سلمت الدفة (12 ترنيمة )

1- (سيبني يا حزن يا هم روح ليَّ إله
عنده دوا لكل الجروح عنده حياة)2
عندي إيمان زيك يا نوح هاينجي فُلكي من المياه
وهاروح معاه لشط النجاة وحياتي دايماً بين إيديه مترتبة

القرار : وقت المشاكل والهموم المتعبة وقت المخاوف والرياح المرعبة
جوه الألم والتجربة بالمح إيديه الطيبة
وحتى لو جوه الطوفان مابخافش أنا أبداً عشان
يسوع في قلب المركبة

2- (يا سفينتي يا متحوطة بكومة صخور
يا سفينتي يا متخبطة أنا مش هاخُور)2
خطواتي مش متلخبطة في العتمة أنا بامشي في نور
في الدوامات أنا مش بادور نفسي على كل الصعاب متغلبة

القرار- أنا اللي دايما باتنسي وكأني نقطة في بحر أو كلمة في كتاب
يسوع إلهي مخلصي عمل لي قيمة أنا اللي مخلوق من تراب

1- عوضني عن عمري اللي ضاع وغسلني من طين الضياع
وقلت يا أحزان وداع ده مد إيده في قلبي شال شوك العذاب
2- وقال لي فينك من زمان صدقني عندي ليك مكان
وفتح قصاد مني البيبان وبحب قال لي وحشتني طال الغياب
3- أنا غالي عنده وغالي بيه وقيمتي منه وقيمتي فيه
والعمر كله هدية ليه ده أنا كنت مديون جيه دفع عني الحساب

1- لما تلاقي الفرحة بعيدة والأحزان ملمومة عليك
لما تحس بوحدة شديدة لما محدش يسأل فيك!
هو يفرَّح قلبك يقدر يمسح دمعك ينهي الآه
معروف عنه لما بيحضر بيجيب الأفراح وياه

القرار- (ماتصدقش إن اللي فداك ممكن ييجي في يوم ينساك
هو قُرّيب ... دايماً طيب... حاسس بيك وعينيه حارساك)2

2- ليه بتطول في التنهيدة؟ ودموعك ليه مَالية عينيك؟
ليه تقول نفسك عايشة وحيدة وإلهك ماسك بإيديك؟
ليه وقت المشكلة بتفكَّر وتقول أنا منسي من الله؟!
ده لا بِيتوانى ولا بيتأخَر جاي جايب لك حل معاه

1- (بالقى في حضنك حصن ومأوى .. أضعف آجي لحضنك أقوى
ده مفيش ولا أعظم ولا أقوى منك يا حبيبي يا يسوع)2
أنا باشعر بوجودك جنبي ومشرفني إنك ربي
وإن غيرك جه يسكن قلبي باكتب على قلبي ممنوع

القرار- (عزي وكنزي وسر غنايا تسبيحي ولحني وغُنايا
طول أيامي انت سلامي جوه آلامي انت عزايا)2

2- يا إلهي ومولايَ وسيدي .. واثق إنك ماسك إيدي
سامع شكوايَ وتنهيدي حبك بان يا يسوع بوضوح
حبك زايد ومغطِّيني لما أبعد عنك تناديني
وأرجع ألاقيك مستنيني تملّي بابك مفتوح
3- (لا بتنساني ولا بتهملني مابتتخلاش أبداً عني
رغم عيوبي متحملني أنا غالي جداً في عينيك)2
أي طريق غيرك يتعبني وطريقك وحده يناسبني
ياللي معايا ولا بتسيبني وصلني يا إلهي إليك

السن والخبرة وجروحنا القديمة.. بيغيرونا
وقلقنا من بكرة.. صراعاتنا الأليمة.. بيغيرونا
بنتغير وهو ده طبع البشر مهما نكرنا
بتتغير قلوبنا.. أهدافنا ومشاعرنا
بنتغير وننسى وعود قطعناها وننسى ناس عاشرناها
بنتغير بالزمان بنتغير بالسفر ما هو ده طبع البشر
بس إنت .. لأ إنت يا واحد .. يا ثابت .. يا إله الكون
وكلمتك حق .. كل كلامك حق .. كلمة نستخبى فيها من الظروف
تهدي قلوبنا في ضلها إنت الأمان
مرسى اللي تايه واللي خايف من الزمان
ووسط تشويش الحقايق إنت الحقيقة كلها

1- باعترف إنك واحشني بس فيه حبة حاجات باعداني عنك
بس فيه حبة حاجات حارماني منك
بس فيه حاجز كبير عنك حايشني باعترف إنك واحشني
نفسي أحكي معاك و افضفض لك واقول لك
ع اللي جوه في قلبي نفسي أستمع لك
بس فيه عالم بأحزانه داوشني .. باعترف إنك واحشني

القرار- (كسر حواجزي وهدها قصَّر مسافة البعد ما بينك وبيني)2
وخطيتي اللي بحبها خليني أقدر أقول لها : "امشي وسيبيني"2

2- باعترف إنك واحشني من النهارده لا يمكن أرضى أعيش في بعدك
بس هاسمع صوتك انت وانت وحدك
من النهارده الحية مش هارضى تناقشني باعترف إنك واحشني
جاي اشوفك ربي واقعد حبة جنبك جاي اقولك إني هاتمتع بقربك
جاي لك ياللي على كفك ناقشني .. باعترف إنك واحشني

1- لو شيء على بالي خطر خلاني حسيت بالخطر
ولو لقيت الهم زاد والمشكلات زي المطر
باندهك وأصرخ إليك .. من قلب خوفي اللي انتشر
باندهك .. وأطلب إيديك .. تفك قلبي اللي اتأسر
وألاقيك سامعني وأحس بيك .. وألاقي خوفي مالوش أثر
لما أندهك

القرار- لما أندهك تنزع مخاوفي من الجذور تزرع في قلب ظلامي نور
وتصلح الشيء اللي جوايا انكسر
لما أندهك أرتاح من الهم الكبير وأشعر بفرح ما لوش نظير
من عندك إنت يا يسوع مش من البشر لما أندهك

2- بافرح بإثمي اللي اتغفر بافرح باسمي اللي اتحفر
في قلب كفك يا يسوع وبماضي بالحب اتستر
باندهك يملاني خير .. لا اتعد مرة ولا اتحصر
يندهك قلبي الضرير .. فترد له تاني البصر
قلبي اللي عاش مهزوم أسير .. لو تسكنه يبقى انتصر
لما أندهك

1- جئت إليك يا إلهي أحتضر فمن سواك على الشفاء يقتدر
فهيا يا رب أنا لن أنتظر لم يبقَى من عمري سوى الشيء اليسير
تعال أنت فقد عجزت عن المسير أحني فؤادي وأعتذر
وها دموعي تنسكب أترق ليَّ أن تحتجب أدعوك كيما تستجب
نفسي بك متوسلة وضارعة فخطيئتي أمام عيني ساطعة

القرار- ما زال في قلبي بقايا من صلاة ظلت معي عبر السنين الضائعة
إني غريق جئت أبحث عن نجاة نفسي تجاه الموت تجري مسرعة

2- قلبي من الأحزان يبكي ويعتصر أشتاق بعد هزيمتي أن أنتصر
ويختفي الماضي الأليم ويندثر مولايا إني أعود والقلب كسير
وبه من الأحزان والهم الكثير والموت فيَّ ينتشر
كفى أنا لن أحتمل اجعل جروحي تندمل وستار حزني ينسدل
مفتوحة أبوابك وواسعة ولذا إليك النفس جاءت راجعة

1- ما أبهج اليوم الذي آمنت فيه بالمسيح
أضحى سروري كاملاً ورن صوتي بالمديح

القرار- حبي لفاديَّ المجيد يوماً فيوماً سيزيد
عمرٌ جديد يومٌ سعيد يوم اختصاصي بالوحيد

2- بجاذب الحب أتى فيا لحبٍّ فائقٍ
وردني إلى الهدى بفضل عهدٍ صادقٍ
3- سعادةٌ من السما حلت على هذا الفقير
طوباك يا قلبي ابتهج واشكر إلهك ألقدير
4- يا نعم عهداً ضمني إلى المخلص الأمين
إني لربي وهو لي دوماً لدهر الداهرين
5- يا ربي ثبتني وكن ممتلكاً إرادتي
درّب حياتي سيدي في منهج القداسة

1- أنا ملكك إنت وحدك أنا ليَّ قيمة عندك
أنا كنت زمان باعاندك وتعبت عشان ناسيك
حيرتي وذلي وهواني في طريقي الأولاني
وطريقك شكل تاني ولقيت الراحة فيك

القرار- خبيت وصاياك في قلبي علشان ماخطأشي ليك
حبيت اسمك يا ربي ومليت العمر بيك

2- طبعاً لازم أحبك خبيتني جوه سترك
خليتني أبقى ابنك متشال جوه في عينيك
ياللي بإيديك جابلني بمحبة بتعاملني
جيتلك جيت لي تقابلني ورميت حملي عليك
3- ماقدرش أستغنى عنك ده مفيش في الدنيا زيك
قلبي مملوك لشخصك ومالكشي فيه شريك
وإن يوم ضعفي غلبني ولّا الماضي جذبني
أنا فوق الصخرة مبنى هاثبت وأرجع إليك

1- يا أرض دجلة والفرات... بنصلي ليكي
طالبين سلام السماوات ... يكون ماليكي
كفاية يا أحزان خلاص طالبين نجاة طالبين خلاص
سكت يا ربي ... صوت الرصاص

القرار- بدموع يا يسوع بنصلي ونترجاك جايين طالبين
رافعين إيدينا لعلاك هذا العراق بين إيديك
أرضه وشعبه في حماك
2- في هذا العراق ... خلصت دانيال يا قدير واتنجى من جب الأسود
وفى العراق ... نوح ابتدا يبني السفينة بأمر من رب الجنود
نجينا من جب الهموم شعبك بدمك احتمى
ابعت لنا فلك النجاة اللي يوصل للسما
3- في هذا العراق ... جنة عدن اللي سكن آدم وحوا في أرضها
وفي العراق ... نادى يونان لنينوى والرب أنقذ أهلها
خليها ترجع جنة تاني فيض عليها بسلام وخير
واقبل توبتنا يا إلهنا بيك يا رب بنستجير

1- مجداً ليسوع المسيح جهزنا الزيت للمصابيح
أصل الرب لعرسه دعانا وشوية ونروح داخلينه
امتى هاييجي؟ مالوهشِ ميعاد لكن احنا على استعداد
وقت ما ييجي يسوع يلقانا بنفكر فيه ومش ناسِيينه

القرار- (منتظرينه .. منتظرينه احنا بشوق مستنينه
يمسح مننا دمعة عيننا ويجمّع شعبه على يمينه)2

2- مش ناسيين وهاننسى ازاي إنك قلت في يوم أنا جاي!
انت لآخر الدهر معانا وده شيء حاسينه و لامسينه
لكن جاي تاخدنا معاك وتسكنّا في قلب سماك
تبقى في بيت الآب ويانا ده الأمل اللي احنا عايشينه