كل الترانيم باوربوينت بالصور (1786)

1-(باصدق وعودك إلهي البار
هاتكون معايا في أتون النار)2
وفي المرض تحفظني وتنجي في الأخطار
يملا سلامك قلبي ويحفظ الأفكار

القرار – (هللويا أنا في حِماك مش خايف وأنا وياك)2
وأنا وياك

2-( باصدق وعودك انت الأمين
إنك ضماني طول السنين)2
مهما الظروف تتغير ويملاني الأنين
دايماً بتثبت إنك إله قدير ومعين
3-(باصدق وعودك ربي الحبيب
إنك هاتيجي ولابد قريب)2
ياريت أعيشلك دايماً هنا نزيل وغريب
عشان أتمم سعيي عشانك أبقى سكيب

(باصلي يارب بكل خشوع قدامك وعينيَّ فيها دموع)2
(قلبي يكون بالتمام ملكك واللي يشوفني يمجد اسمك)2
(وخلي حياتي تنور جامد في ظلام العالم وأكون صامد)2
تيجي التجارب أجري لحضنك وتدي قوة ونصرة زي وعدك
(ساعدني ألهج في كلمتك ليل ويا نهار وأسمع همستك)2
(وتكون حياتي شهادة حية من دلوقتي ولأيامي الجاية)2
(باصلي يارب بكل خشوع قدامك وعينيَّ فيها دموع)2
قلبي يكون بالتمام ملكك واللي يشوفني يمجد اسمك)2
(باصرخ لك يا أبا الآب فاستجيب
بارفع لك صلاتي في اسم الحبيب)2
(عند قدميك أجثو بالوقار وأشكر أفضالك يا إلهي البار)2
آمين آمين

( باعترف إن التهاون والكسل غالبين علي وإن أجمل ما ف حياتي ضاع من إيدي ) 2
( طهري والعين البسيطه والكلمة التقية ) 2 باعترف بالشهوة والميل للخطية
( باعترف وماعادش يمنعني كسوفي باعترف بصراعي مع ذاتي وخوفي ) 2
( كان حقي بالأفراح أهلل إنما ) 2 كسرت أنا بيدي أعوادي ودفوفي
( وأنا جاي وكلي أمل تسامحني يا سيد تخلقلي قلب نقي وبروح أمين قيد ) 2
(عشمان أعود فرحان والقلب يتوحد ) 2 توبني ليك فأتوب وبرحمتك أشهد

١- باعترف قدامك يا يسوع المسيح
إني ماستحقش دماء الذبيح
سالت علشاني والصليب فداني
أنا راجع ليك بقلبي الجريح

القرار- توبة من قلبي اللي تاه عنك بعيد
توبة من قلبي لفاديَّ الوحيد
وأنت زمان ياما خبّطت على بابي
النهارده يا ربي هافتح قلبي وأبوابي

٢- باعترف قدامك بقساوة قلبي
والخطية سادت وأنا شايف ذنبي
وبرغم الخطية باجي باللي فيَّ
اقبلني أنا راجع بتوبة قلبي

1- (ياللي حوّلت المرارة.. اللي في حياتي لترنيمات
حتى ضعفي و جهل قلبي.. مامنعش الإحسانات)2
(كل ثانية في عمري عدت.. لو هاتحكي تقول كتير
كل نبضة في قلبي غنّت.. بافتكرلك كل خير)2

القرار- (بافتكرلك بافتكرلك)2.. بافتكرلك كل خير

2- (احساناتك تاج و طوق.. على راسي وعلى قلبي
وجوهر التاج اللي فوق.. ده كله موت الصلب ربي)2
(ده اللي خلاني اجي ساجد.. و أحني رأسي وأقول صغير
بالصليب أنا صرت واجد.. في المسيح نعم المصير)2
3- (لولا مسكة إيدك إنت.. كنت أضيع ويا اللي ضاع
أنا مش أفضل من اللي.. خان وأنكر واللي باع)2
(قلبي مديون لك يا غالي.. عمري كله هاعيش أسير
نعمتك رأفت بحالي.. وراح تكمل يا قدير)2

القرار
باقدَّر يا غالي يا ربي يسوع ..
وقوفك معايا في وادي الدموع
باقدَّر وقوفك وسندة كفوفك ..
و نورك في ليلي وضيّ الشموع
باقدَّر يا غالي يا ربي يسوع

1- ده كام مرة شُفتك إله الأمانة ..
ما تقدرش تنكر في نفسك خِصال
لكن جوه قلبي معشش خيانة ..
وكان جوه فكري طموحي وآمال
فِضلت تداري وشرّي تواري ..
مع إني في جهلي رفضتك كتير
لأنك حبيبي وحبك طبيبي ..
ماقلتش لقلبي هاتِرجَع كسير
وجاني كلامك وجاب لي سلامك ..
وجيت باعترف لك وباسكُب دموع
باقدَّر يا غالي يا ربي يسوع

2- كتير كنت باعند واكسَّر كلامك ..
ما بافرقْش عن سائر المخلوقات
باحكِّم في رأيي وأضيَّع سلامك ..
و أخرة إرادتي خسارة وآهات
باحوِّش لنفسي وأكوِّم لنفسي ..
ومش عارف إني باحوِّش نفاية
ولما وصَلَت لأخري في يأسي ..
صرخت يا ربي وقُلت كفاية
ماعُدتش أسيبك هاتبّت في إيدك ..
ويبقى مكانك ده جوه الضلوع
باقدَّر يا غالي يا ربي يسوع

3- سنيني اللي فاتت مشيتها معايا ..
بتقنعني انك أماني الوحيد
و بهجة خلاصك بتملا سمايا ..
وبتقول لي إنك معايا أكيد
بترحم غبائي شرودي وفراقي ..
وترجع تفكرني انك معايا
بحبك تحاصِر وإيدك تناصِر ..
وصوتك يقول لي أنا ليك حماية
و جيت بانحِني لك وأقدَّر جميلك ..
وأقول لك حاوطني لآخر الربوع
باقدَّر يا غالي يا ربي يسوع

1-(باكتبلك أيامي رسالة.. حب أهديها يا رب إليك
وأرسملك تسبيحي حكاية.. هافضل أغنيها يا مليك)2
(وأنا مهما قدمت يا ربي.. هافضل دايمًا ليك مديون
ده انت تجسدّت علشاني.. وشلت كل الهموم)2
(ده العمر منور بيك.. والخير يملا ويفيض
وسرور في القلب أكيد.. أمطار البركة تزيد)2
2-(يا كوكب الصبح العالي.. باعبد شخصك وأسجد ليك
و باسبح اسمك يا غالي.. دي النصرة مضمونة فيك)2
(يا واهب للزهرة تيجان.. والعصفور دايماً شبعان
كل أسرار الكون في إيديك.. يهتف لك قلبي فرحان)2
(يا مهوب أنا باخضع ليك.. يا يسوع أنا حبّي إليك
يا راويني بغمر عينيك.. كل كرامة ومجد إليك)2

١- باكراً آتي إليك كاشتياقي للمياه
أرتوي مما لديك أنت ينبوع الحياة

القرار - حبك أصل الوجود قلبك دوماً يجود
صلبك فك قيودي عطفك بلا حدود

٢- شخصك بالقرب مني عبر أشواك الطريق
أرتمي حتى بضعفي ترثي لي أنت الصديق

٣- ليس لي إلا حبيبٌ أُسرِع دوماً إليه
موقنٌ أني غريبٌ طالبٌ ما في يديه

٤- حتى تأتي يا رفيقي هبني أحيا في رضاك
أنت قد صرتَ نصيبي يُشبع العين لقاك

1-(بالأحضـــان الأبــويــة.. قلبـك بينـــادي علـيَّ)2
أرجع وأتمتع برضـاك.. عني هناك في المحبـوب
وأسمـع لـنـداء الـغـفـران.. بـالإيـمـان جـاي أتــوب

القرار-(راجع للآب الحنـــان.. واثق إن أنا ليَّ مكـان)2
(بـذنوبـــي أنا راجـــــع.. بـدمـوعــــي أنـا راجـــــع)2
واثــــق إن أنـا لـــيَّ مـكـــــــان

2-(جايلك بخطايا سنيني.. عمري اللي انقضى في أنيني)2
دُقت مرار البُعــد قاســــيـت.. واتمـــنـيـت أرجــــــع لـيـك
عُدت لنفسـي بدمعـي بكيـت.. عنـد البـيـت صارخ لـيـك

القرار - (بالإيمان) 2 (بالإيمان)2

1- بعد ما كان كل أملي في صومي والصدقات
وعملي جاني صوته الحلو قالي التبرير ده بالمجان(بالإيمان)2
خلاصه ليَّ بالإيمان بنعمة جاية بالإيمان
ولادة تانية ولمسة حية بروح ومية بالإيمان
2- أقبل أمشي وياه وأعدي في أي ظلمة وهو سندي
ولا أخطّي في نور لوحدي ولا أعيش بالعيان(بالإيمان)2
أسير معاه بالإيمان فوق المياه بالإيمان
أسيب سفينتي أنسى عشيرتي وأعيش مسيرتي بالإيمان
3- أقدر أترك أي غالي أقبل أخسر كل مالي
هي غربة في قصر عالي أو في خيمة ده سيان (بالإيمان)2
مدينتي فوق بالإيمان وكنزي فوق بالإيمان
أنال رضاه وأعيش معاه ليوم لقاه بالإيمان
4- أغلب العالم في أرضه ما الصليب بيّن لي قيمته
والإله الحق رايته في التحديات تبان (بالإيمان)2
إله خلاصي بالإيمان رافعلي راسي بالإيمان
بدمه ليَّ غلبة قوية بشهادة حية بالإيمان