رامز إسحق (7 ترنيمة )

1-( وسط ظروف البلد الدايرة .. رايحة لفين أهي ماشية وسايرة

كل الناس قلقانة وحايرة .. وأنا متصان فيها ومتطمن ) 2 

القرار- ( أنا متصان فيها ومتطمن .. أصل إلهي عليها مهيمن 

يحصل مهما هايحصل فيها .. أنا متشال في عينيه ومتأمن ) 2 

2- ( أخبار قتل وموت وجريمة .. والأمان بقى موضة قديمة

والإنسان أصبح بلا قيمة .. وأنا بدم يسوع متمن ) 2

3- ( ضربة من ضرباته زمان .. صارت الضلمة في مكان

وبيوت شعبه في نور وأمان .. قلبه على شعبه بيتحنن ) 2

4- ( مين يمسكها ومين يرأسها .. لو حتى هايعيد تأسيسها

مش هاشغل بالي ولا أدرسها .. ولا هافضل أفكر وأخمن ) 2

5- ( هو بإيده ماسك الدفة .. وماعندوش أحداث بالصدفة

مهما عدو الخير يتخفى .. الترتيب من فوق متزمن ) 2

6- ( هو نوري وخلاصي ليَّ .. هو حصني في طول ليالي

مين يؤذيني ويقوي عليَّ .. لو حتى في هلاكي يفنن ) 2

7- ( يعزل ملوك وينصب غيرها .. والأزمنة هو يغيرها

لو قال كلمة مين يكسرها .. واللي يفكر يبقى إتجنن ) 2

8- ( بلدي مباركة ده صوته ووعده .. وقت الضيق هايعدي وبعده

جاي المجد بفرحة وسعده .. اللي مصدق وعده يأمن ) 2

القرار- (مابتتنسيش ده انت إلهي وأبويا غيرك ماليش
مابتتنسيش ده اسمي منسوب على اسمك ومعاك باعيش)2

1- ساند لي عمري وحياتي داري بكل احتياجاتي
فاكر صلاتي وطلباتي مابتنسانيش
وطول ما أنا ماشي في ضلك وشكر قلبي بيوصل لك
تملي فاكرك وباقول لك مابتتنسيش
2- ولو عليَّ حروب قامت وأنا لعجزي بقيت صامت
لو أمي نسيتني ونامت مابتنسانيش
يارب لما تضيق بيَّ ألقى لفوق رايحة عينيَّ
لأنك انت يا راعيَّ مابتتنسيش
3- صلبك علشاني بيأسرني انت بجلالك تختارني
تبقى انت ربي اللي فاكرني مابتنسانيش
معقول ياربي أنسى فداك أنا أنسى نفسي ولا أنساك
دي كل نقطة من دماك مابتتنسيش

1- (شُفت معاه أجمل أيام لما اجتزت في ضيق وآلام
ده اللي لا ينعس ولا بينام اللي حافظني أمين بيصون)2

القرار- [(هللويا)3 ده أبويا سيد الكون
(هللويا)3 ده اللي بيؤمر كن فيكون]2

2- (شُفت الخير مليان في إيديه والرحمة في قلبه وعينيه
وإن ضعفي غلبني ألاقيه يحملني ويكون لي العون)2
3- (شُفت إزاي وقت ما باحتاج وظروفي تهيج كالأمواج
ألقى إيديه حواليَّ سياج بتسدِّد أعواز وديون)2
4- (شُفت كمال قلبه وأمانته ومهارة إيده في رعايته
من أول عمري لنهايته شاكر أفضاله وممنون)2

1- ( شفت معاه أجمل أيام لما اجتزت في ضيق وآلام
ده اللي لا ينعس ولا بينام اللي حافظني أمين بيصون )2
القرار- (هللويا ) 3 ده أبويا سيد الكون
(هللويا ) 3 ده اللي بيأمر كن فيكون
2- ( شفت الخير مالي إيديه والرحمة في قلبه وعينين
وإن ضعفي غلبني ألاقيه يحملني ويكون لي العون )2
3- شفت إزاي وقت ما باحتاج وظروفي تهيج كالأمواج
ألقى إيديه حوالي سياج بتسد أعواز وديون )
4- ( شفت كمال قلبه وأمانته ومهارة إيده في رعايته
من أول عمري لنهايته شاكر أفضاله وممنون )2

1- التسبيح بيليقْ بجلالك والأشواق كلها رايحة لك
والأذهان ولا يوم تنسى لك عظمة إيدك في الأعمال
كل الكون ويا المسكونة والأرض لحبك مديونة
دي محبة قلبك مضمونة لا بتتغيَّر ولا تتشال

القرار- (كل الفرح إن احنا خليقتك سر وجودنا نذيع تسبيحك
وإرادتك لينا ومشيئتك نِملى الكون أنغام تسابيحك)2

2- لما نفكر إيه ها نقُول نلقى لساننا فاض على طول
شكر وحمد وسبح يطول وف سيرتك تحلى هتافاتنا
ولساننا يكتب بمهارة ويترجم أشواق محتارة
ويقدم لك أحلى عبارة ويفضل وصفك فوق عباراتنا
3- وبتَسبيحنا نشبِع قلبك وقلوبنا تشبع من حُبك
ميِّزتنا وبقينا من شعبك وجهك بيسِير ويريحنا
ف نهارنا تيجي بسحابة وف ليلنا نارك متسابة
في الحيرة تبقى لنا إجابة وبتهدٍينا وبتفرَّحنا
4- اسمك فوق كل الأسماء تخضع لك كل الأشياء
قادر تصنع أحلى إناء من أعظم خاطي وشرير
مابيصعَبش عليك صُعوبات ومخارجَك حتى في ممات
وتغيَّر لينا الأوقات ما القدرة في إيدك يا قدير

القرار –(بأتكلم أنا من إنشائي ولساني بيكتب لك أناشيد
وبيعلن ليك عن أشواقي اللي في حبك دايماً بتزيد)2
1-(لو أوصف حبك وحنانك ما تكفنيش كل الكلمات
أنا دايماً ربي في أحضانك بأقضي معاك أجمل أوقات)2
2-(مكتوب عن اسمك إنه عجيب وده برج حصين أنا بلجأ ليه
مش ممكن أبداً يوم هاتسيب ابن بدمك انت فاديه)2
3-(بتعلي مقامي وترفعني وبحُبك غامر أيامي
وإن ضاقت بيَّ تشجعني ما انت اللي بتضمن لي سلامي)2

1- لما المحبة تبقى طالعة من القلوب
تقدر تكسر في الإساءة والقساوة
والعين ما بتشوفش الغلط أو العيوب
(ده الحب أقوى علاج يموت العداوة)2
القرار- يارب أدي قلوبنا تفهم الحقيقة
أنك إلهة الحب وإحنا من طبيعتك
لما نحب هنبقى دايماً في المشيئة
(ده الحب أعظم الوصايا في شريعتك)2
2- وليه نعيش مع بعضنا وإحنا في خصام
ونسيب قلوبنا فريسة للشعور لمرارة
خلونا ننسى اللي جرحنا بالكلام
(يمكن ساعتها اللفظ خانه في العبارة)2
3- إزاي نقدم في الصلاة لله عبادة
وناس زعلانه منا ومنهم زعلانين
لو قولنا حُبنا لله زيادة
(و ما حبناش الناس هنبقى كدابين)2