اشرق علينا (13 ترنيمة )

١- أؤمر بالحياة للقلب اللي مات
حتى الذكريات نسينا واشفينا
قادر من العظام من كوم الحطام
تخلق جيش لمجدك انفخ روحك فينا

القرار- اشرق علينا.. بإيدك داوينا
استر ماضينا.. في دم المجروح
شدد إيدينا.. ارفع عينينا
والنصرة لينا.. بقوة الروح

٢- عشنا لروحنا.. وزادت جروحنا
راجعين لك سامحنا.. وفي قلبك اقبلنا
ده اللي فات كفاية.. عشناه للنفاية
اكشف الخبايا.. قدسنا وطهرنا

٣- رجانا في إيدك.. وفي قوة صليبك
نادينا نيجي لك.. ع المية تمشينا
نتغير لصورتك.. ونفرح في قربك
ولو يوم ضعفنا.. من تاني تقوينا

القرار - مجدًا ليك مجدًا لاسمك يا عجيب
شكرًا ليك عملك في حياتنا عجيب
نسجد ليك رافعين راية الصليب
يا عجيب يا ابن الله

١- وحدك صانع عجايب وصانع معجزات
ولا حاجة تقوى عليك ده أنت رب القوات
تفتح عينين الأعمى وتقوم من الأموات
وتهدي البحر بكلمة يا عجيب

٢- إحنا بنعلن إيماننا وثقتنا يا رب فيك
وحدك ضامن حياتنا وناقشنا على كفيك
يا راعي نفوسنا الصالح كل اتكالنا عليك
يتبعنا خير ورحمة كل اتكالنا عليك

٣- مستنيين حضورك في بلادنا بالإيمان
املا أراضينا بنورك يا صاحب السلطان
خلي حياتنا شهادة لملكوت ابن الإنسان
وأرسلنا فعلة في كرمك يا عجيب

١- (جاي أشهد إنك ربي.. مخلصي فاديَّ
إنت سيد حياتي.. ليك الحق فيَّ)٢

القرار- (إنت مخلصي)٣.. وهاعيش لك طول عمري

٢- (لما يهزمني ضعفي.. آجي أتحامى في حضنك
وترفع ذنبي عني.. وأشوف صورتي في قلبك)٢

٣- (أنا ملك إيديك يا إلهي.. من فضلك قدسني
قويني على الخطية.. وبيدك احفظني)٢

٤- (لما بالمس حنانك.. العمر يطول حواليك
هافضل حياتي أنشد.. المجد كله ليك)٢

١- الكل يعلي هتافه.. ويسجد لمليكنا
وقلب الشعب يخافه.. ده إلهنا وسيدنا
دي كنيسة واحدة فداها.. وحفظها وخلاها
في وسط الغربة منارة.. والمجد لإلهنا

٢- زينة الكنيسة عبادة.. تتقدس بسجودها
وتكرم اسم مسيحها.. اللي مات علشانها
دي كنيسة رافعة الراية.. والدم عليها حماية
وصليب رب الأرباب.. والموت هو حياتها

٣- كنيسة رسولية.. بإلهها فرحانة
فرح الرب قوتها.. وهاتفضل سهرانة
فيها النعمة بتكفي.. والمطروح يخرج مشفي
شايفة إلهها في عرشه.. وتصلي يا أبانا

مافارقنيش أبداً أبداً إحسانك ده مافارقنيش
من وأنا لسه في رحم الأم الرحمة شالتني وماسابتنيش

١- مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانستنيش

٢- وأما بالاقي النفس انهارت تحت رحاية شك وضيق
والنوم هارب مني أطالب قلبك وأصرخ ماتسبنيش

٣- وأما أتحارب وأنا في القارب بالموجة وبالريح والخوف
وأبقى بانازع في هزيع رابع تيجي تدافع عني أعيش

٤- دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش

١- كم مرة ضممتني وسط متاعب الحياة
مسحت كل أدمعي ملأت قفري بالمياه
كم مرة غفرت لي آثام روحي التائبة
بنورك أرشدتني بددت نفسي التائهة

القرار- قلبي يهتف أحبك يا صخرتي أحبك
قلبي يهتف أحبك يا ملجأي أحبك

٢- كم مرة قبلتني لعرشك أدخلتني
بدمك طهرتني وبرك ألبستني
كم مرة كلمتني في وعدك شفيتني
أنرت ربي ظلمتي بحبك ملأتني

١- يارب إليك صرختي فأصغِ إلى صلاتي
في أزمتي ومحنتي أصغِ لصلاتي
تعلقت بك أمسكك ترفعني
واثق في وعدك تنقذني

القرار- الظلمة لديك لا تظلم والليل مثل النهار
بفرحة حصرتني ويمينك ترشدني وتمسكني

٢- اجعل ربي ترنيمتي أحبك يا إلهي
من كل فكري وقدرتي أحبك يا إلهي
وصايا سرًّا أحفظها تحفظني
في أحلك الليالي تنيرني

٣- في جب الأسود في بطن الحوت
في أتون النار وسط وادي ظل الموت
يسوع معي صاحب السلطان معي
الله معي فالظلمة لديك لا تظلم
والليل مثل النهار

على الصليب حملت عاري فيه افتخاري
إنت إلهي إنت حبيبي ومخلصي
على الصليب صرت شفايا
من الخطايا والظروف ومن العيوب اللي صابت
جوه القلوب
إنت رضيت تتجلد علشان تشفيني
إنت رضيت تتصلب وتموت علشان تحييني
أنا مش هابص ورايا وهادوس على الخطايا
وبقوة دمك لي نصرة ولي حياة
ولا هاسمح لعدوي يجي في يوم يكسرني
ولا يطرح العمر اللي ربي افتداه
في الصليب رفعت راسي إنت خلاصي يا سيدي

١- سبت نفسي للخطية.. عشت ليها سنين كتير
واشتهيت أعيش لوحدي.. كنت حر لكن أسير

القرار- أنا راجع ليسوع.. يشفي قلبي الموجوع
ويشيل كل ضعفي وخطيتي.. مش هابص على اللي فات
أو هاعيش في الذكريات.. أنا عايز قوتك تكسر قيودي

٢- رحت أدور على المحبة.. مالقتش غير جرح وخيانة
والآبار متشققة حبهم لي مش كفاية.. أنا عايز تكسر قيودي

١- حولنا عنك عينينا.. وشرورنا زادت لفوق
ورحنا نحفر آبار.. مافيهاش غير الشجون

القرار- ياما اتعلقنا بغيرك.. وبنينا في الوهم آمال
لقينا الحلم سراب.. وسلامنا في بعدك محال
(إنت المنبع الحقيقي.. لكل عطشان
كل اللي يشرب ترويه.. بماء الحياة)٢

٢- العالم بهرنا زيفه.. ودقنا في أفراحه مرار
ونسينا إنك رجانا.. وراحة القلب المحتار

١- (عفا عني إلهي ونجاني.. وحكم ببرائتي النهائية
وفي شخص يسوع اللي فداني.. إداني حياته الأبدية)٢

القرار- أفرح بيك يا إلهي وأنادي وأغني ياللي في حبك بيطمني
وأفضل أسبح أنا طول عمري.. إنت لوحدك بس كفايتي

(٢- (حلني من ضعفي اللي أسرني.. واملاني بقوة وسلطان
من بعد سنين عايش محني.. قومني وشبعني حنان)٢

٣- (أنا جاي أنادي ومش خايف.. شوفوا إلهي اللي اتبناني
كنت في حكم الميت عايش.. جه بدمه سترني وغطاني)٢

٤- (في النور راح أعيش ويا الراعي.. مهما الضلمة تكون حواليَّ
أصل أنا مش عايش بدراعي.. هو لوحده عايش فيَّ)٢

١- صحي فيَّ الأشواق من جديد.. القلب فاتر محتاج إليك
صحي فيَّ الأشواق من جديد.. أنا جاي لحضنك دي الراحة فيك
(وانزع كل شك فيَّ.. وأطلق نفسي في الحرية)٢
وازرع فيَّ تاني جدور.. تتثبت فيك
(صحي فيَّ الأشواق من جديد)٢

٢- صحي فيَّ الأشواق من جديد.. ساعدني أشوفك بعيون جديدة
صحي فيَّ الأشواق من جديد.. وفي حياتي تبقى حقيقة
(وأعرف المعنى لأيامي.. وأبني معاك عمري وأحلامي)٢
وتكون ليَّ القلب.. وتكون الصديق
(صحي فيَّ الأشواق من جديد)٢

٣- صحي فينا الأشواق من جديد.. إحنا كنيستك وانت عريسنا
صحي فينا الأشواق من جديد.. وفي انتظارك شوق نفوسنا
(يرجع نور حقك تسترنا.. يرشد خطوتنا يغيرنا)٢
ويجهزنا للقاك.. القـــــــريب
(صحي فينا الأشواق من جديد)٢

١- خالق السما وما فيها.. وبيك كل الوجود
صــــــانع الحيــــــــــــاة.. من نفخة في التراب
قادر وقوة سلطانك.. فاقــــت الحـــدود
إله السمــــــــــاوات.. ورب الأربـــــــــــــاب

القرار- مين في العظمة قدك.. مين يشبه جلالك
مين في الرحمـــة زيك.. مين في جمــــــالك
ليـــــــك الإكـــــــــــرام.. والحمــــد والتعظـــيم
يا منبــــــع الحيـــــــاة.. يـــا رحيــــــــــــــــــــــم
هللـــــــويا هللـــــــويا.. هللـــــــويا هللـــــــويا

٢- نرفع ليك كل التسبيح.. يا ساكن السما
ياللي عشاننا جيت.. وخلصت النفوس
ليك بتنحني الجباه.. وبنسجد يا الله
واسمك القدوس.. تاج على الرؤوس