مدرسة التوبة (10 ترنيمة )

(رسّي سفينتي في مينا خلاصك وارحم عيني من الدموع)2
(تعبت أجيلك وأرجع تاني)2
تعال لي انت يا يسوع
انت عارف إن القلب بيحبك بكل جوارحه
في كل ليلة يبكي لك ويتوسل يارب تسامحه
(في الصُبحية يرجع تاني لخطاياه ويحس بضعفه)2
(لكن انت ثباته يا ربي)2.. ما هو قلب ابنك وانت عارفه
رسّي سفينتي

1- في ذنوبي عديت سنة أولى يومهما قلت أنا مش منقولة
هارجع تاني لحضن فاديَّ وأتوب وأنسى كل خطية
لكن سنة ورا سنة بتعدي وأنا واقفة عاجزة ومشلولة
2- وأما فتحت كتابي لاقيته أسود زي ظلام الليل
سطر بسطر بلهفة قريته ودموع عيني بتنزل سيل
أصلي بكل خطايا مليته أيوه كتابي ده حمل تقيل
3- صرخة قوية خرجت مني قلبي بكى بدموع مغلوبة
خطايايا في قبر بتدفني نفسي تبقى دي آخر نوبة
باتراجاك يا يسوع تقبلني تلميذة في مدرسة التوبة

القرار – (أبي أناجيك أبي أناديك)2
[أبي أصرخ إليك (ارحمني)3 من شر نفسي اشفني من اليأس]2

1- (أحتاج يدك تُمسك بي أحتاج صدرك يضمني)2
(في بعدي عنك الضعف قد أحاط بي)2
(فأسرع وانتشلني من ذاتي وشهواتي من ذُلي وضعفاتي)2
2- (أعدني إليك وفي ظلالك أنعم أعدني إليك أتهلل وأرنم)2
(طوبى لمن يعيش في ظلال حبك طوبى لمن يصير ابناً لك)2
فأنت أبي..أنت أبي

1- (كان مكاني ع الصليب وعقابي إني أموت أنا
مت عني يا حبيب واحتملت كل العنا)2

القرار – (المكان ده كان مكاني والعقاب ده كان عشاني)2
لكن انت في حب قلبك (ناحيتي دقت الضنا)2

2- (ليك هاعيش كل اللي جاي مديون وحاسس بنعمتك
بددت موتي خلتنى حي وأسرني لطفك ورحمتك)2

1- غريباً عشت في الدنيا نزيلاً مثل آبائي.. غريباً في أساليبي وأفكاري وأهوائي
غريباً لم أجد سمعاً أفرّغ فيه آرائي.. يحار الناس في ألفي ولا يدرون ما بائي
يموج القوم في مرحٍ وفي صخبٍ وضوضاء
2- وأقبع ها هنا وحدي بقلبي الوادع النائي.. غريباً لم أجد بيتاً ولا ركناً لإيوائي
تركت مفاتن الدنيا ولم أحفل بناديها.. ورحت أجرّ ترحالي بعيداً عن ملاهيها
خلي القلب لا أهنو لشيء من أمانيها
3- نزيه السمع لا أصغي إلى ضوضاء أهليها.. أطوف ها هنا وحدي سعيداً في بواديها
بقيثاري ومزماري وألحانٍ أغنيها.. وساعاتٍ مقدسةٍ خلوت بخالقي فيها
أسير كأنني شبحٌ يموج لمقلة الرائي
4- كسبت العمر لا جاهٌ يشاغلني ولا مال.. ولا بيتٌ يعطّلني ولا صحبٌ ولا آل
هنا في الدير آياتٌ تعزيني وأمثال.. هنا الإنجيل مصباحٌ ولا يخفيه مكيال
هنا لا ترهب الرهبان قضبانٌ وأغلال
5- ولا تستعبد الوجدان أغراضٌ وأمال.. ولا تلهو بنا الدنيا فإدبارٍ وإقبال
أقول لكل شيطانٍ يريد الأن إغرائي.. حذارك إنني أحيا غريباً مثل آبائي
غريباً عشت في الدنيا نزيلاً مثل آبائي

1- إليك يا رب أرفع نفسي عليك يا إلهي أتوكل
تُسكت أنت كل أعدائي منتظروك.. لا يخزوا

القرار – (لا يخزى.. لا يخزى
لا يخزى منتظروك)2

2- طُرُقُكَ يا رب أنت عرفني سبيلك أنت أيضاً علمني
الله أنت هو خلاصي منتظروك.. لا يخزوا
3- اذكر يا رب رحمتك ليَّ فإحساناتك منذ الأزل هيَّ
فخطاياي لي تَغفِرُ منتظروك.. لا يخزوا

1- بيني وبينك سد منيع إنت تحن وقلبي يبيع
(سد بنيته بجهلي وضعفي)2 (وعمري في يأس وحزن يضيع)2

القرار - (لكن رافض أعيش مخدوع وسط خطية وبحر دموع)2
(قايم راجع حضن أبويا اللي وهبني حياتي يسوع)2

2- ها أصرخ وأعلن توبة قوية طالب إني ماكنش ضحية
لا الأوهام تسرق لي حياتي دايس كل شيطان وخطية
3- (ها أنسى سنين الماضي المرة وأفتح صفحة جديدة لبكرة)2
(أول كلمة تبقى يسوع)2 والإمضاء نفسي الحرة

حب العالم مايكفيش حضن العالم مايدفيش
وعد العالم عمره ما يصدق يوعد ياما ولا يوفيش
لكن وعدي وعد أمين أوعد وأوفي الموعودين
أصل العالم بكره يزول وأنا لوحدي باقي على طول
فرح العالم ساعة ويمضي عمره ما يسعد عمره ما يرضي
فرح بيخدع فرح بيوهم أصله فرح ترابي وأرضي
لكن أفراحي سماوية أفراح دايمة مش وقتية
أصل العالم بكرة يزول وأنا لوحدي باقي على طول
راحة العالم غش وكدب عمرها يوم ما تريح قلب
راحة لفترة لكن بتزول ييجي مكانها هم وكرب
لكن راحتي دي أبدية مش لسنة ولا عشرة وجية
أصل العالم بكرة يزول وأنا لوحدي باقي على طول

القرار - فرحك ماليني حبك حاميني راعي حياتي ده إنت مكفيني

1- بالاقيك في الضيق تفتح لي طريق وفي وسط أمواج بتعديني
تديني أمان تديني سلام تمسك إيديَّ وتهديني
وسط الأزمات وقت الآلامات تفرد جناحك بيه تحميني
2- لو فيه أفراح أو فيه أتراح سامع صوتك هو رجايا
مين يمدحني مين يألمني ربي وحدك إنت عزايا
ده كلام العالم وسلامه باطل يا إلهي أنت كفاية
3- أنا عايش ليك ما أنا عايش بيك أبويا وربي وجابلني
ده مافيش غيرك يدي خيرك وعلى أكتافك حاملني
أنا غالي عليك وفي نني عينيك بالحب صايني وشايلني

القرار - (مين زيك يا حنين إنت يا رب الكل وسيدهم)2
(بحنانك محاوط شعبك)2 وروحك يا إلهي بيسندنهم

1- (لو جه مرة عدو الخير عشان يخطفهم ويبددهم)2
(عمره ما يقدر وإنت معاهم ولا حتى يا ربي يهددهم)2
(لأنك عالكف ناقشهم على حضنك الدافي معودهم)2
ومين زيك يا حنين إنت
2- (لو في طريقهم للأبدية حب يتوههم يبعدهم)2
(مابيقدرش يا رب لأنك إنت إلههم إنت قائدهم)2
(بيخافوا منك عارفين إنك بتحب ولادك وتشددهم)2
ومين زيك يا حنين إنت
3- (لو مرة غلطوا ورجعوا تابوا بالتوبة دايماً جددهم)2
(لأجل يكونوا نور للعالم أنا جيل حية يا رب ساعدهم)2
(اجعلهم منارات لإيمانك على صخرة حبك شيدهم )2
ومين زيك يا حنين إنت