بيشوي رضا (3 ترنيمة )

أنا مكسوف أقف قدامك بعد ما سيبتك رغم كلامك
لو تقبلني أكون خدامك يبقى انت اتكرمت عليَّ
أنا بعتك وانت اللي شاريني وغدري مالوش تبرير يعفيني استرني الحقني وغطيني
مد إيديك وحن عليَّ
مش صعب عليك تراضيني وبدل شري خير تديني ما انت اللي عارف تكويني
أنا مليان بدين وخطية

1- إنت غيرت الظروف إنت هديت كل خوف
إنت خلتني أشوف إحساناتك كل وقت
إنت حليت المرار بحب ومحيت الآثار
نصرة بدل الانكسار كل ده لما بدأت

القرار- زي ما بدأت بتكمل يا قدير
ايدك الحلوة بتعمل كل خير
بتفاجاءنا بباركاتك وبحلاوة إعلاناتك

2- وبجمال تعزياتك الكتير
مهما هاتكلم وأقول إنت رائع مش معقول
ومهما كلامي يطول مش هو في أي حق
أبوة أب جميل حنون يرعى ويحامي ويصون
ولو هاعد خيرك يكون قد ما القلب دق

1- (حليت الصعب المتأزم عزيت كل اللي بيتألم
الكل بيشهد ويرنم ويقول عنك حكايات)2

القرار - كل اللي اتقابل وياك واللي أخد منك لمسات
اتبارك بالوقفة معاك بسلام وبتعزيات

2- (قوّمت لعازر وحييته ونداء الأعمى لبيته
والأعرج بإيديك خليته يجري مليان هتافات)2
3- (المكروه انت حبيته والعشار روحتله بيته
والمنبوذ زورته ومليته بالنعمة وبالبركات)2
4- (وده مش زمان و عدّى ده بيحصل للنهارده
آيات وشفاء لمرضى وعجائب ومعجزات)2