كل الترانيم بالنوتة الموسيقية (1055)

مش هنقبل بغيرك إله
مش هنقبل بغيرك يكون سيد علينا
خد القلب كله يا يسوع.. خد الفكر كله يا يسوع
( تعالى أملك علينا )٢
( كل الغالي )٢.. ينكسر عند رجليك
( ربي حرر قلبي.. خليني أحبك أكتر )٢
ربي حرر قلبي.. خليني أحبك زي ما أنت حبيتني
(من كل قلبي.. من كل فكري
من كل قدرتي.. خليني أحبك )٢
( ربي حرر قلبي.. خليني أحبك أكتر )٢
ربي حرر قلبي.. خليني أحبك زي ما أنت حبيتني

١- ( تعالَ يا رب بروحك.. المس أراضينا
مصر عطشانة لروحك.. يا إلهنا اروينا )٢

( ونشوف حقك.. وبلدنا بتباركك
وسلام بيدوم ويملا.. يملا أراضينا )٢

٢- ( املأ أراضينا بنورك.. بدد كنوز فانية
وبلدنا تكون بوعودك.. محمية متباركة )٢

( مذابحنا هاتعليك.. وبلدنا تكون نور ليك
أفراح تغمرنا وبهجة.. وقلوبنا تغني لك )٢

٣- (غير شكل أوانينا.. بحياتنا نكون إنجيل
نشهد ده الحق مالينا.. ونباركك جيل ورا جيل )٢

( ونشوف حقك.. وبلدنا بتباركك
وسلام بيدوم ويملا.. يملا أراضينا )٢

القرار- تعال يا يسوع بيتنا.. واملا حياتنا صلاة
وبــارك عيلتنـــا.. وادينا أحلى حياة

١- (بمحبتك حوالينا.. قربنا من بعضينا
وكل واحد فينا.. تملُك بالحب عليه)٢

٢- (نعبدك يا إلهنا.. في بيتنا إنت ملكنا
وكلمتك في حياتنا.. أساس بنرجع ليه)٢

٣- (حياتنا تبقى شهادة.. كل يوم زيادة
واملا قلوبنا إرادة.. نعرَّف الناس بيك)٢

(تفك الأسر .. وتشفي النفس .. تملا القلب فرحة
تشيل الهم .. تزيل الغم .. نهتف ليك بنصرة)2
دايمًا بفرح .. بيك يا إلهي .. دايمًا أرنم ليك
رحمة جديدة .. في كل أيامي .. خير يتبعني أكيد
دايمًا بفرح .. بيك يا إلهي .. دايمًا أرنم ليك
جود ومراحم .. طول أيامي .. خير يتبعني أكيد
(يسوع المسيح)3 .. يشفي كل جريح

القرار- (تقبل توبة عبدك تقبلني.. تقبل دمع التوبة ترحمني)2

1- (تُهت ومتوحش بيتك.. ما لي أمان وأنا متغرب
ده أنا من لحظة أما عصيتك.. و عايش في جحيم ومافيش مهرب)2
(لا راحة في نومة ولا في لقمة.. الكل مرار وأنا في العتمة
باشعر بالوحدة وأنا في لمة.. وفي وحدتي مزحوم بالضلمة)2
2- (ولدك متوحش قربك.. ولساني اشتاق كلمة آبا
و اشتاقت عيني تشوف ضَيَّك.. يداويني حنانك بطيابة)2
(أنا طالب تاني ترجعني.. ولو أعيش هنا على عتبة بابك
يكفيني اسمع منك إني.. مقبول من تاني في ديارك)2

تكفيك نعمتي.. لأن قوتي
في ضعفك.. في ضعفك
في ضعفك تكمل

1- (تمر السنين وتفضل أمين
يا ربي وإلهي القدير والمعين)2

القرار
(إله الأمانة عظيم الصنيع يا ملجأ يا قوة يا ستري المنيع)2
يا ملجأ يا قوة يا ستري المنيع

2- (بِنلجأ إليك على طول بنلاقيك
وظروفنا وهمومنا نرميها عليك)2
3- (في وقت الجروح والخوف والطروح
بنجيلك يا غالي ألمنا يروح)2

1- ( تملي فاكر لمسة إيديه .. وهي حاملاني
وقلبي شاكر حبه وعينيه .. اللي حارساني ) 2
( أنا قلبي فيك بيصدق .. كطفل وحداني ) 2
القرار- ( مافيش بحور تقدر كفاية .. تفصلني عن حبك
مافيش جبال عالية في سمايا .. تعلى على حبك ) 2
( مافيش تمن غالي .. يمنعني عن حبك ) 2
2- ( إزاي أنا أنسى صلبك وموتك .. اللي نجاني
إزاي جلدت وإزاي ذبحت .. وكله علشاني ) 2
( أنا قلبي ليك مديون .. فالمسني من تاني ) 2
3- ( آسرني فيك حبك لي ثابت .. وعمره ما اتغير
جاذبني ليك إنك قابلني .. مهما بأتعير ) 2
( أجري عليك واثق .. وفي حضنك أتغير ) 2

القرار- تواضعي نفسي تحت يد الله تحت يد الله تواضعي نفسي
١- (في ليلك الحالك في ذلة حالك في كل أحوالك تواضعي نفسي)٢
٢- (في يومك الباكي في وسط بلواكِ لكي يخزى أعداءكِ تواضعي نفسي)٢
٣- (الأمر للإله فارضي بما يرضاه تعينك يمناه تواضعي نفسي)٢
٤- (بحكمة يعمل وذا هو الأفضل لحكمه الأمثل تواضعي نفسي)٢
٥- (كفي عن الشكوى مهما تكن البلوى في شخصه السلوى تواضعي نفسي)٢

١- (تيجي تفكر في الإله.. خالق الكون والحياة)٢
(تلاقيه إله عظيم.. فوق الكل وحكيم
تلاقيه إله مختلف.. صالح ورحيم)٢

٢- (تيجي تفكر في الأعمال.. في كل يوم يصنع محال)٢
(يهَدّي البحر بإيده.. يخلق كل اللي يريده
يفتح عيون الأعمى.. ويحطم قيده)٢

٣- (تيجي تشوفه على الصليب.. هاتعجب بيه إعجاب رهيب)٢
(دمه غفر الذنوب.. وستر كل العيوب
كسر سلطان إبليس.. حرَّر القلوب)٢