بهجت عدلي (43 ترنيمة )

1- افتح يارب عيون شعبك.. يشوفك انت ويسمع لك
تغفر خطاياه ويرجع لك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدام جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينا لك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلّنا.. ما هو احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4- بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5- فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

1- (في وسط هموم الحياة.. حبك ليَّ يصون
عايش بانعم بالنجاة.. والإيد الحنون)2
القرار- تجرح أيوه لكن تعصب.. تسـحق ويداك تشفيان
تفرح لما المؤمن يغلب.. وتعزيه عند الأحزان
2- (في وسط الجوع الشديد.. تفدي من الموت
وأما الحرب عليَّ تزيد.. سـيف الروح بيذود)2
) -3 في وسط البرية دايمًا.. نفسي تعطش ليك
قلبي يفضل بيك هيمان.. تمسكني إيديك)2
4- (في وسط شرور الأنام.. بافتكر اللي هانوك
يمكن قالوا عليَّ كلام.. لكن إنت صلبوك)2

القرار
(يا للي مش لاقي لحياتك أي معنى
أيوه عايش بس عيشه بطعم موت
كل ما تفوق من جراحك تلقى طعنة
والصراخ مكتوم في قلبك ما له صوت)2
(والألم باين عليك والندم مالي عينيك)2
قوم تعال للي حبك قوم تعال للمسيح

1- (بص للي قدم حياته عشان تعيش
دي الحياة من غير إلهك ما تساويش)2
صدقني ما تساويش

2- (صوت ضعيف وأنه طلعه زي
أهه مش سامعها حد من الناس اللي جنبك
بتحاول تكتمها ليه وتدوس عليها
الحقيقة أنك لابد تبوح بقلبك)2

1- (إوعى تأجل مين هايجيبلك عمرك تاني
اوعى تأجل مين راح يضمن عمره ثواني)2

القرار-(دلوقتي عندك فرصة يمكن آخر فرصة
الباب مفتوح قدامك ماتأجلش لبكرة)2

2- (عمرك غالي ليه بتغامر بيه بخسارة
عمرك غالي ليه دي الأبدية جبارة)2
3- (ليه بتكابر الله ما هايرجع في كلامه
ليه بتكابر دهانت مادُقتش مرة سلامة)2
4- (ثق في كلامه اللي بيؤمن بيه كسبان
ثق في كلامه والتغيير جواك هايبان)2

القرار- (خدمتنا دي في إيدك اتنازل إلينا
امنحنا تعضيدَك وأمسك بإيدينا)2

1- ده احنا هنا في غربة وانت الوطن لينا
والغربة دي كَربة فتعالى عزينا
مهما نحاول نعمل الضعف مالينا
والخدمة راح تِكمَل بقوتك فينا
2- الخدمة دي بتاعتك أرجوك تقوّينا
وإن كنا بنواعدَك فأنت العامل فينا
ولأننا شعْبك بمحبتك لينا
لازم هانخضَع لك ونحب بَعضينا
3- الخدمة دي لمجدك واحنا هنا ولادك
والناس بتشتاق لك فأظهر لها ذاتك
أدوات وتجهيزات والحرب جبارة
والعدو في محاولات ماكرة وغدارة

1- أسعى أنا نحو الغرض حتى أنال جعالتي
أطيعه بلا مضض متمماً رسالتي
القرار - كل ما كان ربحاً لي خسارةً حسبته
من أجل سيدي الغني فإني قد ربحته
2- لا أدّعي أني هنا قد نلت كل ذا الأمل
لكنني أسعى بلا توقفٍ ولا ملل
3- لذا فإني أنسى ما وراء و أمشي للأمام
حتى لا أنسى دعوة الله وحملي للآلام
4- فغايتي أن أدرك قدرة ربي المقام
لذا فلست أخشى هول الموت فهو لي سلام

1- في وقت ضعفي أراك تشفي من سقطتي
وعند ضيقي تبقى صديقي وسلوتي

القرار - إليَّ تدنو إليك أرنو مسلماً لست لذاتي وشهواتي
بل ها حياتي ملكك يا رب إني لك أعني وخذ يدي بيدك

2- عند رجوعي تمسح دموعي وترثي لي
تشبع جوعي ربي يسوعي وتهدني
3- ربي أراك أراك دربي و نسمتي
من كل قلبي أهديك حبي وبسمتي

1- يمكن أكون غلطت امبارح وبقت كل حياتي ضياع
لكن ثقتي إن إنت تسامح وتصحح فيَّ الأوضاع

القرار – يا ربي اختبرني واكشف لي ع اللي في قلبي
أرجع لك وتطمني بوقوفك دايماً جنبي

2- يمكن أكون ضعيف جوايا وعيوبي تاعباني كتير
ولا ينفعني ألاقي لها نهاية غير إني ألجأ لك يا قدير
3- يمكن اكون مش قادر أنسى غلطاتي وغلطات الغير
عايز أتعلم إزاي أنسى شر إخواتي وأقابله بخير
4- يمكن أكون محتاج لأمان نفسي احسه ولو لحظات
وأنسى مخاوفي وحزن زمان وكأنه راح عني ومات

1- (إن باركنا في حياتنا نرفع الأذرع إليه
وفي بكانا دمع فاتنا نرمي أحمالنا عليه)2

القرار - (نبض قايل حب زايل إلا نبع الحب فيه
كله ينسى وقلبه يقسى إلا قلب الرحمة فيه)2

2- (إن لمسناه في صلاتنا قلبنا يقول احنا ليه
وإن بعدنا في طريقنا رحمته تقربنا ليه)2

1- (يا إلهي كم من نفوسٍ لوحتها شمس الخطية!)2
[(تصرخ مالي وعمري الغالي ضاعوا وما في الدنيا آمالي)2
ضاع المال وضاع العمر (وما لي رجاء)3]2
2- (يا عزيزي كم من قلوبٍ في اشتياقٍ للمسيحِ)2
[(لا تتوانى قم وتفانى أم ليسوع تَزيدُ إهانة)2
ضاع الوقت وضاع الجهد (كفانا رياء)3]2