مرنم نوا بولس (38 ترنيمة )

1- لو مشكلتك جمرة نار شايل الهم ليل ونهار
بتفكر والفكر احتار ماتخافشي.. الله موجود
ييجي ويطيب خاطرك يديك الاحتمال والصبر
خليك واثق وافتح قلبك الله وحده في إيده الأمر
واتمسك بالوعود ماتخافشي.. الله موجود
2- لو فقرك تاعبك في حياتك وإيديك مش سادة احتياجاتك
والجوع بيزود آلاماتك ماتخافشي.. الله موجود
بسمكتين وبخبزات خمسة أشبع كل الجمع يسوع
حد يكون ليه زي إلهي ويخاف من فقر وجوع
ده إلهك بالخير هايجود ماتخافشي.. الله موجود
3- لو مرضك قاسي ومخيف وشفائك ده أمله ضعيف
شجرة وبتموت وقت خريف ماتخافشي.. الله موجود
عينيه عليك شايف أوجاعك وأكيد بالإيمان يختبرك
اتكلم وياه في صلاتك الله وحده يطيب ألمك
وآلامك مش هاتعود ماتخافشي.. الله موجود
4- لو ناسك بتزيد أوجاعك وتحارب وتزيد في صراعك
وأقرب واحد فيهم باعك ماتخافشي.. الله موجود
هايكون لك كل الأحباب ويعوض زمن الحرمان
ويخفف كل الأتعاب عمرك ما هاتحتاج إنسان
والأمان هايعود ماتخافشي.. الله موجود

1- إنت اللي رسمت لي خطواتي مشيتني في سكة ترتيبك واديتني نعمة مليت لي حياتي خليتني أمسك فيك ولا أسيبك يمكن أكون في ساعات باستغرب مين ضيقتي لكن كنت باقرب وكلامي ده من قلب مجرب وماعندوش شك إني حبيبك
2- من بدايات العمر يا ربي وإنت بتصنع أمر عجيب بالحب بتستر على ذنبي وكأب ساعات بالتأديب مش بتسيبني لجهل قراري رأيك يهديني في مشواري ولو إنت سمحت أبقى في ناري تنزل فيها ومش بتغيب
3- حبك خدني يا رب وجابني قدامك وملاني صلاة حضنك ياما ضمني ولا سابني حسيت طعم الراحة معاه وإيديك قبلت تمسك فيَّ وبتملا إيدي بحنية يكفيني إن إنت تكون ليَّ وإن أبويا يكون الله

القرار- من العين دي قبل العين دي يا رب هادخل عشانك مليون جب بس الأكيد هاتنجيني لأنك إنت إله الصعب

1- بولس يرنم في الأزمات ويقوم لعازر من الأموات وبيك داود يغلب جليات لأن حبك أعظم حب داود باسمك جبار بأس يشوع يوقف بيك الشمس سماك تمطّر علشان بس إيليا صلى لك من القلب
2- يعقوب تباركه بوعد أمين وسارة تولد بعد سنين مين كان يصدق يا يسوع مين إنك تشق البحر لشعب بالفلك نوح من الضيقة عديته ولوط في وسط سدوم نجيته بطرس بوعظه زمان خليته يربح ألوف الناس للدرب

1- آه يا ربي لما شفنا الرياح هبت وخفنا إنه هايؤون الأوان
قمت أنقذت السفينة واللي نايم صحّى فينا كل إحساس بالأمان
قلت أوعوا الخوف يصيبكم فين إيمانكم ليه يسيبكم
ده إنتوا منقوشين في كفي دمي عنكم راح يوفّي والسما ليكم مكان

القرار - قد ما ليك كل مجد في كل وقت وكل آن
قد ما فيك يا إلهنا من محبة ومن حنان
قد ما فينا خطايا قد ما لينا إيمان
إننا بدمك وعندك في السما لينا مكان

2- تهنا في أرض الخطية عشنا نكسر في الوصية بس في ملء الزمان
جيت على أرض البرية رحت زرت السامرية قلت عن كل اللي كان
قلت مهما شربتوا مية تعطشوا لكن شوية
من مياه جرحي في جنبي تعلى بيكم تبقوا جنبي في السما وتلقوا مكان

1- نأتي لك يا سيد الكون يا من أحببتنا
نشكرك نجثو لك نهدي لك إكرامنا
نشدو لك فأنت من تحيي لنا أرواحنا
وأنت من ترعانا بل تحيي الرجا في قلبنا

القرار - نحبك زد حبنا .. نطيعك يا ربنا
يا سيد الكون لك سجودنا

2- نأتي لك يا أيها القدوس فاقبل حبنا
أشعل بروح قدسك يا ربنا حياتنا
اشفِ نفوس كلها ادخل إلى أعماقنا
أعطي لنا أن نبصر أمجادك في وسطنا

القرار - (نور العالم انت يا ربي خلينا ننور زيِّك
املا العالم من فيض حبك نهتف دايماً مجداً ليك)2

1- (عمرنا كله نقدمه ليك حياتنا يا ربي دي ملك إيديك)2
املانا بروحك يا مليك ارشدنا وقوينا بيك
2- (حبك لينا ده حب عجيب شخصك دايماً منا قريب)2
ماشي معانا في كل طريق إيدك تسند وقت الضيق

1- مين غيرك انت بكلمته قال كن فكان النور؟
مين غيرك انت بمحبته لشعبه شق بحور!
(مين بيدي التعزيات؟ مين عشان الحب مات؟)2
انت وحدك بس مُت وقمت من بين الأموات
يارب ياللي بنفتخر بحبه وسط شعوب
انت اللي ما تحبش أناتنا لكن عايزنا نتوب
(تدي رحمة بدون حساب مش بتفرح بالعذاب)2
انت وحدك بس تقبل قلب من جالك وتاب

2- يارب ياللي الشمس بيك عرفت لنورها شروق
انت اللي تهدي الضال ويعرف طريقه بيك ويتوب
(تدي نور يملا العيون تتفتح بيك السجون)2
انت وحدك بس تنزل ويا شعبك في الأتون
يارب ياللي تملّي تسند قلب كل ضعيف انت
اللي قُلت تعالوا ليَّ هاتلاقوا حملي خفيف
(مش بتطرد طالبيك كل شعبك حي بيك)2
انت وحدك بس ربي اللي يناديك بيلاقيك

3- يا رب مين ليه قدرتك يقدر يقوّم موتى؟
يستر عيوب يغفر ذنوب ولا حد غيرك انت!
فوق المكان فوق الزمان مش تحت فين ولا امتى!
مين غيرك إنت قدر يكفّي الشعب بسمكتين؟
مين غيرك انت بكلمة يشفي وبلسمة يخلق عين؟
(مين يخلي البحر هادي؟ مين تملي لشعبه هادي؟)2
انت وحدك بس يبقى القلب بيك في سلام وراضي

1-(بادخل عرش النعمة وباسكـــــب نفسي أمامــــك ناظر ليك
باهتفلك من قلــبي وباطلــب إنك ترفــع نفســـــي إليـــــك)2

القرار-أصلك سامـع قـلبي الضـــارع قلبـي اللي بيشتاق لحضـورك
المـس روحي اشفي جروحـي واكشــــف كـــل خبــايــا بنـورك

2-(بادخل عـــرش النعمة وأرنم تنطلق الكلمــــات تسبيحة
ويفـــيض قلبــي ليـــك يـتـكـلـم وأقـــــدملك نفســي ذبيحة)2
3-(بادخل عرش النعمة وأصدق إن وعودك قـوة لذاتــي
واثــــق فيك إنــها تتـــــحقـــق و تتمم قصـدك في حـيـاتـي)2

1- يا حب الماضي والحاضر ما بين إيدك أنا حاضر
في حبك أقول كلام ويكون ومهما تقول هاقول حاضر

القرار- أحبك حب مش عادي ده حب مخلي قلبي يعيش
سماعي لصوتك الهادي يفيض بكلام ولا يكفيش
كلام معروف وإليك مكشوف في قلبي اللي إنت فيه حاضر
في حبك أقول كلام ويكون ومهما تقول هاقول حاضر

2- ولما بتيجي تسترني وألقى الفرح بيك حاضر
في حضنك حب يغمرني ينسيني إن أنا حاضر
3- وردي لما تأمرني يكون جاهز يكون حاضر
بفرح أكيد وبالتأكيد هاقول لك إيه هاقول حاضر

1- عارف لما أنا جيت لك قلبي حس بإيه حس لمسة حب دافية ضمته حب وحنان عارف لما أنا جيت لك قلبي حس بإيه حس إنك فيه ومافيش مكان علشان تجيب أحزان ابتسم لي عمري تاني شفت فيك فرحي وأماني مش كفاية تتحب مرة نفسي أحبك مرة تاني علمني أحبك حب تاني حب فوق كل المعاني حب وصفه في كلمة واحدة تليق برب عظيم فداني
2- عارف لما أنا جيت لك قلبي حس بإيه حس إن الضلمة هربت واختفت واديتني نور عارف لما أنا جيت لك قلبي حس بإيه حس إنك جيت شطبت من السنين معنى الشرور ما إنت مت زمان عشانه وجبت له فرحة إيمانه والسما رجعتلها تاني عشان تجهز ليه مكانه قلبي سابني وساب مكانه قال يعيش وياك زمانه نفسه يبقى بشوقه صاحي لما أنوارك يبانوا