لينا مكان (10 ترنيمة )

لو أحزانك بكّت عينك والعالم بشروره يهينك
وبيظلم ويزيد في أنينك ماتخافشي .. الله موجود
أبداً مش هاتكون وحداني وقت صراع العالم ليك
واللي وهبك فدا مجاني قادر يحرس نفسك فيك
واتمتع بالوعود ماتخافشي ده .. يسوع موجود

1- آه يا ربي لما شفنا الرياح هبت وخفنا إنه هايؤون الأوان
قمت أنقذت السفينة واللي نايم صحّى فينا كل إحساس بالأمان
قلت أوعوا الخوف يصيبكم فين إيمانكم ليه يسيبكم
ده إنتوا منقوشين في كفي دمي عنكم راح يوفّي والسما ليكم مكان

القرار - قد ما ليك كل مجد في كل وقت وكل آن
قد ما فيك يا إلهنا من محبة ومن حنان
قد ما فينا خطايا قد ما لينا إيمان
إننا بدمك وعندك في السما لينا مكان

2- تهنا في أرض الخطية عشنا نكسر في الوصية بس في ملء الزمان
جيت على أرض البرية رحت زرت السامرية قلت عن كل اللي كان
قلت مهما شربتوا مية تعطشوا لكن شوية
من مياه جرحي في جنبي تعلى بيكم تبقوا جنبي في السما وتلقوا مكان

1- لو مشكلتك جمرة نار شايل الهم ليل ونهار
بتفكر والفكر احتار ماتخافشي.. الله موجود
ييجي ويطيب خاطرك يديك الاحتمال والصبر
خليك واثق وافتح قلبك الله وحده في إيده الأمر
واتمسك بالوعود ماتخافشي.. الله موجود
2- لو فقرك تاعبك في حياتك وإيديك مش سادة احتياجاتك
والجوع بيزود آلاماتك ماتخافشي.. الله موجود
بسمكتين وبخبزات خمسة أشبع كل الجمع يسوع
حد يكون ليه زي إلهي ويخاف من فقر وجوع
ده إلهك بالخير هايجود ماتخافشي.. الله موجود
3- لو مرضك قاسي ومخيف وشفائك ده أمله ضعيف
شجرة وبتموت وقت خريف ماتخافشي.. الله موجود
عينيه عليك شايف أوجاعك وأكيد بالإيمان يختبرك
اتكلم وياه في صلاتك الله وحده يطيب ألمك
وآلامك مش هاتعود ماتخافشي.. الله موجود
4- لو ناسك بتزيد أوجاعك وتحارب وتزيد في صراعك
وأقرب واحد فيهم باعك ماتخافشي.. الله موجود
هايكون لك كل الأحباب ويعوض زمن الحرمان
ويخفف كل الأتعاب عمرك ما هاتحتاج إنسان
والأمان هايعود ماتخافشي.. الله موجود

1-(بادخل عرش النعمة وباسكـــــب نفسي أمامــــك ناظر ليك
باهتفلك من قلــبي وباطلــب إنك ترفــع نفســـــي إليـــــك)2

القرار-أصلك سامـع قـلبي الضـــارع قلبـي اللي بيشتاق لحضـورك
المـس روحي اشفي جروحـي واكشــــف كـــل خبــايــا بنـورك

2-(بادخل عـــرش النعمة وأرنم تنطلق الكلمــــات تسبيحة
ويفـــيض قلبــي ليـــك يـتـكـلـم وأقـــــدملك نفســي ذبيحة)2
3-(بادخل عرش النعمة وأصدق إن وعودك قـوة لذاتــي
واثــــق فيك إنــها تتـــــحقـــق و تتمم قصـدك في حـيـاتـي)2

القرار - أول ما بانده ليك بالاقيك يا شايلني جوه في نني عينيك
من يوم ما دخلت قلبي الفرحة ملكتها
يا حبيبي قلبي اتعلق بيك عمري وحياتي شوية عليك
يا يسوع حبك يا ربي بالدنيا كلها

1- على قلبي غالي يا عظيم وعالي ورضيت بدالي إنك تموت
جيت يا حبيبي تحمل صليبي وبقيت طريقي للملكوت
2- مولاي سيدي وبقيت نشيدي ومسكت إيدي خليتني أقول
ده حملي هين ما انت الحنين نسيت معاك كل الحمول
3- دايماً حاببني ولا يوم تسيبني وأبعد تجيبني وتاخدني ليك
جيت لي في ضياعي وبقيت لي راعي ولقيت مراعي يا إلهي فيك

1- نَفسي ربي بين إيديك قلبي ملكك يا يسوع
عايز أحبك وأشهد ليك وأعلن اسمك في الربوع

القرار - عايز أكون في انتظار يوم ما تجيني يا حبيب
أسهر وأحيا بانتصار ولا لحظة عن فكري تغيب

2- كل ما في الدنيا سراب لحظة بسرعة وينتهي
لو أفراح أو أتعاب عايز أنا بيك أكتفي
3- أنا للعالم مش راح اعيش عمري ما هارجع للظلام
حياتي كانت ماتساويش وانت جيت اديت سلام

1- مشي المسيح للصليب حامل ذنوب الكل وشاف صنوف الألم وداق مرار الذل
لكنه فوق الصليب شال الديون عني شاور بكل حنان وقاللي اتبعني
ساعتها جيت على طول ولقيتني يومها باقول

القرار - هامشي في طريق الصليب والرب ويايا
مسنود بقوة إلهي وروحه جوايا
وعينيه بتحرس سكتي قدامي وورايا
والدم ضامن نصرتي وخلاصي وفدايا

2- أنا كنت ماشي بعيد في شرور ظلامي رافض طريق ربنا مخدوع بأوهامي
وفي يوم قابلني يسوع لقيته قدامي شاور بكل حنان وقاللي اتبعني
ساعتها جيت على طول ولقتني يومها باقول
3- أنا كنت قافل عيني والطريق مسدود والشر كان مالي حياتي وأملي كان مفقود
وفي يوم قابلني يسوع وبحبه طمني شاور بكل حنان وقاللي اتبعني
ساعتها جيت على طول ولقتني يومها باقول
4- يا كل تايه شريد في ضلمتك بتدور افتح عينيك ع السما أمل السما موفور
تلقى المسيح بجلاله واقف بمجد ونور ينده عليك بحنان تعال واتبعني
وتيجي ليه على طول وتجري عليه وتقول

1- مش راح أندم إني خلقتك صورة مني أنا القدوس
ولا راح أندم إني وهبتك حرية و جنة وفردوس
اندم انت ياللي بِشرَّك بترفض حبي وفوقه تدوس
2- مش راح أندم إني بقدسي سيبت مكاني الغير محدود
ولا راح أندم إني بنفسي جيت لك وفي مزود مولود
اندم انت ياللي في قلبك لسه الشر مازال موجود
3- مش راح أندم إني فديتك بدمايا وشربت الكاس
ولا راح أندم إني عشانك صلبوني وسابوا باراباس
اندم انت ياللي بتخطي قدامي وبتخاف من الناس

1- نأتي لك يا سيد الكون يا من أحببتنا
نشكرك نجثو لك نهدي لك إكرامنا
نشدو لك فأنت من تحيي لنا أرواحنا
وأنت من ترعانا بل تحيي الرجا في قلبنا

القرار - نحبك زد حبنا .. نطيعك يا ربنا
يا سيد الكون لك سجودنا

2- نأتي لك يا أيها القدوس فاقبل حبنا
أشعل بروح قدسك يا ربنا حياتنا
اشفِ نفوس كلها ادخل إلى أعماقنا
أعطي لنا أن نبصر أمجادك في وسطنا

القرار - (نور العالم انت يا ربي خلينا ننور زيِّك
املا العالم من فيض حبك نهتف دايماً مجداً ليك)2

1- (عمرنا كله نقدمه ليك حياتنا يا ربي دي ملك إيديك)2
املانا بروحك يا مليك ارشدنا وقوينا بيك
2- (حبك لينا ده حب عجيب شخصك دايماً منا قريب)2
ماشي معانا في كل طريق إيدك تسند وقت الضيق