كل الترانيم بالنوتة الموسيقية (1055)

القرار- (يا اللي بجرحك شفيت كل النفوس..
يا اللي بصليبك اديتنا الخلاص
أنت بترعانا بحنان إيديك..
وفي السماء بتشفع في كل الناس)٢

١- (فتح عينينا عشان نشوف بالإيمان..
البركات اللي لشعبك من زمان
نفرح ونحط حياتنا بين إيديك..
ما يضيعش العمر ويبقى كله ليك)٢

٢- (نمسك في وعدك لينا في كل يوم..
ونعيش ملح الأرض ونور لكل الكون
نشهـد عن الإله اللي بدماه..
فدى نفوسنا ووهبنا الحياة)٢

١- (ياللي بديت الرحلة معايا واثق فيك إنك هاتكمِّل
انـت الفرح في وقـت بكايـا وانت القلـب اللي بيتحمِّـل)٢

القرار- (شكراً ليك يا اللي بترعاني ياللي إيديك دايمـاً رافعاني)٢

٢- (رغم إن أنا باتغيَّــر دايـمـاً انـت أميـن مابتـتـغـيَّـرشِ
وعـدك صادق لمـا بتوعِـد عن وعدك انـت ما ترجعشِ)٢
٣- (خطـة عظيمـة مدبرها لـي رحلة عمري انـت راسمها لـي
ساعدني يارب أعيش لك عالي فوق العالـم فوق أحوالـي)٢
٤- (شوقـي يا رب أحبك أكثـر ده ماحدِش بيحبني قـدك
وحِّد قلبـي وخلينـي أسهـر طول أيامي أشهد عن حـبـك)٢

ياللي بطول الرحلة معين.. ولينا راعينا وخل أمين
انت إلهنا وعزنا بيك.. نعدّي في وادي البكاء غالبين
(ياللي مليت العمر بجودك.. نعمة وتعويض بالأفراح
كفاية لينا يارب وجودك.. أيامنا وياك في نجاح)2
(انت الهنا في رحلة عنا.. وانت التسبيح والترنيم
انت الرضا بطول المدى.. بحمد بنهتف ليك يا كريم
وانت الخير غزير ووفير.. بيملاَ حياتنا بشكر عظيم
وانت سرور و ري البور.. و واحة وراحة وفيض ينبوع
وانت العَزا وانت الرجا.. أمين تعالى يا ربي يسوع
أمين تعالى يا ربي يسوع)2

1
(ياللي عرفت الرب يسوع.. و اتمتعت بنور إنجيله)2
(عالم كله أنين ودموع.. ليه حنيت لظلامه وليله)3
2
(ليه دورت على الخرنوب.. والخير كله في بيت الآب)2
(فكّر ده انت ابنه المحبوب.. و ارجع للبيت والأحباب)3
3
(حبك ضحى بنفسه عشانك.. داق الموت بصليب العار)2
(حضن الرب دا هو مكانك.. سيبك من مشي الأشرار)3
4
(وبأعمالك كنت بتحزِن.. روح الله الساكن فيك)2
(دايمًا تنسى انك مؤمن.. رغم ده كله عينه عليك)3
5
(عسل العالم عمره ما ينفع.. ايه يحصل لو دُست عليه)2
(بس كلام الرب بيشبع.. عود لإلهك و اشبع بيه)3
6
(فرح العالم مش هايدوم.. باطل كله و قبض الريح)2
(لكن بكرة هاييجي اليوم.. و هانتهنى مع المسيح)3

١- (يا اللي فديت حياتنا.. واشتريتنا بدم ثمين
كل ماضينا يشهد.. إنك لينا أمين ومعين)٢

القرار- (وانت اللي جمعتنا.. ووحدت قلبنا)٢
بنهدي لك عمــرنا.. يا ملكـــنا وربنــــا

٢- (بنسلمك حياتنا.. وبنهدي لك كل الأيام
عايزين نعيش لك عمرنا.. ونحط عندك كل الأحلام)٢

1- يا اللي مت بدالي.. وشايل كل أحمالي
في السما بتشفع فيَّ
عمري ضاع واشتريته.. قلبي تاه ولقيته
وفتحت لي عينيَّ

القرار- يا إلهي أنا قلبي يسجد ليك
يا إلهي أنا قلبي يخضع ليك
يا حمل مذبوح عني

2- ليك المجد والكرامة.. والبهاء ليك علامة
سلطانك بيحررني
ليك القوة والجلال.. من البشر أبرع جمال
نعمتك بتغيرني

1- ياما سمعت عنك من اللي حواليَّ
واديتك ضهري وكإن الكلام مش ليَّ
أو قرار يمكن بعدين أفكر فيه
وييجي بكره ويفضل قلبي معاند ليه
وكأن العيشة معاك سراب شايفه بعيد
وحاسسها قيد أنا رافضه وعايز أعيش سعيد
فاكر حياتي معاك نهاية السعادة
أنا حر ومش هاعيش مسلوب الإرادة

2- شايف عينيك من بعيد بتناديني
وفي عز قسوة قلبي إنت مش ناسيني
عطشان وعندك إنت مية الحياة
ونورك يهدي قلبي اللي عنك تاه
إيديك ممدودة بالمحبة والحنان
مستنياني أرجع لبيتي من زمان
من حبك لي سايبلي الاختيار
بابك مفتوح وأنا ليَّ القرار
مستنيني أرجع لبيتي من زمان
من النهارده اقبلني أكون ابنك حقيقي
وإنت تكون لي أبويا وصديقي

1- ياما هربت نفسي منك.. ياما راوغت في الطريق
وفي جحيم البعد عنك.. قلبي شاور كالغريق
والصراخ سبق الدموع.. انتشلني يا يســــــوع
جاي نادم لا رجوع.. للمـــزلة وللحــــــريق

القرار- هربان من نفسي ليك.. هربان من يأسي ليك
من أي موت.. ينشب مخالبه.. في كياني
هربان من نفسي ليك.. هربان من يأسي ليك
من أي صوت.. يبعدني عنك.. ثوانــــــــي

2- ابتسم للقلب تاني.. نادي روحي ليك تعود
رجع الروح للأغاني.. دنيتي لحن السجود
ابتسامتك ليَّ نور.. أعلى بيها كالنسور
والجناح رفض الكسور.. في القمم يحلى الوجود

يباركك يباركك.. يحرسك يحرسك
يضيء بوجهه عليك
ويرحمك ويرحمك.. ويرفع ويرفع
الرب وجهه عليك.. ويمنحك سلاماً
عليك ويمنحك سلاماً

1- شعب مصر جه زمان الافتقاد
والحقول خلاص ابيضت للحصاد
ادعوا باسم الرب وصلوا وتوبوا ليه
تلقوا مجد الرب في مصر تاني عاد

القرار- يتعرف إلهنا في كل أرض مصر
يشفي كل جرح ويجبر كل كسر
احنا بس نرفع تسبيحاتنا ليه
وهو ليه الحرب وهو بيه النصر

2- أرض مصر بتناديلك يا يسوع
شعبنا جايلك بتوبة و بخضوع
وحدك انت رأسنا وعزنا
اسمك يعلى وفي أراضينا يكون مرفوع