إيهاب فايز (22 ترنيمة )

القرار- (جمع صلواتك يا مروح في غُنى وتسبيح
ما هي غربة ولازم هاتعدي في اسم المسيح)2

1- (وجبال الشر المليانة هم وأتعاب
تندك بهتافات النصرة لرب الأرباب)2
والحلم معاه يبقى حقيقي ونعبر ونشوف
بعيون تتفتح على مجده في مشهد مكشوف

2- (نلبس أجساد تانية جديدة بنسيج من نور
نتحرر من نسج ترابي بيتعب ويخور)2
وترتاح النفس الشقيانة في رحلة حياة
بدأت في الأرض العطشانة لحضن الإله

3- (ندخل لديارنا الأبدية بأجمل ألحان
ودي رحلة عظيمة يثبتنا فيها الإيمان)2
وكتير العدو فيها بيحاول يزرع في شكوك
والمؤمن غالب وغيره عبد ومملوك

1- (واثق إني هاعدّي البحر مهما كانت أمواجه شديدة
لو قاموا عليَّ جنود الشر محمي وروحي مش وحيدة)2
وأن لقيت طمر في الأرض أنت واعدني بأرض جديدة

القرار- واثق فيك مش واثق فيَّ اأنت إله صاحب السلطان
وإن تقل الحمل عليَّ انت اللي شايله يا حنّان
(واثق فيك أنا واثق فيك واثق فيك مش واثق فيَّ)2

2- (واثق أنا هادي ومرتاح مفدي وابن ملك الملوك
دافع فيَّ ألم وجراح ودم على الصليب مسفوك)2
ده أبويا وفي حضنه أرتاح بعد ما كنت عبد ومملوك

3- (واثق إني أنا محبوب ليَّ إله حبه عجيب
بيحبني وأنا كلي عيوب خاطي بيقولي يا حبيب)2
بيمحي ويغفر كل الذنوب بس أنا أطلب وهو يُجيب

القرار- متقيد بقيود من نار متسلسل محاوطني العار
حياتي أكاذيب وخداع والقلب مليان مرار
1- (بضحك والحزن مليني ميت ومين يحيني
بصرخ يارب تنجيني من مولى عزيز جبار)2
بحبك أكيد بحبك حاسس حقيقي إني ابنك
نفسي أترمى في حضنك وتديني روح الانتصار
-2 (ضعفي هو اللي قاتلني محتاج يايسوع تلمسني
خاطي ودمك يغسلني وليل يطلعله نهار)2
(خاطي أنا خاطي وأثم وهأخد قرار حاسم
لازم أتوب أنا لازم كفاية ذل وانكسار)2

1. يا مركب الإيمان اتحضّري بنورك
دم الشهيد بيعلّي الميَّه في بحورك
قومي نزلي المجداف وعلميني ما أخاف
دمي يعديكي وتكملي دورك

2- يا مركب الإيمان دم الولاد كتير
وهاتوصَلي في ميعادك و تعوضي التأخير
(هانقدم الفلسين أو حتى دم ثمين
والبحر يفضل يعلى والمركبة هاتسير)2
يا مركب الإيمان
3- يا مركبة سيري في طريقي ولقدام
محفور وبكفوفي وبدمي مش بكلام
(هافتحلك السكة تثبت نفوس شاكّة
في قدرة الفادي يمنحها هو سلام)2
يا مركب الإيمان
4- وهاتوصلي يا مركب للشط والميناء
ده إلهك الطيب هو يعدينا
(يسند ضعيف مش قادر ويرد ظلم الغادر
بعد الألم والضيقة ترسى مراسينا)2
ترسى مراسينا

(يا أبو جناح مكسور ودموع على خدك
ليه تنطوي للريح و تهون عليك نفسك)2
(لو تفضل راسك تفضل في التراب تندفن
ولو شبيت هاتقدر تعبر تعبر جسور ضعفك)2

القرار
(غنوا ورتلوا هللويا
سبحوا الحمل المذبوح
حيوا إلهنا وفادينا
وأسجدوا له برعدة وخوف)2

1-يدعو غير الموجود موجود
نعمته غنية ومالها حدود
يشق البحر عشان ولاده
مافيش طريق قدامة مسدود
يحميني من الدجى في الليل
من سهم يطير في النهار
ينجيني من طوفان أو سيل
ويمشي معايا في أتون النار

2- كلمته سيف ذو حدين تنفس
في القلب وتحيي الروح
تدي الضرير نور للعين
تداوي وتشفي أي جروح
في المجاعة يحس بجوعي
ويرسلي كل احتياج
يسمع صلاه يمسح دموعي
يهدي العواصف والأمواج

3- نوره عجيب يضئ الظلام
لمسة أيديه تحيي العظام
وأنا معاه مفيش ألآم بيملى
قلبي فرح وسلام
مين أعظم من إلهي مين مين
زيه حلو وحنان
ده مراعيني من وانا جنين ووهبني الخلاص الأمان

(يارب يا أبو الغلابة أدي الغلابة كتير
والدنيا صبحت غابة والفقراء بالقناطير)2
والظلم شد في عوده والمظلومين أنواع
فيهم مكسور الجناح واللي نفسه يطير

(يا مقدسة قومي ما تكدريش بالك
حط الإيدين ع الخد ما ينصلح حالك)2
(لو جت قلوب الناس اتحولت لحجارة
الرب عنده العون وتملي على بابك)2

1- (ما يهمّناش ولا بنخاف مادام الرب يسوع ويانا
جيوش إبليس لو علينا رب المجد معانا)2
(عن يميننا وعن يسارنا يهوه واقف ورانا وفي الأمام)2

القرار- (إبليس فاشل فاشل مش عايزه كلام
مهما يخطط ويحاول دايماً تحت الأقدام)2

2- (إبليس ها يقف له زي الصخر صخر يسوع اللي ما يتفتت
ولو قدامنا وقف البحر بكلمة يبقى طريق متمدد)2
(لا يهزنا أتون ولا سحر الرب مالي قلوبنا سلام)2

3- (بنعلن احنا أولاد الملك ملك الملوك يسوع
هايعوَّضنا كل اللي هلك صوتنا هايفضَل مسموع)2
(هانسبِّح لإلهنا اللي مَلَك على قلوبنا وبيوتنا بالتمام)2

(مش حبة صور ولا كلمتين مكتوبين على جدار الزمن
ولا ضي مسروق من نهار ولا نجم خارج عن مدار
ولا عاصي جاي يدفع تمن)2
(انت الحياة)3 قبل ما تكون الحياة
(وانت السؤال والجواب واللي حاضر يوم الغياب)2
(انت حاضن روحي بحُبك
وأنا اللي موصوف لي أبقى منك)2
(انت الحياة)2 ولو حقيقي إني أكون أنا بيك باكون
(ولو باعافر وسط الظلام ولو سجني كل الكلام)2
(انت السطور)2 مش حبة ثواني