أشرف نادى (3 ترنيمة )

القرار- أبدًا مش هايكون الغد استمرار لإمبارح
أنا باستقبل زمن المجد زمن الذل دا رايح

1- الله هايعوض لي ماضي ويفتح لي كنزه
يشبع نفسي المشتهية ويملاها بخبزه

2- ينكسر النير اللي علي وتتقطع ربطي
بخطاوي مجد وحرية دايمًا راح أخطي

3- ثقتي في خمر وزيت الروح يشفي لي جراحي
بكيان مشفي وقلب طموح هاتلاقي بنجاحي

4- كل بنا سادة الخراب في حياتي هايعمر
والخير جاي زي سحاب على أرضي يمطر

القرار- (يسوع هو أبويا راجع تاني لحضنه
من وسط الخطية من العالم وحزنه)2
1- (حب العالم جذبني مشيت وراه وخدعني
ضيَّع سلامي مني اللي عطاني يسوع )2
2-عشت في كورة بعيدة ضليت وسط دروبها
صارت نفسي وحيدة في جوع والكل سابها )2
(مالقتش هناك مكان للراحة والأمان
واشتقت للحنان والرحمة اللي في يسوع )2
3- (لحنانك يا يسوع قررت إني أرجع
جايلك قلبي في جوع روحي محتاجه تشبع )2
(سامحني لأجل حبك اقبلني يا رب عندك
ماستاهلش أبقى ابنك طهرني يا يسوع )2

1- (حلو الإيمان دايماً يقول .. مهما يطول الليل هاييجي الفجر
ده اللي بيعمل بجهده كله .. ما يتم شغله إلا و ينول الأجر)2

القرار- (أصل الإيمان هو الإيقان .. ورجاء يحلِّي الصبر
ينقل جبال يصنع محال .. يطلب ينال الأمر)2
يطلب ينال الأمر

2- (حلو الإيمان مليان تحدي .. مهما يعدي في ضيقات ما يحنيه كسر
ده مهما هيِّج الريح مخاوفه .. وشد عَصفه ما يثني عزم النسر)2
3- (حلو الإيمان بأقوى نية .. يرفض خطية معيشاه في القصر
عار المسيح أعظم لِنا أوفر غِنى .. من مال خزاين مصر)2