أشرف فهمي (30 ترنيمة )

1-(أشرق يا شمس البر نور عتمتي
واوهب من تاني لموتي حياة
كاسر قيود الزيف لحقيقة دنيتي
باقدم كياني ذبيحة حية للإله)2

القرار- (وأنا هايم بين التسبيحات
وبتفيض جوايا البركات
تتشكل فيَّ الهتافات
لحروف منطوقة بالصلوات)2

2-(فاتح بيباني ادخل ليك الأمتلاك
وأروي حياتي من ماء الأرتواء
ليلي وصباحي مالوش وجود إلا برضاك
وكنزي الحقيقي ياربي عندك في السما)2

3-(افرد جناحك كالمظلة وقت شمسي
وضلل على نفسي تهدى تستريح
تغفل عينيَّ بلمسة الحنان لقلبي
وأدوب وأنا ما بين كفوف المسيح)2

4-(باشعر كأني في لُقاء روحي معاك
إنّي بجناح العز طاير في أرتفاع
وبهاء المجد الخارج من سماك
بألاته يعزف وقلبي في خشوع الأستماع )2

(آه الحياة قاسية ..جرحانا قسوتها)٢
(حكاويها مابتنتهيش.. مليانة جعبتها)٢
(والمحني يفضل محني طول ما الإيمان ضعيف)٢
(وازاي هايرفع راسه قدام سطوتها)٢

1-(مهتم تجيني في أتعابي وفي وقت الضيق
وتكون لي سحابة تظللني طول الطريق)2
(ترشد خطاويَّ في ليالي بعمود من نور
وتقول لي اطمن ما تخافشي العدو مأسور)2
في بحيرة نار سايبه بيصرخ زي الغريق

القرار- (هاتخاف من إيه؟ هاتخاف من إيه؟
ده العالم كله في إيديَّ ومِتحكم فيه)2

2-(أنا عيني بتغفل وتنام لكن انت لا
وأنا المخلوق اللي ما يُذكَر و انت الإله)2
(تتنازل دايماً وتجيني وقت الخطر
ويجف النهر لكن بالقى في كفك مطر)2
وأنا باسمع صوتك بيقول لي أنا ليك حياة

3-(وأنا شايف الظُلم بيتشطَّر وبيجهز لي
تهمس في وداني وبقوة ربي تقول لي)2
(ولا حاكم يقدر يتحكم أبداً في مصير
أنا بس اللي باقوله هايمشي هو اللي يصير)2
إيه ممكن يوم يا ابني هايحصل غصب عني؟

أنا باشكي حالي و حالي حالي مالوش آخر
رجلين تقال متسمرين والضعف ع الآخر
أنا قلت أقوم وأنهض وأشب وأتحرر
وأحط لحالي ده نهاية و لضعفي ده آخر

(مهما الهموم زادت أنا ليَّ فيك العون
لو الحروب قامت يدّك قوام هاتصون)٢
(والشجرة لو جفت نبعك هايرويها
أنا ليه أبات خزيان ولا أبات مهموم)٢

القرار- (هنهز عرش إبليس بالصلاة والترنيمات
وهانرفع التقديس ليسوع رب السموات)٢

١- (هانحاربه بالإيمان والآيات الكتابية
وندوس على الشهوات والوعود المغرية)٢
وطول ما الصليب فى إيدينا والرب ساكن فينا)٢)
الضعف البشري هايتبدل لقوة سماوية

٢- (الوعد وعد الرب بيه هانسحق الحيات
إبليس مالوش سلطان لا في ألم ولا في ضيقات)٢
إيمانا هايقهره ورجانا هايكسره)٢)
والدرع اسم الرب يسوع صاحب القوات

٣- (بالدم لينا سلطان والله سلامنا وقوتنا
بهتاف نهدم حصون وعليها نرفع رايتنا)٢
يرجع إبليس يحارب ويزوِّد في التجارب)٢)
بنعلن إنه أكيد مهزوم في الرب نصرتنا

1- (قولي إيه ممكن يطمن غير أيدي الممدودة ليك
نعمتي كانت تكمل كل نقص وجدته فيك)2
ليلك حولته لنهار كل ضعف لانتصار
أي شيء هدد حياتك كنت أحوله المسار
القرار- كل ده ولسه خايف يجي بكره زي أمبارح
هوإيه ممكن ها يحصل لو مكنتش أنا سامح
أول ما إيمانك يقودك أوعى ضعفك يوم يسودك
بالهوان راح يحني عودك بيها تتغير ملامحك
2- (ليه تدور الحياه وسط ضلمه وسط موت
لو يتوه قلبك أدلك وسط زحمة الشكوك)2
وأفتح الأحضان وأضمك وأزرع الأمان في قلبك
وبحنان أجري عليك بلهفة القلب المحبة
3- (قلبي بيحاوط عليك وقت لحظة الاختيار
عمري ما سبتك لوحدك وأنت في حيره ومرار)2
ترتجف من الخوف أجيلك تنحني من الحمل أشيلك
ما أنا كل الكون في أيدي مين يقدر يهينك

(عمال تداري في عيوبك برتوش ألوان
وكل مرة بتدّارى خايف لتبان!)2
لسان جميل بيتكلم والفعل مافيش
والفرصة لو ضاعت منك (انت الغلطان)2

١- (تأمر الرياح تطيعك عمرها ما تقدر تخالفك)٢
(من البداية دي صنع إيدك تُنتهَر بكلمة منك)٢

القرار- (ما أنت مالي الكون بروحك
مافي شيء متداري عنك)٢
كل أمر الكون في إيدك
(وأنت ليك الملك وحدك)٢

٢- (تأمر الأمواج بتهدي لما تسمع صوت نداك)٢
(ويرجع القارب يهدى ويبقى في دايرة حماك)٢

٣- (تأمر الموت ينتهي والحياة ترجع تعود)٢
(وعمر تاني يبتدي ليا ما بين كفيك وعود)٢

(تقول يهوذا يكتبوا في الخيانة ديوان
بزيف الوش ويا الغش يتحكموا بسلطان)2
(وتوب البر اللي لابسينه مالوش معنى
ده كم من يهوذا في ضمائرهم لكن ما يبان!)2