نتائج البحث (12744 ترنيمة)

١- كل الكون والمخلوقات بتسبحك رب القوات
خلقت أرضنا والسماوات بكلمة من فمك
عالي وفوق كل المحدود وبلمستك صار لينا وجود
وجودنا ده لأنك موجود إلهنا مين زيك

القرار- (يرتفع صوتنا بتسبيحك وإنت في وسطينا
نتملي بروحك وننظر مجدك بعينينا)٢

٢- فيك اتلاقى كل جيل معروف اسمك جيل ورا جيل
وفي المهابة مالكش مثيل والكل يخضعلك
إنت إله عادل ورحيم في القدرة مين زيك يا عظيم
تسبيح قلوبنا والترنيم ذبيحة حمد ليك

القرار- (أنت الضامن عهدك أبدي
أنت أماني عزي وسندي
انا متطمن أنا مش وحدي
أنت سلامي بيك راح أعدي)٢

١- يا يسوع أنت عينيك سهرانة
دنيا تخبط ناس قلقانة
نايم وأنا نفسي متصانة
هادية في حضنك وفرحانة

٢- شايل أحمالي بترفعني
وبسماتك بتشجعني
وبقوة روحك تدفعني
وتقومني لو وقعني

٣- حالاً تيجي لما أندهلك
أنا في عينيك أنا من أهلك
تمني دمك قلبي يقولك
بضمان دمك أنا مش هاهلك

٤- غفرانك ربي فرحني
وحنانك يا يسوع ريحني
قدام هيبتك راسي أحني
على مذبحك أصعد لحني

٥- أعجب ما في الكون هو حبك
أزاي ترضى أبقى بقربك؟!
ومن حبك قلبي يحبك
عايز قلبي يشبه قلبك

١- (يارب ياللي خلقت الكون ليل ونهار وبحور وجبال
وعينيك شايفة أقاصي الأرض وإيديك مابتعرفش محال)٢

القرار- نفوسنا بتباركك بالحمد لجلالك
(قلوبنا تسجدلك تشهد لإحسانك)٢

٢- (تبعت شمسك تبدأ يوم رسالة حب لكل الكون
ما أنت راعينا وصالح لينا نلقى في حضنك كل سكون)٢

٣- (يا رب ياللي أمانتك سور يحمي ولادك من الأخطار
وعودك ثابتة بدون تغيير وإن جزنا في أتون النار)٢

١- يسوع مليكنا في وسطينا
بنرفع لاسمه أغانينا
يمشي ما بين صفوفنا
يشفي بإيده جروحنا
وإن أنّت قلوبنا نلقى أفراحنا فيه

القرار- هللويا هللويا هللويا
لاسمك يا يسوع

٢- يسوع مليكنا في وسطينا
بنرفع لاسمه أغانينا
يشبعنا بكلامه
نتمتع بجماله
إلهنا مفيش مثاله كامل والطهر فيه

٣- يسوع مليكنا في وسطينا
بنرفع لاسمه أغانينا
نرفع لاسمه إيدينا
مجده يملا عينينا
في حضوره يلاقينا أشواق قلوبنا ليه

١- {الله بيبارك شعبه عمله وصنعة إيديه
ويا بخت الشعب الماشي (ونور وجه إلهنا بيهديه)٢}٢

القرار- (بنرنم ليه والحمد يفيض بأحلى الأغاني
ونقول ده إلهنا إله تعويض مهما بنعاني)٢

٢- (الله بيبارك شعبه بسلام فوق العقول
معقول تتهز الأرض وشعب الله ثابت على طول)٢

٣- (الله عمره ما يتغير ولا يعرف إنه يعير
مهما ندور على غيره بنرجعله أكيد من تاني)٢

١- (هاسيب الكل واختارك وحدك
نصيبي الصالح ليَّ ميراث
وهدفي دايماً إعلان مجدك
وإيديَّ دايماً على المحراث)٢

القرار- (ده شخصك فيه كل الكفاية
اخترته ليَّ أعظم نصيب)٢
(مين غيرك إنت سندي وعزايا)٢
وفي غربتي دايماً قريب

٢- (هاسيب الكل وأشبع بيك
عند قدميك وأسمع كلامك
وأخلي عينيَّ تملى عليك
وشغلي الشاغل أكون خدامك)٢

٣- (هاسيب الكل وأبقى سماوي
ع الأرض دايماً أشهد باسمك
وتسبيح اسمك أنا قلبي غاوي
لحد ما أشوفك يا ربي في مجدك)٢

١- (أنا عازم وبأمانة
أعيش لك من قلبي
وباكرس ليك حياتي
أنا بين إيديك ربي)٢

القرار- (أنا لذتي فيك يا يسوع
وشبعي فيك يا يسوع)٢
ده حبك ليَّ كافي
حبك أعظم ينبوع

٢- (لا خطية ولا إغراء
ولا شهوة ولا نداء
أنا هاسمع بس صوتك
اللي بيملاني رجاء)٢

٣- (أنا عهدي معك أبدي
وبحبك يا سيدي
وفي الطريق تسندني
وإيديك تمسك إيدي)٢

١- (تعثرتُ بإثمي فمن يرحم
فأنت راحم قدير
ومن سواك لي يغفر
فأنا ربي ذنبي كبير)٢

القرار- (تعثرتُ بإثمي أنا راجع
فرجعتُ إليك وأنا خاضع)٢
وهذا صوتك ناداني
وروحك ربي هداني
أنا راجع.. أنا راجع

٢- (تعثرتُ بإثمي فمن يرحم
فأنت رب الرحمات
ومن يشفي جرحاً في نفسي
ويحيي قلباً قد مات)٢

٣- (تعثرتُ بإثمي فصلاتي
ربي مكرهة قدامك
فشروري تغطي أيامي
أحتاج إلى نبع سلامك)٢

٤- (تعثرتُ بإثمي فجددني
واصنع مخلوقاً أبدياً
وامتني عن عشقي لذاتي
فأحيا أمامك مرضياً)٢

١- (لولا إنك ربي معيني كنت أسكن أرض السكوت
ولا فرح تشوفه عيني وحياتي نهايتها الموت)٢
(لكن أنت إلهي الصخرة وأنت الفرح في يومي وبكره)٢
(فرحان باعلن بيك إيماني ولا حزن بيستناني)٢

٢- (مين غيرك يقدر يصنع ويحول اليأس رجاء
وتفيض بالخير ولا تمنع وتبدل موتي بحياة)٢
(ولأنك في العلى أقدر بتقول ولا غيرك يقدر)٢
(وباسمك وحدك الخلاص سلطانك على كل الناس)٢

٣- (لولا إيدك اللي اتمدت وفديت من الحفرة حياتي
وأبواب الحزن اتسدت وبقيت لي كل نجاتي)٢
(ما أنت إلهي اللي فديتني وحياة ونجاة اديتني)٢
(وبقيت ليَّ صخرة وملجأ وفي ضيقي أنا ليك بالجأ)٢

٤- (وعدك بي ليَّ ضمان وبتخلق من الموت منفذ
توعدني ولا فيه إنسان يقدر ع الوعد ينفذ)٢
(لكن أنت إلهي بتحمي وناقش على كفك اسمي
(وبترعى في برية حياتي وضامن لي كل الآتي)٢

القرار- (جه أراضينا رب المجد جه علشان يفدينا
نلنا فيه حرية ومجد وهبها يسوع فادينا)٢

١- (جيت أراضينا أنت وحليت شلت عنا العار
حررت نفوسنا وحليت في حياتنا المرار)٢

٢- (خدت جسدنا وإحنا خطاة وكسيتنا ببرك
وبصلبك اديتنا نجاة وكشفت لنا سرك)٢

٣- (مت وانشق الحجاب ودخلنا الأقداس
واقفين قدام عرش الآب وبنحيا الخلاص)٢

٤- (غيّرت طبيعة الفساد وصرنا أحبابك
والمسلوب بالنعمة عاد وهايدخل أمجادك)٢