خليتني أعيش معنى الأمومة بشكرك يا ابني وإلهي
قبلك عشت سنين محرومة بس معاك شبع متناهي
من حنانك خلتني أضمك يا ضنايا في حضن قلبي
سمحت ليَّ أبقى أمك .. وتبقى إبني وانت ربي
تبقى إيه بالنسبة ليَّ تبقى شمسي ونور عينيَّ
تبقى عمري ونبض قلبي .. وفرحتي في الدنيا ديَّ
بفتكر وانت طفل .. لما تبكي بجري وأجيلك
وأخدك في حضني .. بلهفة الأم وأشيلك
يا إله الكون دا كله خلتني شلتك بين دراعي
نعمة كبيرة كتيرة عليَّ أرعاك وانت هو الراعي
