مرنم إيريني أبو جابر (56 ترنيمة )

1- (يا رب أنا باجي لك قلبي مليان
بحيرة مشتاق إليك يا ربي تملاني بالسلام
أنا مهما بعدت عنك بتردني لحضنك
مافيش أحن منك يملاني بالأمان)2

القرار
(ربي بهرب إليك من ضعفي باجري عليك
ما لي أمل غير فيك تردني إليك)2

2- (ياما قسيت كتير من حملي التقيل
ولقيتني ماشي وحدي في طريق صعب وطويل
ماهنش عليك تسيبني لجروح كانت أقوى
مني مدِّيت إيدك شفيتني بحنان مالهوش مثيل)2

3- (لما نظرت فيك لقيت صورتي في عينيك
بسرعة لجأت ليك وفي صدرك ارتميت
سمعت نبضات قلبك اللي بتعلن عن حبك
ولمست دفء حضنك لما قربت ليك)2

(ربي حبي إليك قلبي ده ملك إيديك
وعمري ليك وحديك هاعيش أيامي ليك)4

1- حكاية قديمة متعادة خطايايَّ بقت عادة
ولا فيه فرحة وسعادة ولا راحة لضمير موجوع
وهي يعني دي شوية أروح للموت برجليَّ
ليه أكسب متعة وقتية عشان أخسر حبيبي يسوع
ماباعملكشي خاطر ولا حتى باقدرك
باغامر بيك وأخاطر ماباخفشي إني أخسرك
2- وتُوبي بإيدي دنسته وقلبي بشري لوثته
وقلبك ياما حسسته بقسوة كتير وخيانة
وسايباك نفسي ومفارقة وأقول عادي وماهيش فارقة
حاببني حتى في الفرقة وقابلت الحب بإهانة
3- حنين بس أنا قاسي فاكرني بس أنا ناسي
تخرج مني أدناسي أحن وأروح أناديها
تعالَ بروحك أحييني وعيد من تاني تكويني
ذنوبي نار بتكويني ومحتاج لك تطفيها

(قالوا فين إلهك ليه سايبك حزين
وماشي طريق لوحدك
وكأن ما لكش معين)2

(بإيمان رديت عليهم بكلام حي
وحقيقي بالحق الزيف ماليهم
ده مسيحي رفيق طريقي)2

(ده إلهي معايا يعديني في وسط الظروف
وحضوره دايماً يكفيني ولا باعرف خوف)2

(من وجه الضيق هايخرجني
ولا عمر كلامهم يجرحني )2

(راح أشوف النور ده العدو مكسور)2

1- آتي إليك حبيبي أُقدم ما عندي
فتكون أنت ربي تِبري وفضتي

(آتي عند قدميك أكسر ذاتي فأقبلني يا إلهي بخطيتي)2

2- آتي وأعلن حبي لك يا من
أحببتني وبذلت دمك لتغفر خطيتي

(فأنت يسوعي قد فديتني آتي إليك قارعاً قلبي فخلصني)2

3- والآن اقبل صلاتي وامسح خدمتي
أشدو لك تسبيحتي اقبلها سيدي

(لك أهدي ربي ما وهبتني أقضي كل حياتي طَوع أمرك)2

-1 أناهاتحمل وياك الضيقة لآخرها
ومعونتك مش هازعل أبدًا من تأخيرها
نفسي عارفة إن ده كله هايبقى لخيرها
هاستحمل مهما الضيقة تطول

-2فيه باب مفتوح وسط الأبواب المقفولة
والمايلة مسيرها بكره هاتبقى معدولة
ليك حكمة ويمكن بالنسبة ليَّ مجهولة
بس أنا عارف شدة وهاتزول

3- ضيقة ومسيرها تنتهي وشدة هاتزول
أيوب صبر وشوف نتيجة صبره إيه
وكله للخير مهما يحصل بس قول:
ربنا موجود وسيب حملك عليه

4- زمن الضيقة بيطول تقدر على تقصيره
وتنسيني وبتشفيني من تأثيره
جبل الهم إنت اللي بتقدر على تكسيره
وبتدي سلام فاق العقول

قد إيه قلبي وجعني لما أخدوا مني ولدي
يا عدرا دهأنتي أم يعني دقتي همي ودمع خدي
القرار-آه يا وجعي يا مراري يا إلهي طفي ناري
مش باقول هاخد بتاري بس عدلك هو قصدي
1- نفسي بنتي لما تخرج تيجيتاني بالسلامة
وأبقى مش خايفة عليها م المشاكل والمخاطر
نفسي أي وشوش حزينة تلقى تاني الابتسامة
نفسي للعشرة اللي بيننا نبقى نعمل ألف خاطر
مد إيدك يا رجايَّ ياللي بيك كل الحماية
قول لهم إنك معايَّ أصلهم فاكريني وحدي
2- إيه اللي يمنع نبقى واحد رغم أي فروق في ديننا
يلا إيدك ويَّا إيدي نحط للكراهية آخر
أنا إيريني وإنتي فاطمة بس حب كبير ما بينا
افهموا ده الله محبة زي ما هو رحمان وغافر
قولوا للظالم كفاية ذنبهم إيه الضحايا
بالطحن تحت الرحايَّ يا إلهي خد بيدي

1- بانفذ اللي تقول عليه من غير ما أقول إزاي وليه
شايف باطيعك قد إيه قدام الناس؟
وأما أبقى وحدي بانكشف ألاقيني من غير ما أتكسف
بازعل لك وبادوس عليك من غير إحساس
القرار- وباصلي لك يمكن باكون عايز حاجات
يمكن في وقت المشكلات أسباب كتير لكن أكيد مش حب فيك
خليني أحبك زي أبويا حب أقوى من الظروف وأعبدك
مش عن طمع في نعيم ولا رهبة وخوف
خليك حبيب قلبي الوحيد وخلي حبي ليك يزيد
2- تعرف ساعات باكون بعيد
وأنا بين إيديك خايف لعمري يتخطف
وألقى الزمن جأة وقف ولسه أنا مش كلي ليك
حببني فيك

1- (أنا خارج من تعبي وذلي للمجد اللي مستنيني
وإن صعوبات قابلتني إلهي هايشُق البحر يعديني)2

القرار- خارج من أرض العبودية بعد سنين الأتعاب ديَّة
بعد سنين الحزن هاعيِّد واتفك القلب المتقيد
أنا مش عايز غيرك سيد يا يسوع وحدك أُملك فيَّ

2- (عينه عليَّ وبيرعاني هو معايَّ ليل ونهار
في الصبح سحابة من فوقي بالليل قدامي عمود نار)2

3- (حبني خلّى حياتي تساوي ريَّح لي القلب الموجوع
وصبح لي من سماوي جُعت وجه شبعني يسوع)2

4- (خرَّج لي ميَّة من الصخرة أنا عطشان وحبيبي رواني
من بعد العبودية المُرَّة هارجع أرنم وأفرح تاني)2

القرار
(حبيبي يا يسوعي ما أعظمك يا غالي
حبك غمرني سباني وغيَّر لي حالي)2

1- (يا خسارة الأيام اللي مرت من غيرك
ياريت عرفتك زمان وشبعت بخيرك)2

2- (كل ما في الدنيا باطل مصيره للعذاب
مهما تحاول وتجرب يا ابني كله سراب)2

3- (قاعد بتفكر وبتحسب شايل هم الأيام مش
عارف إنه يسوعك من أجلك مات وقام)2

4- (تعالى وجرب إنك تحكى معاه بدموع
ارحمني يا مُخلِّص ريحني يا يسوع)2

5- (لازم تشكر من قلبك يسوعك العجيب
اللي قِبلك وقال لك ابني أيا حبيب)2

6- (لا تنسى إنك ابنه قولّه يا بابا يسوع
ما أعظمك يا غالي حبيبي يا يسوع)2

أخطي فأفتش عن عذر حتى فرغت
بئرالأعذار أخطي فأقول أنا بشرٌ
وكل بني جنسي أشرار)2

المس فؤادي سيدي خُذ بيدي
كي أهدي وأبتدي بعد انتهاء وألمس
بجهرة حُبكَ قلبي أنا
(يا ربنا في حبك كل الرجاء)
وأعطني جناح صلاة به أصعد نحو السماوات
وبصوت ملائكتك أهتف طول الأوقات
قدوس.. قدوس.. قدوس
أنت وفي قربك كل الخيرات
(في دنيتي وظلمتي أنت الضياء)
لن أسجد إلا أمامك أنت يا الله
ولتنطق شفتاي بحمدك في كل صلاة
أغفر خطايايَّ طهرني وأعطني حياة
(يا مُنقذي يا سامعاً كل الدعاء)