بتحبنى (12 ترنيمة )

1- لما بفكر في الشمس والنجوم
السما والأرض الهوا والمية وكل الكون
مش بقدر أفهم إزاي دول صنع إيديك
بأمرك الكل صار وأصبح ليك
لكن الأصعب فهمه إزاي بتبص ليَّ
إزاي بكل عظمتك دي بتفكر فيَّ
شايف كل لحظة وساعة بتمر بيَّ
وفي وسط كل الناس عينك عليَّ

القرار- أنا أبقى إيه.. أنا أبقى مين
عشان إله الكون يعرفني
أنا واحد من الملايين اللي عايشين
اخترت تشوفني وتميزني مش لأي حاجة فيَّ
لكن علشان حبك عظيم.. بتحبني

2- لما ببص لنفسي وأشوف كل اللي فيَّ
بخجل آجي عندك بخاف تقسى عليَّ
حاولت كتير أتغير قبل ما آجي ليك
نسيت إن عندك وحدك التغيير
دايمًا بانسى إن غفرانك مالوش حدود
وعلشان حبك ليَّ بس أنا ليَّ وجود
أنا ماستاهلش أعيش حياتي عند رجليك
وإنت بتطلب مني أبقى بنت ليك

1- يسوع إلهي صخرتي.. ترسي خلاصي وقوتي
هـو سلامــي وفرحتــي.. يـســـــــــــــــوع
على كل شيء بيستطيع.. من إيده ما فيه حد يضيع
بذل نفسه عن القطيع.. يســـوع يســـوع يســـوع

القرار- اسم إلهي برج حصين.. يجري إليه المؤمنين
هو الراحة للمتعبين.. يســـوع يســـوع يســـوع

2- هو الألف وهو الياء.. وبإيديه كل الأشياء
بدمــه صنـع فـداء.. يـســـــــــــــــوع
مهما الوقت فات لسه بيعمل المعجزات
بإيده يحيا حتى اللي مات.. يســـوع يســـوع يســـوع

3- بحبه من كل قلبي.. ليه أيامي وحبي
هـو إلهـي وربـي.. يـســـــــــــــــوع
عمري هاعيشه كله ليه.. هو نصيبي وقيمتي فيه
بكرم اسمه وفخري بيه.. يســـوع يســـوع يســـوع

1- امبارح كنت تايه بدور ع الأمان مش شايف
إلا ضعفي والخوف مالي الكيان ياما حاولت
ألملم جروح ليها زمان والقلب فيَّ يصرخ نفسي في يوم ارتاح

القرار - شقشق عليَّ فجره طيب فيَّ الجراح وبحب خدني لحضنه نسّاني كل اللي راح

2- ياما سألت نفسي إيه المعنى لحياتي ألقى يأسي
يجاوبني مخلوق علشان تعاني ورب المجد يقوللي
إنت موجود عشاني والحزن اللي ماليك هابدله بأفراح

1- ياما سمعت عنك من اللي حواليَّ
واديتك ضهري وكإن الكلام مش ليَّ
أو قرار يمكن بعدين أفكر فيه
وييجي بكره ويفضل قلبي معاند ليه
وكأن العيشة معاك سراب شايفه بعيد
وحاسسها قيد أنا رافضه وعايز أعيش سعيد
فاكر حياتي معاك نهاية السعادة
أنا حر ومش هاعيش مسلوب الإرادة

2- شايف عينيك من بعيد بتناديني
وفي عز قسوة قلبي إنت مش ناسيني
عطشان وعندك إنت مية الحياة
ونورك يهدي قلبي اللي عنك تاه
إيديك ممدودة بالمحبة والحنان
مستنياني أرجع لبيتي من زمان
من حبك لي سايبلي الاختيار
بابك مفتوح وأنا ليَّ القرار
مستنيني أرجع لبيتي من زمان
من النهارده اقبلني أكون ابنك حقيقي
وإنت تكون لي أبويا وصديقي

راضي تاخد كل عاري تبدله بأمجاد
ليه راضي تحمل همي وتملاني سلام
علشان جمالك ربي مايوصفهوش كلام
سنين بادور ع الأمان كل الأمان معاك

لو في زعلي ماجيتش ليك هروح لمين؟ ال
مين هلاقي زيك ربي بيفهمني؟
عمري ما بقى في يوم وحيد طول ما في زيك إله
إنت أحلى ما في الحياة
أحلى صديق

دايماً بلاقي الراحة لما أحكي معاك
من غير ما أطلب بلاقي ليَّ في حضنك مكان
دايماً في حبك ربي باشوف قسوتي
بيخجلني حنانك

1- على باب قلبي مستنيني أفتح تدخل وتلاقيني
بأحلى كلام وفرح وسلام يغمرني وروحك يحيني

القرار - ادخل يا يسوع قلبي مفتوح محتاجلك تشفي كل جروح
تملك من تاني على كل كياني ولساني يسبح بأغاني

2- من بعد فتور و آثام وشرور جسدي وشهواتي بتحنيني
لحياة النور وهاعدي السور فوق ضعفي وخوفي وأنيني

1- جايلك بتوبة عند رجليك مشتاق لحضنك لمسة إيديك
تيجي تغير.. تشفي تحرر تديني قوة.. وإنت تزيد

القرار - أنا هاجيلك علشان إنت الضمان فيك الكفاية فيك الأمان
يملاني حبك .. يملاني فكرك فيض بروحك وسلام

2- عندك هالاقي فرحي وسلامي وفي محضرك تملا كياني
وخير ورحمة هايتبعاني في كل يوم من حياتي

1- رب الوجود يا إله الكون
حبك يا يسوع أنا ليه مديون
قدام حنانك سيدي.. أنا باركع وانحني

القرار- أنا قلبي بيسجد للإله
ده إلهي واهب الحياة

2- إنت سلامي عندك معنى الأمان
معاك لقيت أفراحي فرحي رؤياك
نشلتني من عاري.. حبك طوق النجاة

بقالي كتير مش عارف أتحرك من نفس المكان
في كل خطوة خوف جوايا وعدم أمان
بس جه الوقت إني أهزم خوفي
وشايف فيَّ قوة أكبر بكتير

خلاص.. أخدت قراري خلاص
كسرت كل الخوف اللي كان ملاني خلاص
أخدت قراري خلاص كسرت
كل فكرة ثبتتني في مكاني
ومش هاتحرك غير قدام.. قدام.. قدام

بسأل نفسي ليه متداري
مش واصللي النور
جوه خوفي حصرت نفسي
غريق وسط بحور
صوت جوايا يصرخ ليَّ ماتخافش
يلّا نهاية الضلمة نور

أيوة أنا باصص لفوق
ورامي خوفي ورايا
مش باهرب منه لكن
بواجه اللي جوايا

1- يا إلهي يا حبيبي ياللي معنى حياتي
فيك عمري كله ما يساويش إلا لو كان بين إيديك

القرار - وسط خوفي إنت الأمان إنت فرحي في الأحزان
إنت واهب اللي ليَّ إنت خالق قلبي فيَّ ليه هاعيش
لو مش معاك ثمن حياتي كان دماك إيه هاحتاج
وإنت معايا إنت ليَّ إنت الكفاية

2- وسط همي وقت ضيقي في كل مرة بانادي عليك
لي مين غيرك بيسمع.. ليَّ مين باجري عليه

القرار- مقوِّم المحنين.. طويل الروح حنان ورحيم
سامع الصــــلاة والترنيم
بروحه نصير منتصرين.. ده رب المجد إلهنا أمين
وليوم مجيئه منتظرين

1- القدرة والغنى.. القوة والحكمة
ترنيمة الخليقة.. للي مات عنا
للجالس على العرش.. والخروف المذبوح
البركة والكرامة.. المجد والسلطان

2- سيد الأسيــاد.. رب الأربــــاب
ماشي قدام شعبه.. بعمود نار وسحاب
وإن يوم صار جفاف.. وعطش وخوف لآلاف
يخرج من الصخرة مية.. ويسود الناس أفراح

القرار- عايشين معاك في هنا
وفي نصرة ولو في ضيقات
ترانيم أفراح وغُنا
وصلاة في كل الأوقات

1- نجينا من الشرير.. من ضغط وخوف وقيود
حررنا من تأثير.. عالم مادي ومحدود

2- نجينا من ضعفاتنا.. من الشك ومن الأكاذيب
إظهر حقك في حياتنا.. وثمار عمل الصليب

3- نجينا من نفسينا.. من جهل وضعف إيمان
نور فينا وحوالينا.. بشهادة ف كل مكان