بيتر جمال (13 ترنيمة )

القرار- (مابتتنسيش ده انت إلهي وأبويا غيرك ماليش
مابتتنسيش ده اسمي منسوب على اسمك ومعاك باعيش)2

1- ساند لي عمري وحياتي داري بكل احتياجاتي
فاكر صلاتي وطلباتي مابتنسانيش
وطول ما أنا ماشي في ضلك وشكر قلبي بيوصل لك
تملي فاكرك وباقول لك مابتتنسيش
2- ولو عليَّ حروب قامت وأنا لعجزي بقيت صامت
لو أمي نسيتني ونامت مابتنسانيش
يارب لما تضيق بيَّ ألقى لفوق رايحة عينيَّ
لأنك انت يا راعيَّ مابتتنسيش
3- صلبك علشاني بيأسرني انت بجلالك تختارني
تبقى انت ربي اللي فاكرني مابتنسانيش
معقول ياربي أنسى فداك أنا أنسى نفسي ولا أنساك
دي كل نقطة من دماك مابتتنسيش

1-(لما ظروفي بتقوى عليَّ لما دموعي بتملى عينيَّ
ألقى إيديك ممدودة ليَّ وحضنك مليان حنية)2
(أه يا أب غالي أه عالم بحالي)2 وبتحملني على كتفك
2- (لما سنيني بتبقى مريرة والحياة تنتهي بالحيرة
ألقى كلامك ليَّ مسيرة وإيديك ليَّ مشيرة)2
(أه يا رب عالي أه معي في رحالي)2 وناقشني على كفك
3- (لما ذنوبي تنسيني حبيبي وفي همومي باحزن يا نصيبي
ألقاك انت ليَّ طبيبي تنزع مني كل أنيني)2
(أه يا أغلى فادي أه نسيت بعادي)2 وبقى عمري كله ليك

1-(اوعى مرة فيها تبعد خلّي بالك ده فيه وعود
اوعى مرة تنسى حضني خليك فاكر لازم تعود)2

القرار- (انت ابني وحبيبي انت صُنعي باهتم بيك
انت ابن وانت غالي ليك مكان اعددته ليك)2

2- (اوعى تنسى إني اشتريتك بدم غالي دفعته فيك
اوعى تنسى إن انت غالي وفيه في كفي نقش ليك)2

3- (اوعى تنسى وانت تايه وليل الغربة هايقسّيك
ده انت لو رجعت مرة قرعت بابي مستنيك)2

1-(اللي انت ماسك بإيديه ده ما يتخافش عليه
واللي انت مسيِّج حواليه ده ما يتخافش عليه)2

القرار- [(انت معاه ولو مين عليه ويحاربه ولا يقوى عليه)2
وتجازي الأشرار تخجلهم ويشوف المجازاة بعينيه]2

2- (اللي بقلبه مايمِلش عنك راح تحسن إليه
ويستنى حُكمك وعدلك وبتشرق عليه)2
3- (شعبك راجع ليك من تاني وبيقول لك ربي
أنا باكسر قيدي وأوثاني بافتح لك قلبي)2

1- (مشوار عمري اللي فات واللي قضيته في آهات
نسيته كله لما قابلت اللي عني مات)2
(سمعته لما نداني بصرخة من ع الصليب
وشُفته وهو مكاني بيتألم في اللهيب)2

2- (مشوار عمري اللي كان مليان بالدموع
نسيته كله لما قابلت ربي يسوع)2
(سمعته لما نداني شعرت بصوت عجيب
وعرفت إنه اشتراني بدمه أعظم حبيب)2

3- (مشوار عمري تركته ودّعته بكل ما فيه
نسيته كله لما سلمت عمري في إيديه)2
(سمعته لما نداني بنفسه رب الحياة
بالروح هو ملاني وهداني طوق النجاة)2

1-[(لو نسيت حبي ليك)2 افتكر أعمالي بيك]2
(افتكر كل اختبار جُزت فيه ليل أو نهار)2
افتكر رمز العار افتكر إني فاديك
2-[(لو نسيت حضني ليك)2 افتكر رعايتي ليك]2
(لما تهت في الطريق صرت ليك نعم الرفيق)2
افتكر أي صديق كان بجنبك بيراعيك
3-[(لو نسيت صوتي ليك)2 افتكر حمايتي ليك]2
(لما خُضت في التجارب لما جه إبليس يحارب)2
يوم ما قُلت وانت غالب يا إلهي سلطاني فيك

1-في البدء خلقتني من الأرض جبلتني
أعطيت ليَّ السلطان على كل شيء حولي
تراب وأخذتني أحسنت صنعك لي
عيشت معاك في أمان وانت بتتلذذ بي

القرار- (ضمنت عمري فيك نفخت فيَّ بروحك
صرت عزيز في عينيك وشفيتني بجروحك)2

2- وسقطت أنا الإنسان بطبيعة النسيان
وكسرت عندك ليَّ بحيل الشيطان
وفي ملء الزمان وفي ابن الإنسان
دبرت فداء ليَّ بيسوع الحنّان

3- هافضل مستني مجيئك وأهتف أرنم ليك
لأجل حياتك ليَّ عمري يارب أهديك
وأسجد وأرفع اسمك خليتني أنا ابنك
وأنا وارث ليك ياربي فكل ما ليَّ ليك

1- [(احنا ليك شكّل فينا جمّل بإيديك أوانينا)2
وحّد قلبنا بكلامك جسد واحد في أحضانك]2

القرار- (يا شاملنا بإحسانك ياللي سبيتنا بجمالك
بنقدم لك أرواحنا واحنا يا رب ولادك)2

2-[(ياما سنين مرت بينا وكاسرين عهدنا فينا)2
جيت بحُبك تجمعنا والحق منور لينا]2

3-[(علمتنا إزاي نغفر وانت الغافر معاصينا)2
غفرانك ده مالوش حد طوله ما بين السما والأرض]2

4-[(علمتنا إزاي نزرع وحصادنا يرجع لينا)2
نجمع بوفرة حياة أفضل طول ما انت فينا]2

1-(صوته عالي صوته جميل يملأ قلبي بكل ضمان)2
(صوته نغمة ويا نشيد)2 (يملأ الدنيا بالألحان)2

القرار- (صوت حبيبي بيهمس ليَّ وأنا ماشي في ليل الغربة
صوت يسوع ينادي عليَّ يعدي بيَّ ظروفي الصعبة)2

2-(صوت يداوي كل دائي صوت يضمد كل جروحي)2
(صوت يعزي كل أحزاني)2 (قلبي يهلل يِنشَط روحي)2
3- (صوت يرفعني في وقت ضعفي صوت يحميني من كل تجارب)2
(صوت يضمني يسيج حولي)2 (باعلن على إبليس أنا غالب)2

1-(كيف تدعونني ابنك وأنا خاطي وبعيد
ويقترن اسمي باسمك وأنا مجرم شريد)2
(انت أب حنون عليَّ وبتشملني بالإحسان
ووهبتني التبني بعد ما كنت مُهان)2

2- (كيف تدعونني ابنك وأنا ضمن العبيد
وتحررني أنا بصلبك ضامنًا ليَّ المواعيد)2
(انت أب حنون عليَّ وبتغمرني بالحنان
وجعلت ليَّ ملكًا قائمًا مدى الزمان)2

3- (كيف تدعونني ابنك ويملاني روح التجديد
وينطق لساني ببرك ويهتف حمد وتمجيد)2
(انت أب حنون عليَّ ووعدت قَريب جاي
وأنا ابنك ووراث لمجدك يا رجاي)2