مرنم إسحق كرمي (168 ترنيمة )

1- افتح يا رب عيون شعبك.. يشوفك انت ويسمعلك
تغفر خطاياه ويرجعلك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدهم جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينالك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلنا.. ده احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4-بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5-فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

1- ( سنين طويلة مضت والرب معتني بيَّ وكل يوم محمول ع الأذرع الأبدية )٢
( ويسوع بيده ماسكني في مراع الحب قايدني )٢
2- ( ملك الملوك يا يسوع يا سيد الأسياد نفوسنا بانتظار تأخذنا للأمجاد ) ٢
( وأتملّي فيك بعينيّ يا يسوع يا غالي عليَّ )٢
3- ( ملك الملوك يا يسوع يا ربنا المجروح نفوسنا في اشتياق أن تمتلي بالروح ) 2
( وتفيض يا ربُ فيَّ بمواهبك الروحيّة )2

1-( وسط ظروف البلد الدايرة .. رايحة لفين أهي ماشية وسايرة

كل الناس قلقانة وحايرة .. وأنا متصان فيها ومتطمن ) 2 

القرار- ( أنا متصان فيها ومتطمن .. أصل إلهي عليها مهيمن 

يحصل مهما هايحصل فيها .. أنا متشال في عينيه ومتأمن ) 2 

2- ( أخبار قتل وموت وجريمة .. والأمان بقى موضة قديمة

والإنسان أصبح بلا قيمة .. وأنا بدم يسوع متمن ) 2

3- ( ضربة من ضرباته زمان .. صارت الضلمة في مكان

وبيوت شعبه في نور وأمان .. قلبه على شعبه بيتحنن ) 2

4- ( مين يمسكها ومين يرأسها .. لو حتى هايعيد تأسيسها

مش هاشغل بالي ولا أدرسها .. ولا هافضل أفكر وأخمن ) 2

5- ( هو بإيده ماسك الدفة .. وماعندوش أحداث بالصدفة

مهما عدو الخير يتخفى .. الترتيب من فوق متزمن ) 2

6- ( هو نوري وخلاصي ليَّ .. هو حصني في طول ليالي

مين يؤذيني ويقوي عليَّ .. لو حتى في هلاكي يفنن ) 2

7- ( يعزل ملوك وينصب غيرها .. والأزمنة هو يغيرها

لو قال كلمة مين يكسرها .. واللي يفكر يبقى إتجنن ) 2

8- ( بلدي مباركة ده صوته ووعده .. وقت الضيق هايعدي وبعده

جاي المجد بفرحة وسعده .. اللي مصدق وعده يأمن ) 2

1- بشوق وحنين وبصبر سنين وبكل يقين
وإيمان للسماء شاخصين ومنتظرين نشوفك بالعيان

القرار - وتناهى الليل تناهى وتقارب النهار
وعريسنا جاي ياخدنا نستوطن الديار

2- يا غربة خلاص دارت الأيام نهارنا ده مش هيعود
بانت العلامات هانت الصعوبات ما أحلى اليوم الموعود

3- نصعد بهتاف وبصوت البوق ومسيحنا يلاقينا نغنى على طول نهتف ونقول مجداً لك يا فادينا

4- أمين تعال يا حبيبنا تعال أرواحنا بتناديك
حقق وعدك ابسط لطفك ده شعبك مستنيك

القرار- (حيٌّ هو الرب إلهي اللي أنا واقف قدامه
حيٌّ سيدي الملك اللي أنا عايش خَدَّامه )2

1- ( لا أنا خايف من شيء إن كان ولا من مخلوق مهما إن كان )2
ولا محتاج شيء من إنسان ده مكفيني سلامه
2- ( أنا عاكف على المكتوب ضد التيار المقلوب )2
أشهد ليسوع المحبوب وأتشارك في آلامه
3- ( أنا شايف آخر المشوار جاي الفجر وجاي نهار )2
ولحد الشرّ ما ينهار أنا هارفع أعلامه
4- ( أنا عارف إيماني بمين ده القادر يحفظني أمين )2
جاي وهاشوفه بكل يقين زي ما وعد في كلامه
5- ( أنا واقف مستني وعود تتحقق والمجد يعود )2
ونُقف كده صفين بالعود ونعلَّي في أنغامه

1- (مين يقدر يقول مغفورة الخطايا
مين يقدر يقول اليوم هاتكون معايا )2

القرار– (وحدك يا يسوع تقدر يا يسوع )2
( وحدك يا يسوع تقدرعلى كل شيء )2

2- (مين يقدر بلمسة يشفي اللي مالوش طبيب
مين لمّا يداوي عمرالدوا ما يخيب )2

3- (مين يقدر يقول ماتخفش ومين يطمِّن
مين لمايشوف اللي انحنى يتحنِّن )2

4- (مين يقدر يخلّي الأعمى يشوف النور
مين يقدر ينادي الميت من القبور )2

القرار -غالبين احنا بيك غالبين احنا جيوش المفديين
مش ممكن تقدر علينا أي صعاب واحنا عابرين

1- انت قائدنا يسوع البار نبع عزانا باستمرار
من إيه نرهب أو نحتار واحنا في سترك محميين؟
2- مهما إبليس حربه تدور بهموم ومتاعب وشرور
نمشي في موكب نصر فادينا نغلب شره بدم ثمين
3- بنسبح ونرنم ليك وبنهتف مجداً يا مليك
نرفع اسمك ونعلّيك أصلنا فيك منتصرين

القرار- ( أنا طالب حضورك ولذة رضاك
تملاني بنورك بالقرب معاك ) 2

1- ( أنا طالب أتغير لشخصك أتغير وإن كان حبي صغير لمسته ترويه
قلبي هايستناك طلبه يكون معاك حبك لا سواك هو اللي هايشفيه )2
حبك ليه معاني قلبي بيترجاه 2- ( قربك مجد تاني في عشرتك أغاني
جلسة بين إيديك وسجودي لديك نظرة من عينيك كل ما أتمناه )2
حبك فاق الخيال عنوانه الصليب 3- ( يا أبرع جمال ليك مجد وجلال
ما لم ترَ عين أو تسمع به أذان أو يخطر ببال حبك يا حبيب ) 2
4- (يا نهرسباحة بيت خمر وراحة يامحوِّل المناحة في قلبي بإيديك
لا للركبتين ولا للحقوين بل بقرب قلبك عبّرني إليك)2

1- ابني حبيبي يا غالي علي ياللي بذلت حياتي عشانك
عايز قلبك يفرح بي عايز أشيلك فوق أحزانك

2- عايز أخرج كالنور برك ويفيض زي النهر سلامك
زي الشمس هايسطع حقك وعدي هاحقق لك أحلامك

3- وبسلطاني منحتك قوة تقهر بيها كل أعداءك
حتى في ضعفك كنت باصلي للآب حتى لا يفنى إيمانك

4- وعدي يا شعبي أنا وياك نور من حولك مجد في وسطك
مجد سماوي بيستناك وكنوز محفوظة بتنتظرك

5- فوق الموج هاتخطي وتمشي زي ما بطرس مشي ع المية
عايز أفيض فيك عمق إيماني يا ابني حبيبي يا غالي علي

القرار– ( أنا هاملا الكون ترنيم وأغاني لرب عظيم )2
حرّرني في يوم وفداني (وشراني بدم كريم)2

1- ( راح أعلي الصوت بهتاف وف وادي الموت مش هاخاف )2
مليان بأمان مطمِّن (ومعايا راعي الخراف )2

2- ( وراح أعلن بالتسبيح إني ملك المسيح ) 2
هارفع ترنيمي ذبيحة (حمد وشكر ومديح )2

3- ( صوتي هايوصل للناس يعلن أجمل إحساس )2
فرحان بيسوع محبوبي (اللي وهبني الخلاص )2