يا سبب وجودي (24 ترنيمة )

1- يا سبب وجودي ليك سجودي
فديتني بدم صليبك فكيت قيودي
وحدك فاديَّ حقك حرية
نلت في حبك براءة وحياة أبدية

القرار- دمك غطاني برك كساني
حبك نجاني وملا قلبي أغاني

2- عايش في خيرك ولا هاعبد غيرك
حاضر في حياتي وأيامي وماليني عبيرك
ساكن في قلبي ملكك يا ربي
لا هاتسيبني ولا هاسيبك وده عهد أبدي

القرار- (اسمك يا يسوع.. أحلى الأسامي)3
ليه بارفع إيديَّ.. وباعيش أيامي

1- اسمك برج حصين.. أنا باجري عليه
وملجأ منيع.. أنا باحتمي فيه
فيه بالقى أماني.. فيه بالقى سلامي
اسمك يا يسوع.. أحلى الأسامي

2- اسمك هو عجيب.. اسمك المشير
رئيس السلام.. الإله القدير
مافيش اسم تاني.. بيه يكون خلاصي
اسمك يا يسوع.. أحلى الأسامي

3- اسمك طوق نجاة.. أنا بامسك فيه
اسمك نبع الحياة.. وانا بارتوي بيه
ليه بأقدم سجودي.. ويعترف لساني
اسمك يا يسوع.. أحلى الأسامي

ملك الملوك وجلالك مالي الوجود حوالينا
وجبال بتدوب قدامك اسمك عالي يا فادينا
دي الأنهار بتصقف لك كل الآلات تعزف لك
ويارب بكلمة منك كل الملوك تخضع لك
إنت عالي... فوق كل اسم مهما يكون
عالي... فوق السحاب ومالي الكون
عالي... هاتشوف ملكك كل العيون
عـالـــــي

1- لمين نروح وإنت الاله.. وعندك وحدك كلام الحياة
لما بنجيلك يلمسنا روحك.. يشفي ويحرر أسر الخطاة

القرار- بعيون الحب تشوف الدموع.. في عيون الناس تتحنن عليهم
وتمد إيدك تمحي الأنين.. تمنح سلام وتصير راعيهم

2- وعند القبر شوفنا حيارى.. تأمر فيخرج من الموت حياة
وفي ليل الحزن تشرق بنورك.. تفرح نفوسنا برب الحياة

3- ورغم الزحمة عينيك بتلمح.. قلوب عطشانة للعيشة معاك
تيجي وحضورك يستر ماضينا.. وندوق حلاوة العشرة وياك

1- مستحق السجود الحمل اللي اندبح
ده صليبك فيه شفانا لينا حرية وفرح
وبقلوبنا نيجي ليك وبسجودنا بنعليك
ده الذنوب عندك مغفورة وكل حمل ينطرح

القرار - ياللي دفعت ثمن خطايانا.. ياللي بتعزي كل حزانى
ياللي إنت كاشف إيه جوانا.. سجودنا ليك يا يسوع
سجودنا ليك يا يسوع

2- نيجي ليك زي ما إحنا جوه قلبك محفورين
رغم كل ضعف فينا في صليبك مقبولين
البعيد إنت تلاقيه شفنا حبك قد إيه
راح ندوس على الخطايا وبالمباهج نستهين

القرار - مريت عليَّ في زمن الحب.. مشيت عشاني أصعب درب
مديت إيدك ليَّ يا رب.. تلمس روحي وتحيي القلب

1- حب قلبك حب دافي دوب فيَّ كل جليد
شال عداوتي وكل قساوتي.. ولد فيَّ قلب جديد

2- حب قلبك جمرة نار شالت مني كل كريه
خلت جوه القلب صافي.. سابت شعلة حبك فيه

3- حب قلبك طمن قلبي بوعد صادق ليَّ فيك
بإيد ممدودة وستر كافي.. بحضن دافي يضمني ليك

1- لما تيجي يا إلهنا.. بحضورك في وسطنا
يرتفع يا يسوع ما بينا.. ونلمس الحضور بروحنا
والذبائح تترفع لك.. يا يسوع المجد ليك
كلمة منك ربي تحيي.. كل قلب بيناديك

القرار- محتاجين لك
لمسة منك.. تجبر القلب الكسير
تحضن التايه تضمه.. تتفتح عين الضرير
محتاجين لك

2- وفي حضورك يجي نورك.. والظلام تنهي زمانه
نتملي بسلطان كلامك.. والعدو يرجع مكانه
ما في سلطان ولا قوة.. غير لشخصك في الوسط
تملا تشبع وتنور.. كل قلب بيك ارتبط

3- إذا شفنا ربي مجدك.. نعرف إن وحدك كفاية
يصغر العالم في عينا.. وراح نشوف كله نفاية
بالمراحم اسمع صراخنا.. وافتقدنا بالحنان
محتاجين لك يا إلهنا.. أرسل الروح فيضان

(قوةً من عندك امنحني يا الله.. ولمسةٍ من روحك للشفاء)1-
2(لكي أشهد.. عن جود صنعك.. طول الحياة)

القرار- (أحمدك يا ربي من كل قلبي.. لك أغني وأهتف لك)2

2(بدفعة من روحك ارسلني يا الله.. وبقوة تشجيع اعضدني)2-
2(لكي أعكس.. مجد شخصك.. طول الحياة)

1- يا اللي مت بدالي.. وشايل كل أحمالي
في السما بتشفع فيَّ
عمري ضاع واشتريته.. قلبي تاه ولقيته
وفتحت لي عينيَّ

القرار- يا إلهي أنا قلبي يسجد ليك
يا إلهي أنا قلبي يخضع ليك
يا حمل مذبوح عني

2- ليك المجد والكرامة.. والبهاء ليك علامة
سلطانك بيحررني
ليك القوة والجلال.. من البشر أبرع جمال
نعمتك بتغيرني

(بارفع إليك تسبيحي.. طول ما أنا موجود
يا ملكي يا إلهي ... رب الوجود
عالي في عيوني.. يا إلهي طول الحياة
اسمك العالي بيحرر.. ويفك قيود)٢
(وصوتي ليك هايعلي.. كل أيامي
ده إنت فرح قلبي.. وإنت سلامي)٢
أفراح سماوية في حضورك.. بتغمر قلبي
ده كفاية إنك معايا.. وإنت ربي

3 (1- مبتهجين بحبيبنا يسوع.. (مجــــدًا لاسمــــه

القرار- (نعبده بالروح)٢.. مبتهجين بحبيبنا يســـوع
مجــــدًا لاسمــــه

3 (2- فرحين بمحضره.. ( نهلل لاسمـــه
3 (3- ملك الملوك رب الأرباب ( مجدًا لاسمه

1- إلهي ملكك إبدي.. وعظيم اسمك في الجبروت
قدامك تهرب عداك.. ويصير لينا الملكوت

القرار- ملكي يا ملكي.. قدامك نطرح تيجان
ملكي يا ملكي.. وحدك صاحب السلطان

2- وحدك كاشف الأسرار.. كلامك سيف ذي حدين
بينور أقسى القلوب.. ويغيرها في غمضة عين
٣- التايه يلاقيك طريق.. والضعيف يصبح بطل
لما من الموت بتناديه.. يحيا وحاله يتبدل
٤- مافيش زي عمل إيديك.. ولا فيه زيك إله
هاقضي حياتي باسجد ليك.. إنت العالي وإنت الله