منال سمير (147 ترنيمة )

١- ديماً باسأل نفسي ليه يسوع جه علشاني
وساب الملايكة وعاش ع الأرض فقير
اتعاقب بدالي وشال عني أحمالي
وبدالها إداني حب وقلب كبير

القرار - ليه؟ (لأن الله محبة)٣ الله محبة

٢- ليه يسوع بيسامح لما باغلط في حقه
لما باجي له بتوبة وأنا قلبي ندمان
بينسى الخطية ويمسح دمع عيني
ويمسك إيدي ويخليني فرحان

١- (ياللي بتقبل توبة الناس لما يجولك بالإخلاص
وأنا جاي وقلبي صارخ ارحمني واديني خلاص)٢
(مش هاهرب منك تاني صوتك بالحب ناداني
اداني أمل ورجاء أرجع أحيا من تاني)٢


٢- (ياما برفضي أنا جرحتك أنكرت بقسوة اسمك
لكن حضنك المفتوح خلاني أجري لقلبك)٢
(تايب من شري احميني عمر جديد هاتديني
اللي يؤمن بيك مقبول ده وعدك وده يقيني)٢

١- (بتفهمني وتحس بيَّ تسمع كلامي اللي مابقولهوش
وتحبني تشفق عليَّ وأصغر نور فيَّ مابتطفيهوش)٢

القرار- (أنا ليَّ مين يا يسوع غير قلبك اللي حبني
بتضمني وبيهمك أصغر حاجة بتهمني)٢

٢- (أصحابي ناموا بالليل وعينيك عليَّ سهرانة
وحتى لو كان ليلي طويل تبعت أغاني فرحانة)٢

الضعيف إنت سانده شعر راسي إنت عاده
والطريق اللي أنا مش قده إنت تمسك إيدي فيه
لو ما فيش حاجة في إيديَّ إنت ربي وفاديَّ
وفي ضعفي تشفق عليَّ واحتياجي إنت ماليه

١- حياتنا عايشينها للي فدانا
نستنى يجي بنوره يملانا
والأيام كلها هو معانا
والمسيح يجي لبيتنا يودينا

القرار- يا كنيسة افرحي جاي المسيح
واسهري نوّري بالمصابيح
والبسي بالفرح توب التسبيح
والمسيح ع السحاب جاي لينا

٢- أرضنا في أواخر الايام
والعلامات بتخبّر قبل الكلام
والمكتوب نوره يكشف الظلام
والمسيح قال وما خبى علينا

٣- والدموع هو بايده هايمسحها
والأجساد نورانية هانلبسها
والأكاليل قدام عرشه نطرحها
والمسيح مجده هايملا عينينا

٤- بنعيش له وقلوبنا في السما
كل يوم لمجيئه يقرّبنا
والغربة للسما بتشوقنا
والمسيح هو كل ما لينا

١- أبانا ياللي في السما رافعين إيدينا ليك
مالناش يا رب إله إلاك وقلوبنا ترحب بيك

القرار١- (ليتقدس اسمك)٣
قدوس في وسطينا

٢- ويجي يا رب ملكوتك ونعيش ليك أيامنا
زي ما غفرت خطايانا نغفر لبعضينا

القرار٢- (ليأتِ ملكوتك)٣
يأتِ في وسطنا

٣- وتتم يا إلهنا مشيئتك زي السما على الأرض
وخبز اليوم يكفّينا ولا تكسر تجربة حد

القرار٣- (وحياتنا تكون في مشيئتك)٣
سيد في وسطينا

٤- الملك ليك مجد وقوة إلى أبد الآبدين
باسم إلهنا الحي القدوس والشعب يقول آمين

القرار٤- (الملك ليك والقوة)٢
إلى أبد الآبدين

١- أخليت نفسك من أجلي
حاملاً عاري حاملا ذلي
وجزتَ في الموت بدلي
يا مخلصي
حرثوا على ظهرك بسياطٍ
وأهانوك بلطمات
وبريئاً حمل لعناتٍ
(يا مخلصي)٢

٢- آتي وأقبّل قدميك
المثقوبة عني ويديك
وأخشع بالحب لديك
يا مخلصي
أنظر إلى تاج الأشواك
وأتوب بقلبي الباكي
وأعيش حبك أحاكي
(يا مخلصي)٢

٣- ها حبك ربي يسبيني
اسمك على قلبي وجبيني
حيٌّ فيَّ وذا يقيني
يا مخلصي
إليك سأشدو ألحاني
ما دمتُ حياً بلساني
وقلبي وكل كياني
(يا مخلصي)٢

١- كلك نور مجدك ماله حد والسجود ليك وكل المجد
ليك تسبيح يملى كل الأرض زي ما المية تغطي البحور كلك نور

٢- ليك سلطان تطلق المربوط حر وبإيديك لينا تشق البحر
والأملاك تخضع ليك بالأمر والقلوب تسجد لك والأكوان ليك سلطان

٣- كلامك سنين وأجيال مش هايزول سلطانك بيعدي حدود المعقول
ومش بتتغير وثابت على طول قلب الحزن تبدله بسرور كلك نور

القرار- يا حنّان ياللي بتشرق شمسك علينا في كل مكان
يا حنّان ياللي بأمطارك بتروي أرض العطشان
يا حنّان ياللي بترحم وبتداوي بإيد الإحسان
ياللي تبدل نوح القلب بتوب الفرحان يا حنّان

١- (إنت بتشفي المرض المزمن وتشجع إيمان المؤمن
والجاي في إيدك متأمن مالينا إيمان)٢ يا حنّان

٢- (أبواب مقفولة بتفتحها ولا حد هايقدر يقفلها
وبكلمة منك تعدلها صاحب السلطان)٢ يا حنّان

٣- (بنطلب لمسة السيد بآيات وعجايب تتأيد
ويسوع يتمجد ونعيد بنور إعلان)٢ يا حنّان

١- یاللي السما لیك الكرسي والأرض مكان رجلیك
یا یسوع جیت تدي الحریة لكل صارخ لیك
ماكانتش الأرض مكان ملكك.. ولا تاج ولا جاه كان بیھمك
لكن اللي حبھم قلبك وملكك في السماوات

القرار- (مملكتك مش من العالم علشان كده مش بنخاف
لو ابلیس حط على أراضي ورفع رایة السیاف
لكن علمك فوقنا محبة وتاجك مش من الماس)٢
مملكتك قلوب الناس.. قلوب الناس

٢- ابلیس بیخدر الضمیر ویحتل الأراضي
ابلیس بیقسّي في القلوب ویلطخ الأیادي
لكن ارضنا إنت شفاھا .. والموت بصلیبك أحیاھا
وتداوي الجرح اللي بلاھا وتعمل معجزات

رغم اني جاني حُبك نداني
بالنعمة جيت خلصتني و رحمة ملازماني
يا يسوع حياتي شاهدة يوماتي
عن حب يغلب كل موت و يحيي تاني

انت الكفاية
حبك كفاية
عمري اللي جاي هعيشه ليك مش للنفاية
اقبل صلاتي
اُملك حياتي
انت الهي معنى الحياة و انت رجايا