منال سمير (147 ترنيمة )

القرار - (ما أحلى السجود أمامك أنشد بالعود لجلالك)٢
١- ياللي دفعت فيَّ أغلـى الأثمـان ولما قبلتك ربي صار لـي السلطان
وإنت بترعى حياتـي بكل حنـان
ما يملك قلبي أمامك غير السجود
٢- وصوتي ليك هيعلى بهتاف أناشيـد ولأنك عايـش فـيَّ أيـامي عيـد
وبتغنى حياتي جنبـك بالمواعيـد
ما يملك قلبي أمامك غير السجود
٣- أنا عزي بيك وفَخري ومالي سواك وسراج لرجلي كلامك وماشي وراك
وعلى أيامي يا ربـي ما يسود إلاك
ما يملك قلبي أمامك غير السجود

يسوع يعمل منك راجل رغم سنك
ويديك محبة ويبعد إبليس عنك
يسوع يعمل منك صانع سلام
ويديك القوة عشان تنسى الخصام
يسوع يعمل منك شمعة تنور ليه
نور لكل العالم بس أوعى تطفيه
يسوع يعمل منك مسيح صغير
والناس لما تشوفك تشكر وتتغير

مع إن حياتي في الشروق مش في الغروب
وريش جناحي لسه بيكبر يا دوب
لا في جبال ولا في أحلام أوصلها
إديني حاجة أعيش لها
معنى لحياتي ويتغير طعم الأيام إديني حاجة أعيش لها
هدف أصحى له من النوم وأعيش له في كل يوم
وأكيد أنا مش رقم وسط الزحام إديني حاجة أعيش لها
أيامي تشبه بعضها وزي اللي فات بيمر وقت بالسنين أو بالساعات
نفسي أعرف إيه هدف حياتي كلها إديني حاجة أعيش لها
هدف أصحى له من النوم وأعيش له كل يوم
وأكيد أنا مش رقم وسط الزحام إديني حاجة أعيش لها
عيش ليسوع كل عمرك أكيد هاتربحه وسنينك التايهة أخيراً يفرحوا
ويضمك الفادي وحياتك يردها ودي أحلى حاجة تعيش لها

طوباكِ طوباكِ مريم العذراء ... تطوبك كل الأجيال
طوباكِ طوباكِ الفقير اختارك ... علشان بيسوع يصنع المحال

جت لي البشارة من الملاك بنور قلبي اتملا بالخضوع والسرور
الله نظر لتواضعي من وسط شعبي اختارني
كل الأجيال هاتطوبني والقدير هيكون ابني

بعظم اسمك قلبي يسجد ليك يا مخلصي روحي بتفرح بيك
ورحمتك من جيل لجيل وإنت قادر ع المستحيل
وروحك لما فاض في العظائم صنعت بيَّ

واللي يحط نفسه في إيديه واللي قلبه اتكل عليه
هايرفع شأنه ويعليه وأمجاده تشوفها عينيه

١- يا اللي مت بدالي.. وشايل كل أحمالي
في السما بتشفع فيَّ
عمري ضاع واشتريته.. قلبي تاه ولقيته
وفتحت لي عينيَّ

القرار- يا إلهي أنا قلبي يسجد ليك
يا إلهي أنا قلبي يخضع ليك
يا حمل مذبوح عني

٢- ليك المجد والكرامة.. والبهاء ليك علامة
سلطانك بيحررني
ليك القوة والجلال.. من البشر أبرع جمال
نعمتك بتغيرني

1- كلامنجي وكلامي كتير وحياتي من غير تأثير
ولساني عمال بيلخبط وأنا فاكر نفسي كده كبير

القرار- يا رب ساعدني أتكلم وكلامي يصبح له طعم
وكأنه بملح مرشوش ولا أقول كلمات مالهاش طعم

2- وساعات حاجات أكبر مني برضه بقدم فيها رأيي
أحيانًا باطلع مكسوف أو واحد يطلع يجرحني

3- وإلهي خلق لي ودنين وخلق لي بس لسان واحد
وبكده أنا هاسمع ضعفين وأتكلم بلساني الواحد

حر في المسيح أنا باهتف لاسمه
حر في المسيح أنا باشهد عنه
حر في المسيح ومفيش عليَّ أي لوم
ده أنا بالدم مختوم
حر في المسيح
لما تكون حياتي ملخبطة
لما تكون نفسي محبطة
بفتكر مكاني فيك
وبإيمان باجري عليك
(ويكون وعده لي خير وسلام
من إيده رحمة كل الأيام)٢
حر في المسيح

1- ( بتفهمني وتحس بيَّ تسمع كلامي اللي مابقولهوش
وتحبني تشفق عليَّ وأصغر نور في مابتطفيهوش)2

القرار- (أنا ليَّ مين يا يسوع غير قلبك اللي حبني
بتضمني وبيهمك أصغر حاجة بتهمني)2

2- ( أصحابي ناموا بالليل وعينيك عليَّ سهرانة
وحتى لو كان ليلي طويل تبعت أغاني فرحانة)2
الضعيف إنت سانده شعر راسي إنت عاده
والطريق اللي أنا مش قده إنت تمسك إيديَّ فيه
لو ما فيش حاجة في إيدي إنت ربي وفاديَّ
وفي ضعفي تشفق عليَّ واحتياجي إنت ماليه

نيجي نسجد نيجي نعبد
وبنهتف ونرنم وبنرفع اسمك ونعليك
يا إلهنا يا حبيبنا يا فادينا يا مسيحنا
بنفرح قلبك ونرحب بيك
مجداً ليك ياللي حبيتنا
مجداً ليك ياللي اشتريتنا
كل المجد ليك والسلطان
كل الحب ليك والألحان
مجداً ليك إحنا ليك

القرار- (إلهي يسوع إلهي يسوع
إلهي إلهي إلهي يسوع)3
1- (بالسياط ضربوه وبالحربة طعنوه
بالأشواك توجوه على خشب العار علقوه
على الصليب سالت دماه علشان كل اللي فداه
ولما جيت بالقلب اللي تاه عند الصليب أسجد للإله)2
2- (مش عايز أنسى التمن المدفوع عشاني
وأنت البار وأنا الجاني
ثبت عينيك على أورشليم شايل أحزاني
وعيني مش هاتبص للورا تاني)