مينا مكرم (8 ترنيمة )

1-(انت النور اللي بيهديني وسط ظلام الليل
بمراحمك انت بتغنيني إن كان زمني يميل)2
شبعان بيك دايماً شبعان ولو ليلي طويل
عارف إن إيديك هاتقُودني وصوتك ليَّ دليل

القرار – ياللي إدّيت لحياتي معاني دايماً أرنم ليك
حفرت في قلبك لي مكاني وحملي رميته عليك
قلبي بيسجد ليك بهتاف ياللي بلمسة إيديك
جددت حياتي وخليتني متطمِّن أنا بيك

2-(إن كان مجد العالم باطل مجدك انت يدوم
كنزك ليَّ أمان وسلام فرحي في أي هموم)2
ياللي بإيدك تمسح دمعي وتمحي أي غيوم
ليك المجد في كل حياتي مجدك يوم ورا يوم

ودقت الساعات مع دقة المسامير
بتقول للناس تعالوا شوفوا الحب الكبير
يا قماشة الكتان يا شاهدة ع اللي كان
يدور بينا الزمان وإنتِ لينا الدليل
ويا غروب النهار قلوب كتير تحتار
وقماشة الكتان واضحة زي النهار
تحكي على الآلام ع الذل والهوان
على الحب الكبير على خلاص الزمان
واللي ما صدقوش بالحب وماآمنوش
ورفضوا كل بار بقلوب زي الوحوش

1- مهما يمر الزمان ويتوه بينا الطريق
روحك هو الأمان هو لينا الرفيق
تيجي فينا بالشروق تملانا بالسلام
تملانا بالسرور والحب والأمان
تجعلنا ليك ديار تسكن فيها بأمان
تجعلنا ليك آبار تملاها بماء الحنان
2- تنصرنا على الأعداء ترفع راية انتصارنا
حقق لينا النجاة ثبت فينا إيماننا
لو طالت الأيام اجعل روحك سبيل
يزرع فينا السلام ويكون لينا الدليل

وحدك ما بين الناس آمنت يا ديماس
بإلهك الحنون فادي كل الأجناس
وحدك بين الجموع صرخت بصوت عظيم
اذكرني يا يسوع في ملكوت النعيم
الساعة التاسعة شاهدة على الحب الكبير
تحكي لينا طهارتك ونهايتك في المسير
وحدك معاك هنقول ونصرخ بصوت عظيم
اذكرنا يا يسوع في ملكوت النعيم
اذكرنا يا إلهنا في نهاية الزمان اغفر لينا الخطايا
حقق لينا الأمان وقلوبنا ليك مرفوعة تترك لينا الزمان

1- اسكن في يا ربي واغفر لي ضعف قلبي
واسندني يا حبيبي في ذلي وكل تعبي
2- ارشدني في الدروب احميني في الطريق
ساعدني على الوجود بحب بيك يليق
3- ادخل في الأمان اسكب لي الحنان
ارويني من نبع حبك رافقني طول الزمان
4- حبيبي ليس سواك نفسي تطلب رضاك
دعني أسرع إليك لأحيا في سماك
5- لا تنسَ وعدك يا ربي وانقشني في يديك
كي يفرح بك قلبي ونفسي تسرع إليك

1- يا صوت الحكمة اصرخ ونادي ع الجموع
ارشدهم للإيمان ساعدهم ع الرجوع
افتح كل العيون على النور العظيم
ارشدهم لإلهنا لملكوت النعيم
املا كل القلوب بالحق والضمير
املاهم بالحنان وبالحب الكبير
2- إنت يا صوت الحكمة روح روح الله العظيم
إنت صوتك صوت السلام صوت الحق الأكيد
نور كل الدروب وارشد كل الرعاة
وإن تاهت الأغنام رجع كل اللي ضاع

رفضوك وإنت الحبيب جروحك وإنت الطبيب
وساقوك خل ومرار وإنت النور والطريق
وف ساعة النهار ساقوك مر ومرار
والسجفة كانت شاهدة وهي نهاية القرار
فيها كان العذاب والغدر من الأحباب
فيها كان الظلام ورعود ملك السحاب
لكن كانت خلاص لنفوس ملت الجحيم
وصار لينا ميراث في ملكوت النعيم
ودقت الأجراس إعلانًا بالنجاة
والساعة السادسة لينا بداية حياة

1- وفي آخر الساعات قدامك يا يسوع
أبكي دمع وآهات وأسجد ليك بخشوع
عيني على فراشي تبكي من شر قلبي العنيد
ونفسي إليك بتدعي خلصني من كل قيد
2- لو كان العمر ثابت والعالم دا مؤبد
كان يبقى ليكِ حجة يا نفسي دا من المؤكد
لكن العمر بيجري وسنين معاه بتفوت
توبي يا نفسي عودي دا العمر مش بيعود
3- يا إلهنا إليك بنسخد ونصرخ في خشوع
اغفر لينا الخطايا سهل لينا الرجوع