عيسى كعبر (8 ترنيمة )

1-أنا جاي وكُلِّي خجل من حالي ومن خطاياي
و ماضلش عندي أمل وأعمالي سبب بلواي
مش بس مشكلتي العمل مشكلتي في نواياي
أنا فاسد ومن الأصل طهِّرني من جواي
2-أنا خاطي وبشَرّي أهنتك وحسبتك بين الأشرار
أنا جاني و بإيدي صلبتك علّقتك ع صليب العار
يهوذا أنا بعتك سلمتك زي بطرس خنتك انكرتك
بلساني جلدتك وطعنتك يا قدوس الله البار
3-راجع لك اقبلني استرني غطيني
من موتي قوّمني وبروحك احييني
باصرخلك غيّرني محتاجك تشفيني
وبدمك طهِّرني وبإيدك خبيني

1- (صعب علىِّ إني اسامح صعب عليّ انسي امبارح)2
لما الناس بتجرح قلبي .. قلبي تا يغفر منه سامح
(لكن حبك غيَّر فيَّ علمني انسي الأذية)2
وقبل ما شوف العيب بغيري شيل الخشبة اللي بيعيني

القرار – (لصليبك خدني يا حبيبي واصلب لي قديمي حدك)2
يوميّ بحمل صليبي بمشي وراك وأشهد عنك

2- (لما الناس بتغلط فيِّ بتحكم ظلم بتقسى عليِّ)2
والملامة علىِّ بتكبر .. بتسوَّد الدنيا بعينيّ
(بتذكَّر حبك الكبير وقديش أتعذبت كتير)2
كرمال العار اللي حملته بشوف الوجع اللي فيِّ صغير
3- (علمني أنظر لجلالك وأتفرس دايماً بجمالك)2
ولما تنكشف لي عيوبي .. توب وأتغيَّر كرمالك
(ما في شي غيرك يستاهل من بَعدَك ها العالم زايل)2
وحتى العالم لو خذلوني ما في مثلك أنت الكامل

1- من خيرك مالي الدنيا .. ما بترضى ابنك يحتاج
وبإيدك تسند ضهره .. وبتحجب عنه الأمواج

القرار- (وبجودك تفتح إيدك .. وبتشبع منها عبيدك
ما بيخلص أبداً جودك .. بيسدد كل احتياج)2

2- يا ماشي جنبي في الغربة .. وسامع أناتي في قلبي
ساندني في أيامي الصعبة .. أنا باعلن إنك ربي
3- راح أشهد عنك في حياتي .. إنت الأول والآخر
في الحاضر والعمر الآتي .. إنت الناهي والآمر

القرار- تعبت من البعد وارجعلك عارف اني خاطي اكيد
وقلبي القاسي اللي ما بيسمعلك اخلقلي غيره قلب جديد
1- انا طالب سترك اقبلني
ومن طين العالم انشلني
على صورة ابنك شكلني
واخلقني انسان جديد
2- مش جايي ت اقدم اعذار
انا راجع كلي اصرار
كمل جنبك هالمشوار
خلى روحك فيي يفيض

القرار- (أنت الرب ملك المجد لجلالك لا ليس حدود
لا يقف في وجهك نَدٌ لا بابٌ ولا أي سدود)2

1- عظيمٌ أنت حميدٌ جداً ليس لعظمتك استقصاء
(تفتح يدك فتشبع نفساً خبزاً وسلاماً وعزاء)2
2- قد عظمت العمل معنا حولت الحزن لأفراح
(قد بدلت دمع ليلنا ترنيماً في كل صباح)2

القرار - يا من بك نحيا ونتحرك ونوجد لك شكرنا
يا من لك ترنو أشواقنا وعيوننا لك حبنا
يا من بك يسمو تسبيحنا ونشيدنا وهتافنا
يا من فديتنا وبدمك اشتريتنا لك كلنا

1- نهديك القلب فليس لدينا ما نهديك سواه
وليس لدينا ما نملكه فنعطيك إياه
فكل شيء لك أهدينا من يدك نلناه
حتى القلب المهدى إليك يداك كونتاه
2- يسوع فأنت بهاء الله ورسم الجوهر فيه
تحمل كل الكون بقدرة رب سدت عليه
بك كانت كل الأشياء خُلقت من أرض وسماء
فتركت الكل لفدائي كي تشفي قلبي من دائي
فملكت بالحب عليه

القرار - لو فكرنا نقدملك مهما نقدم ما بنوفيك
حتى شو ما بنعمل لك مش بالأعمال بنرضيك
ما بترضى إلا بإيمان نابع من قلب الإنسان
اللي عارف إنه مهما كان شو ما بتطلب راح يعطيك

1- لا ما بينفع نسترضيك بأعمال من دون إيمان
شو ياللي ممكن نعطيك وإنت خالق الأكوان
ما بترضى إلا بإيمان نابع من قلب الإنسان
اللي عارف إنه مهما كان شو ما بتطلب راح يعطيك
2- يا مؤمن قدام الناس وحده إيمانك ما بيكفيك
لازم أعمالك تنقاس حتى يشوفوا مسيحك فيك
ما بيرضى إلا بإيمان نابع من قلب الإنسان
اللي عارف إنه مهما كان شو ما بتطلب راح يعطيك

القرار- يا ربي ياللي بتسمع صلاة البشر وبعينك دايما تقشع بغياب وسفر
اسمعنا بهاليوم وارفع عنا الكدر واغمرنا يا إلهي بحبك املانا أمان

1- (وبيوم الغفلة يا ربي استرنا فيه
وببيتك تملى المحبة تضلل عليه
وعن عين الشر تخبينا وشعبك تحميه
وببيتك اسمك يتمجد طول الزمان)2
2- (هالبحر الهايج يا ربي بكلمة تهدِّيه
والأعمى من الطين بيشفى بتفتح عينيه
والقلب القاسي لو ميت بلمسة بتحييه
انت البداية والنهاية رئيس الإيمان)2