سيد الكون (7 ترنيمة )

1- (شُفت معاه أجمل أيام لما اجتزت في ضيق وآلام
ده اللي لا ينعس ولا بينام اللي حافظني أمين بيصون)2

القرار- [(هللويا)3 ده أبويا سيد الكون
(هللويا)3 ده اللي بيؤمر كن فيكون]2

2- (شُفت الخير مليان في إيديه والرحمة في قلبه وعينيه
وإن ضعفي غلبني ألاقيه يحملني ويكون لي العون)2
3- (شُفت إزاي وقت ما باحتاج وظروفي تهيج كالأمواج
ألقى إيديه حواليَّ سياج بتسدِّد أعواز وديون)2
4- (شُفت كمال قلبه وأمانته ومهارة إيده في رعايته
من أول عمري لنهايته شاكر أفضاله وممنون)2

1- (مش باقوِّي إيماني بشوية كلمات
لكن ده إيماني باللي عشاني مات)2

القرار- (واثق فيه مستنيه عايش ليه طول العمر
أصل ده قلبي اتعلق راضي معاه بحلو ومر)2

2- (الإيمان علمني ارمي الشيلة عليه
و اضمن بكره وحلمي واحتياجاتي فيه)2
3- (نفسي يزيد إيماني إيمان الأبطال
وسط السجن يغنوا واجتازوا الأهوال)2
4- (أنا مستني حلولك و إيديك تتدخل
أصل الثابت قولك في الآخر والأول)2

القرار- (مابتتنسيش ده انت إلهي وأبويا غيرك ماليش
مابتتنسيش ده اسمي منسوب على اسمك ومعاك باعيش)2

1- ساند لي عمري وحياتي داري بكل احتياجاتي
فاكر صلاتي وطلباتي مابتنسانيش
وطول ما أنا ماشي في ضلك وشكر قلبي بيوصل لك
تملي فاكرك وباقول لك مابتتنسيش
2- ولو عليَّ حروب قامت وأنا لعجزي بقيت صامت
لو أمي نسيتني ونامت مابتنسانيش
يارب لما تضيق بيَّ ألقى لفوق رايحة عينيَّ
لأنك انت يا راعيَّ مابتتنسيش
3- صلبك علشاني بيأسرني انت بجلالك تختارني
تبقى انت ربي اللي فاكرني مابتنسانيش
معقول ياربي أنسى فداك أنا أنسى نفسي ولا أنساك
دي كل نقطة من دماك مابتتنسيش

1-(اللي انت ماسك بإيديه ده ما يتخافش عليه
واللي انت مسيِّج حواليه ده ما يتخافش عليه)2

القرار- [(انت معاه ولو مين عليه ويحاربه ولا يقوى عليه)2
وتجازي الأشرار تخجلهم ويشوف المجازاة بعينيه]2

2- (اللي بقلبه مايمِلش عنك راح تحسن إليه
ويستنى حُكمك وعدلك وبتشرق عليه)2
3- (شعبك راجع ليك من تاني وبيقول لك ربي
أنا باكسر قيدي وأوثاني بافتح لك قلبي)2

1- (طمني جه وقال لي ما تخافش ثق فيَّ
خلي عينيك دايماً لفوق هامشيك ع المَيَّه)2

القرار- (مطمن فيه متعلق بيه طول الطريق ما بخاف
من نفسي ولا من الناس ولا من كسرة المجداف)2

2- (علمني في وجوده ماكُنش يوم قلقان
أصله الكبير عالي وقدير بيغيَّر الأزمان)2

1-دايمًا واخد بالك منا ... وبتحرسنا وتأمنا
انت وجودك بيطمنا ... وياك لا نخاف ولا نتهدد
وعينيك طول العمر علينا ... وحامينا وبتعتني بينا
وعشان انت موجود فينا ... الأحزان بتسيبنا وتبعد

القرار- (عايز أقولك ... كتر خيرك
ده مافيش زيك ... ومافيش غيرك)2
(دايمًا بمحبة تعاملنا ... مهما عملنا بتستحملنا)2
ياما كتير اوي عنك مِلنا ... (وبننساك واحنا في تفكيرك)2

2- بتحبني أكتر ما باحبك ... وأبعد بس مكاني في قلبك
وأما أرجع لك تفتح حضنك ... أعند وأبعد وأرجع تغفر
شِلت صليبي كأنه صليبك ... وأنا لسة بابعد وباسيبك
عايز أقدّر إني حبيبك... خليني أبطل أخون وأغدر

1- إن ضليت عن الطريق .. (قول يسوع)2
(يســـــوع)3 .. (فيسوع هو الطريق)2
2- ياللي عايز تعرف الحق .. (قول يسوع)2
(يســـــوع)3 .. (فيسوع هو وحده الحق)2
3- وياللي محتار فين الحياة .. (قول يسوع)2
(يســـــوع)3 .. (فيسوع هو الحياة)2
4- والضعيف وعديم القوة .. (يقول يسوع)2
(يســـــوع)3 .. (فيسوع قوتنا)2
5- والمريض وصاحب الداء .. (يقول يسوع)2
(يســـــوع)3 .. (فيسوع هو الشفاء)2
6- والمحتاج راحة وأفراح .. (يقول يسوع)2
(يســـــوع)3 .. (فيسوع التعزيات)2
7- وإن حبيت تشهد لله .. (قول يسوع)2
(يســـــوع)3 .. (فيسوع هو الإنجيل)2
8- وياللي عايش للسما .. (قول يسوع)2
(يســـــوع)3 .. (فيسوع نور السما)2