حاضر (11 ترنيمة )

1- عارف لما أنا جيت لك قلبي حس بإيه حس لمسة حب دافية ضمته حب وحنان عارف لما أنا جيت لك قلبي حس بإيه حس إنك فيه ومافيش مكان علشان تجيب أحزان ابتسم لي عمري تاني شفت فيك فرحي وأماني مش كفاية تتحب مرة نفسي أحبك مرة تاني علمني أحبك حب تاني حب فوق كل المعاني حب وصفه في كلمة واحدة تليق برب عظيم فداني
2- عارف لما أنا جيت لك قلبي حس بإيه حس إن الضلمة هربت واختفت واديتني نور عارف لما أنا جيت لك قلبي حس بإيه حس إنك جيت شطبت من السنين معنى الشرور ما إنت مت زمان عشانه وجبت له فرحة إيمانه والسما رجعتلها تاني عشان تجهز ليه مكانه قلبي سابني وساب مكانه قال يعيش وياك زمانه نفسه يبقى بشوقه صاحي لما أنوارك يبانوا

1- أنا معاك كتير قالوهالي ناس غيرك ولا غيرك وفي بيها وتجري دموعي من غيرك لكن يبقى السبب فيها ومانستنيش وأنا بانساك وبالقى الفرحة وقت لقاك سنين بتفوت في بعدك أموت لكن بالقى الحياة وياك

القرار- وكفاية إنك معايا حاسس فرحي وبكايا ومدفي القلب بيك من أول الحكاية وكفاية إنك معايا ومكمل للنهاية دي كفاية قلبي فيك ياللي معاك الكفاية

2- أنا معاك ومش هاسيبك تاني ياللي ماسبتنيش علشان معاك باغرق في حب ماينتهيش وإنت معايا عارفك ربي مابتنسانيش ومعاك وبس باحس إني فعلاً باعيش

1- مين غيرك انت بكلمته قال كن فكان النور؟
مين غيرك انت بمحبته لشعبه شق بحور!
(مين بيدي التعزيات؟ مين عشان الحب مات؟)2
انت وحدك بس مُت وقمت من بين الأموات
يارب ياللي بنفتخر بحبه وسط شعوب
انت اللي ما تحبش أناتنا لكن عايزنا نتوب
(تدي رحمة بدون حساب مش بتفرح بالعذاب)2
انت وحدك بس تقبل قلب من جالك وتاب

2- يارب ياللي الشمس بيك عرفت لنورها شروق
انت اللي تهدي الضال ويعرف طريقه بيك ويتوب
(تدي نور يملا العيون تتفتح بيك السجون)2
انت وحدك بس تنزل ويا شعبك في الأتون
يارب ياللي تملّي تسند قلب كل ضعيف انت
اللي قُلت تعالوا ليَّ هاتلاقوا حملي خفيف
(مش بتطرد طالبيك كل شعبك حي بيك)2
انت وحدك بس ربي اللي يناديك بيلاقيك

3- يا رب مين ليه قدرتك يقدر يقوّم موتى؟
يستر عيوب يغفر ذنوب ولا حد غيرك انت!
فوق المكان فوق الزمان مش تحت فين ولا امتى!
مين غيرك إنت قدر يكفّي الشعب بسمكتين؟
مين غيرك انت بكلمة يشفي وبلسمة يخلق عين؟
(مين يخلي البحر هادي؟ مين تملي لشعبه هادي؟)2
انت وحدك بس يبقى القلب بيك في سلام وراضي

القرار- من العين دي قبل العين دي يا رب هادخل عشانك مليون جب بس الأكيد هاتنجيني لأنك إنت إله الصعب

1- بولس يرنم في الأزمات ويقوم لعازر من الأموات وبيك داود يغلب جليات لأن حبك أعظم حب داود باسمك جبار بأس يشوع يوقف بيك الشمس سماك تمطّر علشان بس إيليا صلى لك من القلب
2- يعقوب تباركه بوعد أمين وسارة تولد بعد سنين مين كان يصدق يا يسوع مين إنك تشق البحر لشعب بالفلك نوح من الضيقة عديته ولوط في وسط سدوم نجيته بطرس بوعظه زمان خليته يربح ألوف الناس للدرب

1- إنت اللي رسمت لي خطواتي مشيتني في سكة ترتيبك واديتني نعمة مليت لي حياتي خليتني أمسك فيك ولا أسيبك يمكن أكون في ساعات باستغرب مين ضيقتي لكن كنت باقرب وكلامي ده من قلب مجرب وماعندوش شك إني حبيبك
2- من بدايات العمر يا ربي وإنت بتصنع أمر عجيب بالحب بتستر على ذنبي وكأب ساعات بالتأديب مش بتسيبني لجهل قراري رأيك يهديني في مشواري ولو إنت سمحت أبقى في ناري تنزل فيها ومش بتغيب
3- حبك خدني يا رب وجابني قدامك وملاني صلاة حضنك ياما ضمني ولا سابني حسيت طعم الراحة معاه وإيديك قبلت تمسك فيَّ وبتملا إيدي بحنية يكفيني إن إنت تكون ليَّ وإن أبويا يكون الله

1- يا حب الماضي والحاضر ما بين إيدك أنا حاضر
في حبك أقول كلام ويكون ومهما تقول هاقول حاضر

القرار- أحبك حب مش عادي ده حب مخلي قلبي يعيش
سماعي لصوتك الهادي يفيض بكلام ولا يكفيش
كلام معروف وإليك مكشوف في قلبي اللي إنت فيه حاضر
في حبك أقول كلام ويكون ومهما تقول هاقول حاضر

2- ولما بتيجي تسترني وألقى الفرح بيك حاضر
في حضنك حب يغمرني ينسيني إن أنا حاضر
3- وردي لما تأمرني يكون جاهز يكون حاضر
بفرح أكيد وبالتأكيد هاقول لك إيه هاقول حاضر

القرار- حبك ملاني سلام توِّب لي قلبي القاسي مش لاقي أي كلام يوصف لك ايه إحساسي
يا مسيحي

1- أبرع جمال من كل الناس باسمك انت وحده الخلاص كلك طيابة وحنية
قلبك كبير بيساع الكون بيِّنته في الجنب المطعون يا فادي كل البشرية
2- مهما أشكرك مش راح أوَفّيك غمرتني بخيرك يا مليك ومليت لي بالنعمة أيامي
دايماً ساندني في خطواتي قابلني حتى في ضعفاتي حبك أسرني وسباني

أنا مكسوف أقف قدامك بعد ما سيبتك رغم كلامك
لو تقبلني أكون خدامك يبقى انت اتكرمت عليَّ
أنا بعتك وانت اللي شاريني وغدري مالوش تبرير يعفيني استرني الحقني وغطيني
مد إيديك وحن عليَّ
مش صعب عليك تراضيني وبدل شري خير تديني ما انت اللي عارف تكويني
أنا مليان بدين وخطية

1- كل ما باشعر إني وحيد محتاج حنية تدفيني باجري عليك عشان إنت أكيد اللي حنانك ده هايكفيني ولو حتى الكل بعيد ألقاك جنبي وجاي تواسيني بادفى بحبك وأبقى سعيد بين دراعاتك بتخبيني

القرار- متشال جوه العين والنني دايماً حضنك بيطمني ده إنت حبيبي صديقي وأقرب ومافيش مرة بتبعد عني أقرب من ضلي ومن نفسي سامع دقة قلبي وهمسي دايماً عينك باصة عليَّ وبتسهر على راحة نفسي

2- عمري في مرة ما هنت عليك مابتسمحش لشيء يأذيني مطرح ما باروح أنا بالاقيك بتأمن طرقي وتحميني قبل ما بانحني بالقى إيديك شالت حملي اللي هايحنيني بتحبني وأنا حاسس بيك حبك مالي عليَّ سنيني
3- أوقات هابقى باموت من الخوف وأطمن أول ما تجيني ولما باكون يائس وباشوف الدنيا تسود في عيني بتنور قدامي حروف وعدك ليَّ وبتعزيني أنا بيك باغلب أي ظروف علشان الله نفسه معيني

مافيش أقرب منك يا رب لنفسي وروحي
وكياني بتسكن بين خبايا القلب تفيض
جوايا تملاني تغيب الدنيا عن عيني حنانك
لي يسبيني أموت فيك وإنت تحييني يا أعمق
من معاني الحب أقول لك إيه أنا مش قادر
أوصف حب وصف كبير أقول لك ليه أنا هاسكت
عشان حبك فوق التعبير يا رافع نفسي من موتي
إيماني إنك سامع صوتي في عز هجوعي
وسكوتي وقبل ما أبدأ التفكير سنين بتفوت
ماليش في الأرض حاجة وكل حلمي سماك هاعيش
وهاموت وأنا باشتاق لك إنت ونفسي أكون وياك
ده وعدك ليَّ هاتجيني مطمني ومعزيني
ياريت لو تنتهي سنيني وأعيش الفرحة وقت لقاك

1- سنين العمر مهما تكون ما تساوي يوم لو يجمعنا
وأنا لو كتبت كلام الكون مش هاقدر اوصل للمعنى
ده حبيبي اللي أنا فرحان بيه هو الإله اللي باعيش ليه بتاخدني آية كلامها عليه عمانوئيل الله معنا

القرار- إلهي أنا قلبي بيك ساكن في حصن الأمن بوعودك
باكون هادي باكون ساكن بإحساس قلبي بوجودك
وأبعد وأقرّب لكن ..لو تتغير أماكن ..لا حاجة تاخدني منك ..ولا باخرج عن حدودك

2- سنين العمر مهما تطول ما تكفيش إني اعيشهالك
ومهما في حبك أفضل أقول باسكت وقلبي يقولهالك
كلام القلب في سكونه ..يفرَّح ليلي في شجونه ..يشوفك قلبي بعيونه ..ألاقيه خرج مني وجالك