آن ألفريد (7 ترنيمة )

1- رب الوجود يا إله الكون
حبك يا يسوع أنا ليه مديون
قدام حنانك سيدي.. أنا باركع وانحني

القرار- أنا قلبي بيسجد للإله
ده إلهي واهب الحياة

2- إنت سلامي عندك معنى الأمان
معاك لقيت أفراحي فرحي رؤياك
نشلتني من عاري.. حبك طوق النجاة

راضي تاخد كل عاري تبدله بأمجاد
ليه راضي تحمل همي وتملاني سلام
علشان جمالك ربي مايوصفهوش كلام
سنين بادور ع الأمان كل الأمان معاك

لو في زعلي ماجيتش ليك هروح لمين؟ ال
مين هلاقي زيك ربي بيفهمني؟
عمري ما بقى في يوم وحيد طول ما في زيك إله
إنت أحلى ما في الحياة
أحلى صديق

دايماً بلاقي الراحة لما أحكي معاك
من غير ما أطلب بلاقي ليَّ في حضنك مكان
دايماً في حبك ربي باشوف قسوتي
بيخجلني حنانك

1- يا إلهي يا حبيبي ياللي معنى حياتي
فيك عمري كله ما يساويش إلا لو كان بين إيديك

القرار - وسط خوفي إنت الأمان إنت فرحي في الأحزان
إنت واهب اللي ليَّ إنت خالق قلبي فيَّ ليه هاعيش
لو مش معاك ثمن حياتي كان دماك إيه هاحتاج
وإنت معايا إنت ليَّ إنت الكفاية

2- وسط همي وقت ضيقي في كل مرة بانادي عليك
لي مين غيرك بيسمع.. ليَّ مين باجري عليه

1- لما بفكر في الشمس والنجوم
السما والأرض الهوا والمية وكل الكون
مش بقدر أفهم إزاي دول صنع إيديك
بأمرك الكل صار وأصبح ليك
لكن الأصعب فهمه إزاي بتبص ليَّ
إزاي بكل عظمتك دي بتفكر فيَّ
شايف كل لحظة وساعة بتمر بيَّ
وفي وسط كل الناس عينك عليَّ

القرار- أنا أبقى إيه.. أنا أبقى مين
عشان إله الكون يعرفني
أنا واحد من الملايين اللي عايشين
اخترت تشوفني وتميزني مش لأي حاجة فيَّ
لكن علشان حبك عظيم.. بتحبني

2- لما ببص لنفسي وأشوف كل اللي فيَّ
بخجل آجي عندك بخاف تقسى عليَّ
حاولت كتير أتغير قبل ما آجي ليك
نسيت إن عندك وحدك التغيير
دايمًا بانسى إن غفرانك مالوش حدود
وعلشان حبك ليَّ بس أنا ليَّ وجود
أنا ماستاهلش أعيش حياتي عند رجليك
وإنت بتطلب مني أبقى بنت ليك

١- مهما رحت يمين وشمال أوسع بحور أعلى جبال
أنت برضه بتلاقيني وبتديني محبتك
محبتك دايماً ترفعني من همومي وتشجعني
مفيش زي دي محبة دي الحياة معاك أحلى

القرار- ومهما كان فيَّ خطية بتحبني رغم اللي فيَّ
لسه بتشتاق لرجوعي ليك أنا جاي واقف بين إيديك
ومهما كان فيَّ خطية بتحبني رغم اللي فيَّ
لسه بتشتاق لرجوعي ليك اقبلني يا رب ابن ليك

٢- كل مرة بتستحملني مهما وقعت بتقومني أغلط
وأبعد وأرجعلك بتسامحني وبتنسى
عمرك ما افتكرت ذنوبي دايماً ساتر كل عيوبي
مفيش زي دي محبة دي الحياة معاك أحلى

١- رَأيتُكَ في الجُلجُثَة مُعَلَّقًا مَرفوعًا مَجروح
ونَظَرتُ وَجهَكَ حاوَلتُ ألَّا أسألُك
لِماذا اختَرتَ طَريقَ العَذابِ؟
لِما اختَرتَ العِقاب وأنتَ القَدير؟
لِما لَم تَترُك خُطاةً مِثلي أنا لِلهَلاك؟

القرار- (إلَهي كَيفَ احتَمَلتَ عَنِّي كُلَّ هَذا العار!
حَبيبي صَليبُكَ فَخرٌ ليَ يا بار)٢

٢- لَو كُنتُ وَحدي شارِدًا لَو كُنتُ خاطِئَ الأرضِ الوَحيد
لَو كانَ العالَمُ مَليئًا بِالأبرار ووَحدي قَد رَفَضتُكَ بِقَلبي العَنيد
هَل كُنتَ سَتَختارُ طَريقَ العَذابِ؟
هَل كُنتَ سَتَختارُ العِقابَ وأنتَ القَدير؟
نَعَم كُنتَ سَتَأتي رَبِّي مِن أجلي أنا وَحدي