صناعة إلهية (11 ترنيمة )

1- (لو ربنا ما بناش البيت كنا هانبني مهما هانبني وتعبنا يروح باطل)2
(لكن يا يسوع انت اللي بنيت أنا كنت مقصر وأنا بابني)2
كملت انت اللي كان فاضل وإيديك قبل إيديَّ اتمدت راحت سانداه

القرار - (أنا بيتي صناعة إلهية وإلهي بناه
لا رياح ولا مِيةْ موجه قوية هاتكون هزّاه)2
متأسس على صخرة عَفية ويسوع جواه

2- (من حبك ليَّ يا رب رضيت لي إني أبني معاك وأنت بتبني مارضيتشِ إن أقعد عاطل)2
( أسست أنت يارب وعلّيت وسكنت معايا مشرفني)2
ومفيش بيني وبينك فاصل أفراحي بوجودك بدأت وبقالي حياة

1-(ارحمنا)3 يا الله الآب يا ضابط الكل يارب ارحم
(صلّحنا يارب وعدلّنا واعبر لنفوسنا وعدي لنا
ونادي لنا ونوّر قناديلنا يا إلهنا بنستنجد بيك)2
2- (ارحمنا)3 يا الله مخلصنا يارب ارحم
اغفر لينا و استحملنا اعدلنا لو عنك مِلنا
ياللي ماكنتش لحظة هامِلنا إحنا بنرمي حمولنا عليك
3- (ارحمنا)3 يا الله ثم ارحمنا يارب ارحم
(وسامحنا على سوء النية في المِحنة حاوطنا بحنية
وإن واحنا خليه أغنية بيّض ثوبنا توبنا إليك)2

1- مافيش في الدنيا حد طيب زيك يا رب ومفيش في الدنيا قلب زيك ممكن يحب
يا يسوع أنا رفضتك وانت ماسبتنيش ماوفقتش أبقى جنبك وانت قويتني أعيش
(مش عارف أقولك إيه؟ ... بجد أنا بحبك فعلاً زيك مافيش)2

القرار - (من الأول كان لازم أفكر ليه أنا سايبك؟ ليه مستكتر أبقى يا رب ليك؟
وانت بطيبة غير طبيعية سايب حضنك مفتوح ليَّ وأنا عايش وناسيك)2

2- أنا ليه ضيَّعت وقت؟ ويسوع أنا سيبته ليه؟ يا ريتني ماكنت ضِعت وعمري عِشته ليه
علشان بالدنيا باحلم مشيت ماحسبتهاش ماحاولتش حتى أفهم كان مين زيي وعاش
(ومعاك يا يسوع باعيش وباشوف فعلاً حاجات من الضلمة ماشفتهاش)2

1- حلمنا مانتهاش علشان في ربنا عشان في إله حنين موجود بيحبنا
بإيديه قادرين نقوم ونكمل حلمنا ونشوف الضلمة نور علشان في ربنا

القرار - وربنا مش هايسبنا هايكون معانا وهايعننا
هو أكيد حاسس بينا .... سامعنا
ولا حاجة تاني هاتنهينا ولا حد يتحكم فينا
ده يسوع معانا مين يقدر ... علينا

2- علشان في ربنا مفيش شيء مستحيل أحلامنا ممكنه وفي مليون دليل
بيثبت لينا حبه وحنانه قد إيه عمره ما تخلى عنا هانقول إيه ولا إيه

القرار - (أيوه الجرح كبير جوايا أيوه آلامك هي عزايا)2
حملت عني جهلي وهمي وبقيت انت فرحي غُنايا
وبقيت انت فرحي غُنايا

1- (أيوه يا سيد كان على عيني تحمل عني آلامي وويلي)2
جيت ترفعني وبيك تسترني.. (تشرق شمسي ويهرب ليلي)2
2- (أيوه يا سيد صلبك ليَّ تغسل بيه حاضر وماضيَّ)2
أمشي معاك وأنا رافع راسي.. (دمك طهَّر كل خطية)2
3- (أيوه يا سيد إزاي أنا أسيبك! لا أعلن اسمك وأعبد غيرك!)2
خليني أكرم دمك فيَّ.. (وأكون ليك عبدك و أسيرك)2

1- بالقاك دايماً معايا ومن غير ما أناديك
ترفعني في وقت ضعفي وتقول لي ده أنا شاريك

القرار - وألقاك بتمد إيدك وبتدي بيها الضمان
تعصب تداوي جراحي وألقى في قربك أمان
ما أنت كل الحنان

2- بالقاك تعطف عليَّ وتمسح لي الدموع
حتى وإن كنت جارحك حبك أكبر يا يسوع
3- بالقاك نوري وطريقي لما باتوه في الحياة
تمشي ورايا وأمامي وتحمي في كل اتجاه

1- جايلك عشان غيرك ماليش عمري بدونك مايساويش
وإن سبت حضنك مش هاعيش وهاتملي بجراح
أنا قلبي عنك ياما غاب لكن خلاص راجع وتاب
ده البعد عن حضنك عذاب وبين إيديك هارتاح

القرار - جايلك تغير دنيتي جايلك تنور ضلمتي
وتكون طريقي وسكتي من خوفي تنجدني
وتكون دليلي في رحلتي تسمع صراخي وشكوتي
تمسح بإيدك دمعتي يا يسوع وتسندني

2- وفي قلب عتمة ليل طويل عايزك تكون شمسي
عايزك تشيل يأسي عايزك تبدل أي ليل
3- اديني عمر أعيشه ليك واملك على عمري
واملك زمام أمري وضمني وخبيني فيك

هل يعقل إن الله ياخد صورة إنسان
إنه يعيش عالأرض فقير غلبان
أو إنه يموت ويا ريته يموت موتة عادية
إنه يموت مجروح ملعون متهان
أفكار الله غير أفكارنا فكرنا في حكمته فاحترنا
واخترنا نقول له مش فاهمين ونقول له عايزين نتعلم
ولأنه عظيم ولأنه عجيب كل عمايله بحكمة وترتيب
إحنا قصاده جهلة وعايزين نسمع أكتر ما نتكلم
في حاجات تخلي الفكر يشت يكون حيران
في حاجات مابيقبلهاش العقل وبالإيمان
وبروح ربنا نقدر نفهمها ونقبلها
هل يعقل إن الله يحده عقل الإنسان

1- أنا روحي بردانة في حضنك اتدفت ولما دفة مركبي تاهت ناديتك وصلتني بر الأمان
أفراحي دبلانة من الهموم جفت ولما تعبت روحي جيت يا رب بيتك حسيت براحة وبحنان

القرار - أمراضي خفت وحمولي خفت وطردت من قلبي التعب مابقيتش أعاني
أمراضي خفت وحمولي خفت وماضي أحزاني انشطب وفرحت تاني

2- معاك يا رب سفينتي توصل برها ما إنت الوحيد مالك زمامها وأمرها
ومهما موج البحر خدها وجرها تلقى المواني
3- نفسي اللي تاهت جوة عالم غرها اغفر لها ذنوبها وبدد شرها
ياللي معاك نفسي بتلقى لعمرها أحلى المعاني

1- طول الوقت بخير ما باخافشي من الليل القاسي الغدار
ولا من سهم يطير ولا من ضيق ولا ويل في وسط النهار
ده إلهي ينقذني حتى من فخ الصياد
ولا أوبئة تقدر تهلكني ده إلهي شافي الأمراض

القرار - ده وعوده ثابتة وأمينة طول السنة بيبص علينا
زي النسر ما يحمي ولاده تحت جناحه بيخبينا
طول الوقت بخير

2- هو مراحمه كتير عامله زي السيل نازلة باستمرار
هو مالوهشي نظير هو مالوهشي مثيل ده حاميني بأسوار
هو موصي ملايكة عليَّ أنا عندي خدام من نار
طول السكة بيعتنوا بيَّ رجلي ما تخبطشي في أحجار