرحمني وأنا عليل)٢

1- رافعين عالي راية النصرة.. ونعلي أغانينا
ده إلهنا في حياتنا قائدنا.. وحافظ خطاوينا
( مهما هايعلى صوت إبليس.. وجنوده حوالينا
هانحاربه ومالينا إيمان.. إن النصرة لينا )

القرار- اسم الرب برج حصين.. نلقى فيه حمايتنا
والوعد اللي في حقه لينا.. هو ضمان غلبتنا
هل هللويا هل هللويا.. مجدًا لاسم مليكنا

2- مهما عليت الأسوار.. مش راح تقوى علينا
إيماننا هانشوفها حجارة.. وتدوسها رجلينا
( والأرض اللي حلمنا بيها.. وعده هاتبقى لينا
نفرح بالرب في وسطينا.. مجده من حوالينا ) 2

1- امبارح كنت تايه بدور ع الأمان مش شايف
إلا ضعفي والخوف مالي الكيان ياما حاولت
ألملم جروح ليها زمان والقلب فيَّ يصرخ نفسي في يوم ارتاح

القرار - شقشق عليَّ فجره طيب فيَّ الجراح وبحب خدني لحضنه نسّاني كل اللي راح

2- ياما سألت نفسي إيه المعنى لحياتي ألقى يأسي
يجاوبني مخلوق علشان تعاني ورب المجد يقوللي
إنت موجود عشاني والحزن اللي ماليك هابدله بأفراح

١- (ما فيش غيرك يشبع.. نفوس عاشت جوعانة
ويفجر من الصخرة.. مية لقلوب عطشانة)٢
أنت يســــــــــــــــــوع

القرار- (مبارح واليوم.. وبكرة الجاي
ضامن وعودك.. إلهنا الحي)٢

٢- (ما فيش غيرك يشفي.. من الضعف ويدي قوة
ويطلق من الأسرى.. جيوش تهتف لاسمه)٢
أنت يســــــــــــــــــوع
(وتمر الأيام.. وتفضل يا يسوع
تحقق الأحلام.. واللي منها استحال)٢
أنت يســــــــــــــــــوع
٣- (ما فيش غيرك يهدم.. أساس أقوى السجون
يملانا بالتهليل.. وفرحنا فيه مضمون)٢
أنت يســــــــــــــــــوع

١- من آلاف السنين.. وعدك لشعبك صار
(ترد سبي النفوس.. وتخلي القفر أنهار)٢

القرار- وتعود وتدي جمـــال.. عوضًا عن الرماد
تغمرنا بشـاير فــرح.. (تسبيــح)٣ بدل النواح

٢- تشفي برحمة القلوب.. وتشدد عزم الضعاف
(وسنين أكلها الجراد.. هاتعوض عنها أضعاف)٢
٣- نورك تشوفه العيون.. وصوتك يملا الودان
(وشعبك ينال الوعود.. ويملا قلبه الإيمان)٢

1- إيماننا بيك ثقتنا فيك نتحدى بيك المستحيل
لا حد سيف ولا اضطهاد هايخلي إيماننا يميل

القرار - إلهنا أقوى من كل قوة وكل أبواب الجحيم
ثابت سلامنا رافعين هتافنا لاسم إلهنا العظيم

2- لا خوف يسود جوه القلوب إن جزنا في نار الأتون
ابن الإله وعده يكون معانا ونفوسنا يصون

3- لما الحياة تبقى في إيدين إله صانع معجزات
وادي الدموع هايبقى ينبوع ويفيض فينا التعزيات

١- (بنيجي ونتواضع قدامك.. نعلن توبة حقيقية
نسجد ليك وبنطلب وجهك.. سايبين طرقنا الردية)٢

القرار- تعال وسطينا.. واسمع يا رب لينا
ابرئ أراضينا.. سيج حوالينا
ثبت حقك فينا.. حقك فينا

٢- (بنيجي ونتصالح وياك.. وعهودنا بنجددها معاك
دي مهما كانت خطايانا.. إيماننا في غفران دماك)٢
٣- (جايين بنرفع لاسمك إيدينا.. يا اللي اسمك دُعي علينا
ومشتاقين لحضورك فينا.. روحك يعود يملك علينا)٢

1- افرح يا شعب المسيح شق سحاب السما بجناحك
أعلن حق الله الكامل اشهد للكون عن إيمانك

القرار- مايهمكش وأوعى تخاف ماتقولش إن إحنا ضعاف
ربك حاضر ربك قادر وفي وسط الأزمات يتشاف

2- مهما تقابل شدة وضيق في اسمه تلاقي حصن أمانك
وعده في ضعفك هايقويك زي النسر يرد شبابك

3- مهما خيوط الشمس تدوب في قلب العتمة وسط نهارك
حقك زي الضهر يبان ومافيش قوة تهز سلامك