صفوت داود (39 ترنيمة )

1-(هاقبل كل جراح وآلام
إيدك سمحت بيها ليَّ
علشان إيدك هاتعوضني
وتقوِّم نفسي المحنية)2
وتقوِّم نفسي المحنية

القرار- (مش هاتذمر ولا هاتكلم
ولا هاعلن رفضي لمشيئتك
لكن هاصبر ليك راح أسلم
وأتأسف على إني ضايقتك)2
وأتأسف على إني ضايقتك

2- (هاقبل رغم التجربة صعبة
رغم آهاتي وكل آسية
حتى إن كانت تجربة مُرة
إيدك بتسيِّج حواليَّ)2
إيدك بتسيِّج حواليَّ
3- (هاقبل وأشكر وأنا في آلامي
وتجاربي اللي سمحت لي بيها
مش هاتذمر رغم جراحي
ما أنا عارف إنك تشفيها)2
ما أنا عارف إنك تشفيها

1- (لو شايف غيمة زي كف صغيرة
وقلوب مليانة جفاف وعقول متحيرة)2
(ولو كانت كل الأبواب قدامنا مقفلة)2
يفتحها بكلمة منه ده إله المستحيلات

القرار- (يفتح كوى السماوات وينزِّل الأمطار
وهتغمرنا البركات ويريَّح اللي أحتار)2

2- (لو حاسس أنك أرض بور متشققة
وحياتك للبركة والأمطار متشوقة)2
(ولو صارت أحلامك صعبة مش متحققة)2
يضمنها وعده الصادق ويعوض اللي فات
3- (لو كل قوى الشر عليك متجمعة
وبكل آلات وسلاح عليك متحضرة)2
(ولو قاموا كل الأشرارعليك بمؤامرة)2
يبطلها بقوة دمه يبطل كل المشورات

1-(هاقوم وأعزف على عودي هاقوم من تاني
وأقول للفرحة يوم عودي خلاص مجاني)2

القرار- (هاقوم وأمسك بإيده ولا يوم تاني هاسيبه)2
(ده أنا قلبي كان يوم عيده)2 لما يسوع اشتراني
(هاقوم من تاني)2

2- (هاقوم من ضعفي وآلامي وصراع مرير
ولا يوم هارجع لأحزاني وأرجع أسير)2
3- (هاقوم وأهتف وأرنم له وأرفع له إيدي
وكياني كله بيسجُد له ده إلهي سيدي)2

1- شايفك حوالي في كل مكان
على كل أمروي ليك سلطان
ولا عينك راح تغفل عني
ما أنت على حمايتي أكيد سهران

القرار- إيدك شايلاني ورفعاني
والعين تحرسني وترعاني
ولا تقع شعرة مني في يوم
إلا بإذنك إنت إلهي

2-أنا عايش مسنود على وعدك
أنا مطمن مسئول منك
من غيرك أنا ما أسواش حاجة
بس أنا غالي علشان دمك
3-أنا عمري ما هُنت عليك مرة
ولا طرفة عين في ظروف مُرة
شكرًا ليك ياللي بترعاني
بتجيني قوام وسط المحنة

1- (عيني خلاص نزلتها عن البشر
ورفعت عيني ورميت حملي عليه
وحده المسيح اللي ينجي من الخطر
هو اللي قال ساعة الخطر احتمي فيه)2

القرار- أنا عايزك انت مش عايز غيرك
ما هو انت كفايتي في مركبي وانت الأمان
أنا عايزك انت مش عايز غيرك
ما هو انت حمايتي في غربتي وانت الضمان

2- (ومن انهارده عيني بس تكون عليه
والماضي والحاضر بيشهد عن أمانته
مهما الظروف تبعدني لحظة عن إيديه
لكن باكون جوه في حمايته ومشيئته)2
3- (علمني أسمع صوتك الحلو في وداني
وأميِّزه وأعرف مشيئتك في الحياة
لو تختفي طُرق النجاة لحظة في زماني
تبقى لي انت يسوع حبيبي طوق النجاة)2

1- (مش هاحكيلك مشاكلي ولا هاشرحلك ظروفي
ما انت عارف حياتي وانت كاشف أموري)2
لكن أنا جايلك عشان أشوفك بالعيان
لما هاتحضَر يا غالي مجدك يِملا المكان

القرار- (وهاشوفك وهاشوفك وأتمتَّع باللُقا
وبنورك وبنورك تشرق على الملا)2

2- (لما تشوفك عينيَّ هانسى كل اللي فيَّ
ما انت قُلت في كلامك ارمي حمولك عليَّ)2
وأنا لما هاجي وأشوفك وتمتعني بحضورك
تهرب كل أحزاني وألمس مجدك وأشوفك
3- (لما أشوفك يا غالي صورتك تِملا خيالي
تشفي الضعف اللي فيَّ يتبدل كل حالي)2
تلمس جرحي بإيديك وتاخدني على منكبيك
وأقوم من ضعفي تاني و أخد القوة اللي فيك

1-(نسجد لشخصك أيها الإله
نطلب غفرانك يا إله السماء)2

القرار- (فاض قلبي بكلامٍ صالح للخبر
أنت أبرع جمالاً من كل البشر)2

2- (نخضع لجلالك بكل خشوع
نركع أمامك وحدك يا يسوع)2
3- (نسكب أطيابنا عند قدميك
نطرح أثقالنا وأحمالنا عليك)2

كيف سقطت من السماء يا زهرة بنت الصبح
كيف قُطعت إلى الأرض يا قاهر الأمم
(كيف سقطت وقد كان فخرك رنة أعوادك)2
(قُلت أصير مثل العلي)2
كنت تريد أن تتعظم على إلهك لكنك
أنحضرت إلى الهاوية إلى أسافل الجب
سقط بكبريائك
(وعلى الصليب)3 جردت من رياساتك
وغلبك يسوع الأسد الخارج من سبط يهوذا
وقد بادك
1- (إبليس نصب الشباك علشان يخوفني
رافض شركتي معاك قال إيه هيصطادني)2
(لكن مايعرفشِ إن إلهي حي
صاحي ما بينامشِ جاني وفك رجلي)2
القرار- (أنا متغطي بدم يسوع أنا محمي أنامحمي
أنا متخبي في اسم يسوع اللي ينجياللي ينجي)2
أنا غالي عليك أنا ملك أيديك أنا جوه عينيك
(دي بتحرصني)2
2- (إبليس حاول كتير كتير يوقعني
علشان أكون أسير وبعسله يخدعني)2
(لكني إلهي جاني وطلعني من الشبكة
ثبت رجليَّ تاني وملاني بالبركة)2
3- (أرفع راسي وأقول يا عدوة لا تشمتي
ده يسوع شال الحمول في الضعف صار قوتي)2
(ده وعد والوعد قال يا ابني عيني عليك
مع يسوع مفيش محال قال لي نعمتي تكفيك)2

(كتر خيرك)3 على اللي عملته
(أنا مديون لك)3 على اللي صنعته
(جيت من السما علشاني وأتعذبت بدالي)2
ورفعت راسي وعليتني وغيرت زماني
(كتر خيرك)3 على اللي عملته
(من حبك وحنانك ليَّ مارضيتش تسيبني في عبودية)2
جيت وكسرت كل قيودي ورفعت نفسي المحنية
يا أبويا وأخويا وحبيبي وكل ما ليَّ
يا شايلني وساندني وأنا ماشي في البرية
(كتر خيرك)3 على اللي عملته
(كتر خيرك على أفضالك صغير أنا عن ألطافك )2
الخير اللي صنعته لعبدك تاج على راسي كل إحسانك
يا أبويا وأخويا وحبيبي وكل ما ليَّ
يا شايلني وساندني وأنا ماشي في البريه
(كتر خيرك)3 على اللي عملته
(كل الماضي بيشهد عنك والحاضر يشهد لأمانتك)2
والجاي كله مضمون فيك واثق في رعايتك وعنايتك
يا أبويا وأخويا وحبيبي وكل ما ليَّ
يا شايلني وساندني وأنا ماشي في البرية
(كتر خيرك)3 على اللي عملته