كل الترانيم بالنوتة الموسيقية (1055)

القرار - (ثبت أنظارك فيه وحمولك سيبها عليه)2
(وفي وادي ظل الموت)2 (أرفع عينك تلاقيه)2
1- (إن كنت سمعت نداه ع المية مشيت وياه )2
(ليه تتلفت حواليك)2 (عينك خليها عليه)2
2- (إن شفت بعينك نار صدق يطفيها البار)2
(أو جواها يمشيك)2 (زي الفتيان حواليه)2
3- (إن كنت في وقت أليم حواليك الشر عظيم)2
(إيمانك ياللي فاديك )2 (غالب لو تثبت فيه)2
4- (إن كنت في شدة وضيق وإن فاتك أعز صديق)2
(فيه واحد اسمه يسوع)2 (ماسك إيدك في إيديه)2

1- ( ثقتي في شخصك حقيقة .. بتقوِّي إيماني
ياللي إنت حي بتصنع .. الخير علشاني ) 2
القرار- ( ما هو إنت اللي خالقني .. وصانعني وناشئني ) 2
ودعوتني باسمي .. ( ولا يوم بتنساني ) 2
2- ( عارف فكري وطريقي .. والأنَّه في ضلوعي
كاشف ضعفي الحقيقي .. يا ربي يا يسوعي ) 2

القرار - جانا م السما جانا
بفرحه جه ملانا .. وسلامه غطانا
وملايكة جاية تغني الأغاني
يسوع مولود عشاني .. يسوع م السما جانا


١- مجوس و رعاة وغنم كتير
عرفوا إن الموضوع خطير
جم بهدايا للملك اللي جانا
مع إنه ابن الله
مافيش في الكون حد في غناه
اختار يعيش أبسط حياة معانا

1- (قلبي بيفيض بكلام صالح لجلالك
ولساني يرنم يا ملك الملوك)2
ياللي انت أبرع من بني البشر في جمالك
ياللي انت أغلى ما في حياتي يا يسوع

القرار- (جاي باغنيلك وأتمنى تبقى سعيد
بارفع تسبيحك وفرحة قلبي تزيد)2

2- (بيك أنا متهنِّي لأني بافرح قلبك
وأنا هافضل أغني و أقدملك أناشيد)2
اقبلها ترنيمة محبة باهديهالك
هدفي مسرة قلبك انت يا مجيد

١- (جاي أشهد إنك ربي.. مخلصي فاديَّ
إنت سيد حياتي.. ليك الحق فيَّ)٢

القرار- (إنت مخلصي)٣.. وهاعيش لك طول عمري

٢- (لما يهزمني ضعفي.. آجي أتحامى في حضنك
وترفع ذنبي عني.. وأشوف صورتي في قلبك)٢

٣- (أنا ملك إيديك يا إلهي.. من فضلك قدسني
قويني على الخطية.. وبيدك احفظني)٢

٤- (لما بالمس حنانك.. العمر يطول حواليك
هافضل حياتي أنشد.. المجد كله ليك)٢

1-(جاي بذبيحة حمد باقدمها بقلبي الفرحان
جايب لحن في ايدي وكلمة باقدمها بإيمان)2
(جاي وباقدم ليك من اللي في ايدك ليك)2
(يا وطن الإنسان يا وطن الإنسان)2

القرار-(علمني أقدم ليك تسبيح يرفعني إليك)2
(وأكون كذبيحة حمد أنا بين إيديك)2

2-(ياللي اديتني حياتك حب أنا باهدي حياتي إليك
حبك ساكن جوه القلب وقلبي ساكن في ايديك)2
(قلبي يغني أكيد طول ما الحب يزيد)2
(ويزيد الإيمان يا وطن الإنسان)2
3-(اسمك أحلى أسامي الدنيا و أحلى أسامي الكون
مجداً لاسم يسوعنا الغالي وللجنب المطعون)2
(شمس الأرض تغيب والنور يبقى صليب)2
(راية الحق تبان يا وطن الإنسان)2
4-(ملك المجد واسمك عالي وفي ايديك السلطان
أمم الأرض وكل شعوبها وكل ملوكها كمان)2
(بكرة هاتسجد ليك تخضع تحت ايديك)2
(يا صاحب السلطان يا وطن الإنسان)2

١- ( جاي لك يا يسوع مشتاق أتغير
في إيدي قيود مهموم متحير )٢
شخصك وحده هو اللي يغير.. ولا يوم إبليس يأسر ويعير

القرار- ( وحدك يا يسوع.. ترفع كل الأتعاب
دمك يا يسوع.. مرشوش على الأعتاب )٢
على الماضي ندوس.. نكسر عندك أطياب

٢- ( أسجد وأركع يا يسوع قدامك
وأنا زي فطيم يجري لأحضانك )٢
طعم الحرية هادوق وسلامك.. حاسس بأمان يرويني حنانك

٣- ( أهتف لاسمه وأرفع له نشيدي
حقه في قلبي سلطانه في إيدي )٢
نلت الحرية اليوم يوم عيدي.. قلبي فرحان مسرور بيغني

القرار- (جايين لك بنصلي .. يا يسوع الغالي)٢
(علشان يبقى اسمك .. في بلادنا عالي)٢

١- (بارك كل مدينة .. وكل شارع فيها
يا يسوع قوينا .. نشهد عنك فيها)٢
(ونتكلم للنفوس .. عن صليبك يا قدوس)٢

٢- (بنقدم أشواقنا .. تبقى بيوتنا ليك
وإخواتنا واصحابنا .. عينيهم تبقى عليك)٢
(وبتسبيحنا نرفع ليك .. أحلى ذبيحة يا مليك)٢

١- (جايين يا أبانا اسمع لدعانا.. بتواضع يرجع شعبك
يطلب رحمة من عندك.. بقلوب محتاجة إليك)٢

القرار- ده رجانا فيك يا إلهنا.. وهانستنى المواعيد
نحوك نرفع أعيننا.. وإيمانا فيك بيزيد
بنصدق كل وعودك.. ده أنت في الوعد أمين
تملا حياتنا من جودك.. مجدًا ليك يا معين

٢- (أرضنا عطشانة بجروح مليانة.. من فيض حبك ترويها
لمسة إيدك تشفيها.. وتردها تاني إليك)٢
٣- (بنتوب قدامك بنعود لحنانك.. نعلن ملكك في حياتنا
في بيوتنا وفي اجتماعاتنا.. وقلوبنا بتسجد ليك)٢

القرار- (جراح حبيبي غالية عليَّ.. خليتني أكره كل خطية)2
(وأشتاق من قلبي أخدم اللي.. أحسـن إلـيَّ)2
-1(عيني إلى الحمل المذبوح.. أرفعني أرفعني بالروح)2
(لكي أقبل سر شفائي.. وهي الجروح)2
2- (طلعة حبيبي كلبنان.. لا يشبهه أي إنسان)2
(مالي عليَّ حياتي وشايفـه.. بالإيمـان)2
-3(هاتوا رباب بعشر أوتار.. وسبحوا مخلصنا البار)2
(حبيب القلب اللي بصليبه.. صرنا أحـرار)2
-4(قلبي مرفوع إلى الأبدية.. مشتاق إلى الحضرة البهية)2
(وأشوف حبيبي وصورته الحلوة.. تملا عيني)2
-5(مسيحي لي ملجأ وقوة.. عوني في الضيق وماليش غيره هو)2
(وفي ضي حبه شايف صورته.. في قلبي من جوة)2